Category: Bòkseo

Posted on

Resultado di bòkseo wikènt tras di lomba

WILLEMSTAD – Siguiente mente bo por haña e resultado di e pelea nan di bòkseo mas importante di wikènt tras di lomba. E pelea nan aki a tuma lugá djasabra 25 di yanüari 2014.

Na Madison Square Garden, New York, Mikey Garcia (33-0, 28 KO) ta keda ku su título di WBO peso super pluma, ganando di Juan Carlos Burgos (30-1-2, 20 KO) pa desishon unánime. E hues nan a skor e pelea 118-110, 118-110 i 119-109 pa Garcia. Den e pelea ko-estelar, Bryant Jennings (17-0, 9 KO) a gana di Artur Szpilka (16-0, 12 KO) ku knockout tékniko den di 10 asalto. Felix Verdejo (9-0, 6 KO) tabata tin un anochi fásil ganando ku knockout den 21 sekònde di e promé asalto di Lauro Alcantar (8-0, 1 KO).

Na Washington DC, Lamont Peterson (31-2-1, 16 KO) ta keda ku su título di IBF peso welter junior despues di gana pa desishon unánime di Dierry Jean (25-0, 17 KO). E hues nan a skor e pelea, 118-111, 116-112 i 115-113 pa Peterson. Den e pelea ko-estelar, Jermell Charlo (22-0, 11 KO) a gana pa desishon unánime di Gabriel Rosado (21-6, 13 KO). E skor nan tabata 97-93, 99-91 i 100-90 pa Charlo.

Na Stuttgart, Alemania, Marco Huck (36-2-1, 25 KO) a gana e revancha kontra  Firat Arslan (33-6-2, 21 KO). Huck a gana pa knockout tékniko den di 6 asalto i asina mantené su título di WBO peso pisa junior.

*(Gana-Pèrdí-Empatá, Knockout)

Posted on

Pelea nan di bòkseo pa wikènt aki

WILLEMSTAD – Siguiente mente bo por haña un kompilashon di e pelea di bòkseo mas importante pa e wikènt aki. Tur pelea ta programa pa djasabra 25 di yanüari 2014.

Na Madison Square Garden, New York tin e pelea entre Mikey Garcia (33-0, 28 KO) i Juan Carlos Burgos (30-1-2, 20 KO). E pelea aki ta di 12 asalto pa e título di Garcia di ‘junior lightweight’. Komo pelea ko-estelar tin e pelea di peso pisa entre Artur Szpilka (16-0, 12 KO) i Bryant Jennings (17-0, 9 KO). Tambe den peso pluma tin e pelea di Felix Verdejo (9-0, 6 KO) kontra Lauro Alcantar (8-0, 1 KO).

Na Washington DC tin e kartelera di Golden Boy Promotions ku pelea estelar entre Lamont Peterson (31-2-1, 16 KO) i Dierry Jean (25-0, 17 KO). E pelea aki ta pa e título di ‘junior welterweight’ di Peterson. E pelea ko-estelar riba e kartelera aki ta entre Gabriel Rosado (21-6, 13 KO) i Jermell Charlo (22-0, 11 KO).

Na Stuttgart, Alemania tin e revancha entre Marco Huck (36-2-1, 25 KO) i Firat Arslan (33-6-2, 21 KO). E pelea aki ta pa Huck su título di ‘cruiserweight’.

*(Gana-Pèrdí-Empatá, Knockout)

Posted on

VIDEO: Jemyma Betrian ta gana na China

XIANYANG, CHINA – Jemyma Betrian ta añadí otro viktoria mas riba su rèkert. Esaki despues ku e la gana kontra di Wang Ke Han di China den den su kas na Xianyang, China. E pelea no a kuminsá fásil pa Betrian. Na dos okashon den e promé asalto su kontrinkante Chines a buta Jemyma toka lona.

Den e di dos i di tres asalto Betrian a haña su mes i logra un empate despues di tres asalto. Esaki a pone ku e pelea mester a bai un asalto mas pa kibra e empate. E asalto aki Jemyma a gana pa via di desishon dividí i asina tambe gana e pelea.

Jemyma lo ta bek den ring dia 15 di febrüari próksimo den e kartelera di WCK Muay Thai “Matter of Pride”, na Pechanga Resort i Kasino den e siudat di Temecula, California. Den e pelea prinsipal, Jemyma Betrian lo enfrentá Thais Souza.

Wak e kartelera kompletu ku Jemyma Betrian a bringa aden. E pelea di Jemyma mes ta kuminsá na 01:57:00. Den kaso ku e video no ta aparesé riba bo pantaya, por fabor ‘refresh’ bo paginá i e video mester aparesé. 

Posted on

Jemyma Betrian bek den ring den WCK Muay Thai “Matter of Pride”

TEMECULA, CALIFORNIA – Dia 15 di febrüari próksimo lo tin e kartlera di WCK Muay Thai “Matter of Pride”, na Pechanga Resort i Kasino den e suidat di Temecula, California. Den e pelea prinsipal, Jemyma Betrian lo enfrentá Thais Souza.

Jemyma no ta un deskonosí pa su pelea nan na Estados Unidos. Na April di 2013 Betrian tabata tin su ultimo pelea na Estados Unidos. Den e pelea aki Jemyma a gana di Baitong Sumalee ku un knockout den e promé asalto.

Na November di 2013, Betrian a bringa su ultimo pelea. Aki nan e ‘Golden Girl’ a logra gana e faha di Kampion Europeo Muay Thai ku e keda sanshoná pa e Union Internashonal di MuayThai (IMTU).

E kartelera di WCK Muay Thai “Matter of Pride” tin e siguiente pelea nan:

  • Jemyma Betrian kontra Thais Souza
  • Sergio Pique kontra Virgil Zwicker
  • Bryce Krause kontra Landon Simmons
  • Adam Rothwiler kontra David Huerta
  • Jon Vargas kontra Melisk Baghdasaryan
  • Adrian Morilla kontra Levon Sarkisyan
  • Afam Egbochuku kontra Charles Bisset
  • Marvin Madariaga kontra Travs Garlits
  • Daniel Valdez kontra Andrew Gabriel
  • Francisco Garcia kontra James Steelsmith
  • Zoila Fausto kontra ‘Lo Keda Anunsia Despues’
Posted on

Jemyma Betrian ta keda felisitá pa Gobièrnu di Kòrsou

WILLEMSTAD – Sr. Ivar Asjes, na nòmber di Gobièrnu i Pueblo di Kòrsou ta felisitá nos atleta profeshonal Jemyma Betrian ku un éksito mas ku e la logra den Muay Thai Boxing na Fransia. E biaha aki Jemyma a logra di vense e atleta Katia Semail den 2 minüt di e promé buèlta, pa ku e kategoria mas pisa di 56 kg, pa asina kosechá un título Oropeo mas.

Jemyma a kompetí den mas ku 36 partido den rin for di kual e la pèrdè dos biaha so. Ya e la kosechá hopi título mundial na nivel profeshonal, kual nan ta: Full Muay Thai Rules, kual ta un di e kategoria nan di mas haltu di World Boxing Championship i banda di diferente otro título nan ku e la kosechá e ta tambe Kampion Europeo den Bòkseo.

Un pabien ta bai na Jemyma, e organisashon di Muay Thai Boxing, su coach nan, su mayor nan i famia. Promé Minister Asjes ta kontentu ku Kòrsou ta sigui risibí bon notisia di nos atleta nan ku nan ta sigui alsa nòmber di nos Nashon den eksterior.

Posted on

Jemyma Betrian kampion Europeo Muay Thai

RIOM, Fransia – Jemyma Betrian ta añadí un otro faha den su kolekshon. E biaha aki ganando e faha di Kampion Europeo Muay Thai ku e keda sanshoná pa e Union Internashonal di MuayThai (IMTU).

E pelea di Betrian a tuma lugá djasabra ultimo na Riom, Fransia den e Gala di Bòkseo Thai organisá pa Brizon Gym. Jemyma di e ekipo Explosion di Hulanda a bringa den e kategoria di 56kg kontra di Katia Semail di Brizon Gym, Fransia.

Betrian tabata demasiado fuerte pa su kontrinkante Franses. Algu promé ku final di e promé asalto e skina di Semail a tira e sèrbètè blanku den ring pa para e pelea.

“Jemyma ta un profeshonal pa seis aña kaba i e la gana diferente pelea. Tabata imposibel pa kontra atake. E ta un mashin di guera,” Semail a bisa despues di e pelea.

Posted on

Robert Guerrero algun ratu detené na New York

NEW YORK, New York – Den un komunikado Golden Boy Promotions ta bisa ku e seis biaha kampion mundial den kuater divishon a keda detené na New York. Segun Golden Boy Promotions, Robert Guerrero a check-in su maleta na John F. Kennedy International Airport i a pone outoridat nan na altura ku e tin un arma di kandela den su ekipahe. E arma aki Guerrero tin n’e legalmente i ta registrá den e suidat ku e ta biba.

Apesar di esaki Guerrero a keda arestá i presentá dilanti di korte. Despues di tende e argumento nan den e kaso, korte Supremo di Estado di New York a disidí di laga Guerrero den libertat. E kaso lo kontinuá despues di e pelea riba 4 di mei entre Floyd Mayweather i Guerrero.

Posted on

Lamont Peterson no a tèst positivo despues di su último pelea

WASHINGTON, DC – Den un komunikado Golden Boy Promotions ta bisa ku  kontrali na loke ta wòrdu bisa den media Lamont Peterson no a tèst positivo pa supstansia prohibí. Segun Golden Boy Promotions a sali publiká den media ku Peterson a tèst positivo despues di defendé su titulo di peso welter kontra Kendall Holt dia 22 di febrüari último. Kontrali na loke tin publiká, Peterson a tèst negativo pa tur supstansia prohibí riba lista di e Agensia Mundial di Anti-Dopahe (WADA).

Posted on

Tres siman di mega pelea den bòkseo

LOS ANGELES, California – Preparashon nan ta kanando i fanátiko nan di bòkseo ta entusiasmá pa tres siman siguí di evento nan mega den bòkseo. Tur kos ta kuminsá riba 20 di aprel ku e pelea entre Canelo Alvarez i Asutin Trout. Su siguiente siman riba 27 di aprel ta siguí ku Danny Garcia kontra Zab Judah. Por último dia 4 di mei, Floyd Mayweather lo enfrenta Robert Guerrero.

Alrededor di 50.000 karchi a wordu bende kaba pa e tres evento nan aki. E promé pelea entre Alvarez i Trout lo ta den Alamodome na San Antonio, Texas i ta wòrdu televisá pa kanal Showtime. Showtime lo transmití e pelea di Garcia i Judah tambe for di Barclay Center na Brooklyn, New York. Mayweather i Guerrero su pelea lo ta riba Showtime PPV bibu for di MGM Grand na Las Vegas, Nevada.

Riba e kartelera di Garcia i Judah tambe lo tin e pelea entre Peter “Kid Chocolate” Quillin i Fernando Guerrero. Miéntras ku riba e kartelera di Mayweather i Guerrero tin e pelea entre Daniel Ponce de Leon kontra Abner Mares.

Posted on

Floyd Mayweather lo enfrentá Robert Guerrero

Floyd “Money” Mayweather a yega na un akuerdo históriko ku kanal di televishon Showtime Pay Per View i su kompania mama CBS Corporation. Den e akuerdo nobo Showtime PPV i CBS Corporation lo traha huntu pa asina promové evento nan di Mayweather riba nan kanal nan.

E akuerdo ta pa un periodo di 30 luna i lo pèrmití Mayweather bringa no mas ku seis biaha. E promé pelea lo ta riba kuater di mei 2013 na momentu ku Mayweather enfrenta Robert “The Ghost” Guerrero.

Mayweather durante henter su karera a traha ku HBO/Time Warner, ku e kambio aki Mayweather ta terminá un relashon di trabou di 16 aña ku HBO.

Facebook Twitter Instagram Youtube
© 2022 Deporte Awe. Tur derechi reservá. Diseñá pa E² Media.