Author: E. Evertsz

Posted on

Kenley Jansen afo 8-12 siman

LOS ANGELES — E ekipo di Los Angeles Dodgers a anunsia ku Kenley Jansen lo perde e komienso di temporada regular pa motibu di un operashon ku a keda hasi na pia robes di e pelotero pa kita un kresementu di un wesu. E ekipo ta kere ku Kenley lo perde entre 8 pa 12 siman.

Tabata siman pasa ku Kenley a sinti inkomodidat ora e tabata kore. Mes ora e ekipo a laga saka potret di e pia di e picher ku a mustra un kresementu di un wesu den su pia. Bou di direkshon di e dokter di ekipo Kenley a keda opera ayera na hospital Cedars-Sinai na Los Angeles.

Dodgers a bisa ku Kenley lo tin ku hasi uso di kruk pa kana durante e siguiente 10 dianan aproksimadamente i despues lo tin su pia den un buts speshal pa 3-4 siman. E ekipo a duna di konoso ku e regreso di Kenley ta depende di kon lihe e rekupera di e operashon pero ta estima ku lo tuma entre 8 pa 12 siman. Na 12 siman for di awe ta nifika ku Kenley lo ta bek ku e ekipo banda di 13 di mei proksimo.

Den 2014 Kenley a salba 44 partido pa Dodgers ku un efektividat di 2.76 den 68 partido.

Posted on

Diferente pelotero di Korsou riba roster di Tur-Strea Oropeo

SUISA — Riba dianan 10 i 11 di mart próksimo lo tin dos wega di eksibishon na Hapon entre un selekshon di beisbòl di Tur-Strea oropeo i e selekshon nashonal Hapones. E partidonan ku a keda yama Global Baseball Match lo tuma luga den Tokyo Dome na Hapon. E selekshon di Tur-Strea oropeo ta konta ku un kantidat di pelotero Hulandes. Entre e peloteronan aki tin di Korsou: Andruw Jones, Yurendell de Caster, Curt Smith, Dashenko Ricardo, Shairon Martis i Diegomar Markwell.

Roster di e selekshon di Tur-Strea oropeo ku a keda somete:

Name

Position

Country
Luke Sommer Pitcher Germany
Diegomar Markwel Pitcher Netherlands
Jose Escalona Pitcher Italy
Rob Cordemans Pitcher Netherlands
Owen Ozanich Pitcher France
Alessandro Maestri Pitcher Italy
Tom Stuifbergen Pitcher Netherlands
Shairon Martis Pitcher Netherlands
Loek van Mil Pitcher Netherlands
Rick van den Hurk Pitcher Netherlands
Leslie Nacar Pitcher Spain
Jan-Niclas Stoecklin Pitcher Germany
Orlando Yntema Pitcher Netherlands
Kevin Heijstek Pitcher Netherlands
Blake Ochoa Catcher Spain
Dashenko Ricardo Catcher Netherlands
Gianison Boekhoudt Catcher Netherlands
Curt Smith Infield Netherlands
Alessandro Vaglio Infield Italy
Oscar Angulo Infield Spain
Juan Carlos Infante Infield Italy
Michael Duursma Infield Netherlands
Stefano Desimoni Outfield Italy
Fernando Martinez Outfield Spain
Kaliam Sams Outfield Netherlands
Mario Chiarini Outfield Italy
Yurendell De Caster Utility Netherlands
Andruw Jones DH Netherlands
Steve Janssen Manager Belgium
Marco Mazzieri Assistant Manager Italy
Wim Martinus Assistant Coach Netherlands
Sidney De Jongh Hitting Coach Netherlands
Martin Brunner Pitching Coach Austria
Ben Thijssen 3rd Base Coach Netherlands
Augusto Medina 1st Base Coach Italy
Gianni Natale S&C Italy
Gijs Seldenrijk Chef D’Equipe Netherlands
Peter Meijers Business Manager Netherlands
Rob Tamminga Manual Therapist Netherlands
Massimo Baldi Trainer Italy

 

Posted on

Breve Deporte Awe #1-020

  • Segun informashonnan, e ekipo di New York Yankees tin pensa di retirá e number di uniform 46. Esaki komo rekonosementu di e èks-picher Andy Pettitte ku atrabes di su karera a logra bira e picher ku mas partido gana den post-temporada. E ekipo tin pensa di hasi esaki dia 23 di ougùstùs próksimo promé ku e partido di New York Yankees kontra Cleveland Indians. Pettitte tabata tin un karera di 18 temporada den Liga Grandi kaminda e la logra un rèkert di 256-153 ku un efektividat di 3.85. Adishonal e picher a logra 19 viktoria adishonal durante post-temporada.
  • Derek Jeter lo no tei pa e tira e promé bala seremonial durante e promé partido di temporada di New York Yankees dia 6 di aprel próksimo. Segun e pelotero, e lo no tei na Merka mes. “Lo mi ta for di e pais,” Jeter a bisa. Segun Jeter e la praktiká e deporte profeshonalmente durante 23 temporada i awor a yega tempu pa mi distansia mi mes for di dje.
  • Segun informashonnan, e ekipo di New York Yankees a ofresé Yankee Stadium komo un lugá tentativo pa Alex Rodriguez diskulpa su mes pa uso di supstansia prohibí. Durante e reunion ku Yankees tabata tin ku A-Rod siman pasa, nan a bisa ku nan ke pa e pelotero dirigí su mes na prensa promé ku djabièrnè aki. No tabata tin masha informashon a sali despues di e reunion ku Yankees i Rodriguez tabata tin siman pasa. Pero awor ta sali na kla ku e ekipo a bisa A-Rod bon kla ku nan ta keda ku e idea pa keda sin pag’e e bononan di honron konektá. Ainda no tin fecha un fecha pone pa Rodriguez dirigí su mes na prensa i diskulpa.
  • Victor Sanchez, un di e picher prospektonan top di e ekipo di Seattle Mariners mester a keda hospitalisá na Venezuela djabièrnè ultimo. Esaki despues ku e pelotero tabata landando na un laman na Venezuela i a keda alkansá pa un boto. E pelotero a risibí un fraktura na su kabes i mester a keda opera. Segun dokternan, Sanchez ta luchando pa su bida. Sanchez tabata konsiderá un di e mihó picher prospektonan for di Venezuela na 2011 ora ku Mariners a firme na edat di 16 aña ku un bono di 2,5 mion dòler.
Posted on

PSV ke ekstendé kontrakt di Jetro Willems

EINDHOVEN — Marcel Brands, direktor tékniko di e ekipo di PSV ke ekstendé e kontrakt di nan futbolistanan ku nan kontrakt ta finalisá na mitar 2017. Den e futbolistanan aki tin Jetro Willems ku segun informashonnan ta un dje ekipo su máksimo prioridatnan. Ya tin un tempu kaba ku negosashonnan ta andando entre PSV i Jetro.

E ekipo di PSV ta konsiente ku e temporada di transferensia ta yegando na yüni próksimo i ekipo sa ku Jetro Willems ta un di e futbolistanan ku mas ta keda solisitá den posibel transferensia.

Den un deklarashon Jetro a bisa, “nos lo wak kiko ta bai pasa. Si PSV bini ku un bon oferta, bo no sa nunka. No ta un straf pa mi keda ku PSV. Mi tin solamente 20 aña.

Posted on

Jean-Julien Rojer i Horia Tecau ta gana ABN AMRO World Tennis Tournament

ROTTERDAM — Jean-Julien Rojer i Horia Tecau a logra e título dòbel den e di 42 edishon di e ABN AMRO World Tennis Tournament. Den e final Rojer i Tecau a enfrentá i derota Jamie Murray i John Peers ku skor di: 3-6, 6-3 i 10-8.

Despues di a pèrdè promé set, Rojer i Tecau a bin bek fuerte den e di dos i di tres set. Segun Jean-Julien, “mi no tabata hungando bon. Mi partner Tecau a yuda mi henter e siman aki, pues tur krédito ta bai pe.”

Rojer a bira e promé Hulandes ku ta gana den Ahoy despues ku Paul Haarhuise, Jacco Eltingh i Jan Siemrink a hasi esaki na aña 1998.

“Semper ta bunita pa gana un torneo den e pais ku bo ta representá, dilanti famia i amigu. Despues di a pèrdè den e final di aña pasa, nos tabata tin un kuenta di bin regla. Den pasado mi a train hopi na Rotterdam i ta hopi dushi pa gana un torneo grandi asina aki den e siudat aki. Esaki ta un di e viktorianan mas importante di mi karera. Nos ta bin otro aña sigur pa defendé nos título,” Jean-Julien Rojer a deklará despues di e partido.

Posted on

Jean-Julien Rojer den semifinal na Rotterdam

ROTTERDAM — Jean-Julien Rojer i su partner Horia Tecau a logra pasa pa e semifinal di e ABN AMRO World Tennis Tournament na Ahoy Rotterdam. Rojer i Tecau a derota Nenad Zimonjic i Asam-Ul-Haq Qureshi den e kuart-final ku skor di 7-6 i 7-6. Den e semi-final Rojer i Tecau lo enfrentá e ganadónan di wega entre Begemann/Haase i Granollers/Lopez. Aña pasa Rojer i Tecau a yega te den e final di e torneo aki pero a kai chikí despues ku nan a pèrdè di Michael Llorda i Nicolas Mahut ku skor di 6-2 i 7-6.

Posted on

Breve Deporte Awe #1-019

  • E ekipo di Atlanta Braves a anunsiá ku picher Shae Simmons a hasi operashon di Tommy John ayera i lo pèrdè kompletu e temporada 2015. E relevista di 24 aña a subi den mei di aña pasa ku e ekipo i a picha den 26 partido ku un efektividat di 2.91. Shae mester a pèrdè e ultimo dos lunanan di temporada pa motibu di leshon na skouder. Segun informashonnan, for di siman pasa e pelotero a kuminsá keha di dolo den su kokoti. Esaki ta splika tambe dikon den e ultimo siman e ekipo di Atlanta a firma veteranonan Jose Veras, Todd Coffey i Matt Capps na kontrakt di Liga Menor ku invitashon pa Spring Training.
  • San Francisco Giants a yega na un akuerdo ku tersera base Casey McGehee i asina evitá e proseso di arbitrahe salarial. E dos partidonan a bai di akuerdo pa un suma di 4,8 mion dòler pa e temporada 2015. Giants a risibí McGehee den un kambio ku Miami Marlins. Temporada pasa ku Marlins e pelotero a tabata tin un promedio di .287 ku 4 honron i 76 kareda empuha.
  • Kansas City Royals a yega na un akuerdo di dos aña ku picher/relevista Kelvin Herrera. E akuerdo ta pa 4,15 mion dòler for di kua Herrea ta haña 1,6 mion den 2015 i 2,55 mion dòler den 2016. Temporada pasa e ‘setup-man’ di Royals a parese den 70 partido i tabata tin un efektividat di 1.41.
  • Major League Baseball huntu ku Miami Marlins a programa un konferensia di prensa awe tardi na stadion di Miami Marlins. E komunikado no ta bisa spesífikamente kiko ta e motibu di e konferensia, pero ta papia di un anunsio importante. Sin embargo, tin spekulashonnan ku Major league Baseball ofisialmente lo bai anunsiá ku e All-Star Game di aña 2017 lo keda hunga na Miami.
Posted on

Resultadonan Futbòl Hubenil di wikènt último

WILLEMSTAD — Resultadonan Futbòl Hubenil di wikènt último.

Kategoria u-11 te ku u-15: 

Fecha Tim di kas Bishitante Velt U-11 U-13 U-15
3-2-2015 SUBT Gemstones United SUBT 9-0
7-2-2015 Scherpenheuvel Atletico Salinja A SCHERPENHEUVEL 0-7 1-3 7-4
7-2-2015 SUBT A Excellence A SUBT 1-3 4-2 0-5
7-2-2015 UNDEBA Gemstones United TERA KORA 0-5 12-0
7-2-2015 New Song Quick ’60 FFK D 3-0 8-0
7-2-2015 New Song Tera Kora FFK 1-3
7-2-2015 Genesis Boys Victory Boys VESTA 0-2 5-3
7-2-2015 Jong Holland Victory Boys VESTA 5-0
7-2-2015 Mahuma Willemstad A MAHUMA 0-3 0-4
7-2-2015 Hubentud Fortuna VESTA SERU FORTUNA 0-6 0-6 8-1

 

Kategoria u-17 & u-20:

Fecha Tim di kas Bishitante Velt U-17 U-20
Djabierne 6-2-2015 Quick ’60 Sithoc-Marchena FFK 0-6
Djabierne 6-2-2015 UNDEBA Hubentud Fortuna SDK 2-0
Djabierne 6-2-2015 Vesta Willemstad A VESTA Cancelled Cancelled
Djabierne 6-2-2015 Scherpenheuvel Willemstad B SUBT D 3-0
Djabierne 6-2-2015 Hubentud Fortuna Centro Dominguito SDK D 0-3
Djabierne 6-2-2015 Mahuma Indekor FFK 10-0
 
Djasabra 7-2-2015 Victory Boys Excellence FFK 2-6
Djasabra 7-2-2015 Scherpenheuvel Sithoc-Marchena FFK 7-0
Djasabra 7-2-2015 Mahuma C-Stars United SDK 0-2
Djasabra 7-2-2015 New Song Centro Barber VESTA D 3-0
Djasabra 7-2-2015 SUBT Jong Holland SUBT 1-3 Cancelled
Djasabra 7-2-2015 Centro Barber Victory Boys FFK Cancelled

 

Kampionato timnan B:

Fecha Tim di kas Bishitante Velt U-11B U-13B U-15B
6-2-2015 Atletico Salinja B SUBT B WILLEMSTAD (1) 2-1
6-2-2015 Atletico Salinja B SUBT B WILLEMSTAD (1) 1-3
7-2-2015 Excellence B Excellence D WILLEMSTAD (2) 4-1
7-2-2015 Excellence C Willemstad C WILLEMSTAD (2) 4-0
7-2-2015 SUBT B F.C. Stallions WILLEMSTAD (2) 10-0
7-2-2015 Excellence C Excellence B WILLEMSTAD (1) D 0-3
7-2-2015 Excellence B Willemstad B WILLEMSTAD (1) 0-4

Kampionato Hubenil di FFK lo tin un pousa chikí en konekshon ku e temporada di karnaval. E wikènt aki lo no tin wega i otro siman, e wikènt di 20 i 21 di febrüari Kampionato Hubenil ta kontinuá.

Posted on

Leroy Fer ku leshon na rudia

LONDON — E medio kampista di Queens Park Rangers, Leroy Fer lo tin pèrdè te ku 10 siman di temporada despues di a leshoná su rudia djamars ultimo den e partido kontra Sunderland.

Fer ku a habri e markadó den e partido aki pa Queens Park Rangers mester a bandoná na e partido na di 75 minüt riba brankar.

E leshon a surgi despues di un konfrontashon entre Fer i e medio kampista di Sunderland Liam Bridcutt. Mesora despues Fer a kua su rudia robes tene den agonia. Leroy a mira akshon na 26 okashon e temporada aki pa Queens Park Rangers i a anotá 4 gol.

Posted on

Breve Deporte Awe #1-018

  • Den Little League, e organisashon di Little League International a kita e título for di e ekipo di Chicago ku a gana e ‘U.S. Championship’ durante di e Little League World Series aña pasa. Segun Little League International e ekipo di Jackie Robinson West a hasi uso di peloteronan ku ta biba pafó di e area geográfiko ku e ekipo ta representá. E koachnan di e ekipo tambe a risibí un suspenshon. Segun informashonnan, e organisashon di Jackie Robinson West a presentá mapa ku fronteranan falsifiká i a reuní ku distritonan di Little League den e area pa traha un super-ekipo. Ku esaki e título ta pasa pa e ekipo di Mountain Ridge Little League di Las Vegas.
  • E ekipo di Seattle Mariners a anunsiá ku nan a firma e segunda base Rickie Weeks pa un aña na 2 mion dòler. Temporada pasa ku e ekipo di Milwaukee Brewers e pelotero tabata tin un promedio di .274 ku 8 honron i 29 kareda empuha. E ekipo di Mariners tin pensa di laga e pelotero hunga segunda base ora nan duna Robinson Cano liber i tambe lag’e hunga outfield.
  • Oakland Athletics a yega na un akuerdo ku picher Tyler Clippard evitando asina aki e proseso di arbitrahe salarial. Ainda no ta konosí e montante ku e dos bandanan a bai di akuerdo ku ne, pero ta pensa ku lo ta entre 7,775 mion dòler i 8,85 mion dòler. Oakland a risibí Clippard na yanüari ultimo den un kambio ku Washington Nationals pa Yunel Escobar. Temporada pasa Clippard tabata tin un efektividat di 2.18 den 75 partido komo relevista.
  • Den e dianan próksimo ta toka turno pa e ekiponan di Arizona Diamondbacks i Chicago Cubs pa tira un bista riba e prospekto kubano Yoan Moncada. Den e próksimo dos simannan e pelotero lo tuma oferta di ekiponan interesá ku ta interesa. Segun e agente di e pelotero, no muchu despues di e dos simannan aki e ta spera ku e pelotero lo tuma un desishon. Los Angeles Dodgers, New York Yankees, Boston Red Sox i San Diego Padres tur ta ekiponan ku ta tras di e pelotero aktualmente.