WILLEMSTAD – Entrante siman benidero Jemyma Betrian lo ta na Kòrsou, kaminda e ta bai prepará pa su siguiente pelea. Dia 7 di yüni próksimo Jemyma lo enfrentá Christi Brereton di Inglatera den e World Championship Muay Thai International Showdown na Pechanga Resort, California. Den e pelea ku ta programa pa sinku asalto, Jemyma lo defendé su título mundial di ‘WBC Women’s Bantamweight’.
LAS VEGAS, NEVADA – Floyd “Money” Mayweather ta logra mantené su rèkert perfekto den un pelea kaminda na un momento dado tabata mustra ku Mayweather lo sufri di su promé derota di su karera.
Ku un desishon mayoritario Mayweather a logra e título di kampion mundial WBC i WBA peso welter. Hues Michael Pernick a skor e pelea komo un empate (114-114), miéntras ku Burt Clemens a skor e pelea 117-111 i Dave Moretti 116-112.
Ku e viktoria aki Mayweather ta pone su rèkert na 46 gana i 0 pèrdí.
Den e pelea ko-estelar, Amir Khan a manda Luis Collazao lona na tres okashon pa gana via desishon unánime ku skor di 117-106, 119-104 i 119-104.
Adrian Broner tambe a gana pa medio di desishon unánime di Carlos Molina. E huesnan a skor e pelea aki na 99-91, 98-92 i 100-90.
LAS VEGAS, NEVADA – Mañan djasabra lo tin e mega kartelera di bòkseo na momentu ku Floyd “Money” Mayweather enfrentá Marcos “El Chino” Maidana na MGM Grand na Las Vegas. Maidana ku tin un rèkert di 35 gana for di kua 31 knockout i 3 pelea pèrdí ta bai purba na duna Floyd Mayweather su promé derota di su karera profeshonal. Mayweather tin un rèkert di 45 gana for di kua 26 knockout i 0 pèrdí.
E pelea lo ta un pelea programa pa 12 asalto, kaminda tantu e faha di WBC peso welter di Mayweather komo esun di WBA peso welter di Maidana lo ta den wega. Pa Floyd Mayweather tin un bolsa garantisá di por lo mínimo $32 mion dòler. Miéntras ku pa Maidana e bolsa ta na un mínimo di $1,5 mion dòler garantisá.
Komo pelea ko-estelar riba e kartelera tin e pelea entre Amir Khan i Luis Collazo. Esaki tambe lo ta un pelea programá pa 12 asalto pa e título di ‘WBC Silver Welterweight’.
Tambe riba e kartelera tin Adrien Broner ku lo ta bek den ring despues di su derota kontra Marcos Maidana. Broner lo enfrentá Carlos Molina pa e título di “WBA International super lightweight”.
HARBIN, CHINA – Deporte Awe a logra haña e video di e kartelera kompleto den kua Jemyma Betrian a forma parti di dje den wikènt tras di lomba. Jemyma ‘Golden Girl’ Betrian a bringa den wikènt tras di lomba den e torneo yama ‘Kunlun Fight 3’ na China. Akinan un biaha mas Jemyma a sa di bai ku e título máksimo. Den e torneo aki Jemyma mester a bringa dos biaha i gana ambos pelea pa por bai ku e título.
Den e promé pelea Jemyma a enfrentá e Portuges, Katia Pedrosa. Akinan Jemyma a terminá e pelea den promé asalto ku un nòkout tékniko. Den e final, Jemyma a bringa kontra E Meidie di China. Den e pelea aki Jemyma a logra gana pa desishon unánime, e skor nan tabata di (30-28 ,30-27 i 30-28).
Ku e viktoria aki, Jemyma a logra e título di ‘WLF woman kickboxing world champion gold belt.’
E promé pelea di Jemyma ta kuminsá na di 26:00 minüt, miéntras ku e di dos pelea ta kuminsá na di 105:00 minüt.
Kortesia di: Wasu TV (www.wasu.cn)
HARBIN, CHINA – Jemyma ‘Golden Girl’ Betrian a bringa den wikènt tras di lomba den e torneo yama ‘Kunlun Fight 3’ na China. Akinan un biaha mas Jemyma a sa di bai ku e título máksimo. Den e torneo aki Jemyma mester a bringa dos biaha i gana ambos pelea pa por bai ku e título.
Den e promé pelea Jemyma a enfrentá e Portuges, Katia Pedrosa. Akinan Jemyma a terminá e pelea den promé asalto ku un nòkout tékniko. Den e final, Jemyma a bringa kontra E Meidie di China. Den e pelea aki Jemyma a logra gana pa desishon unánime, e skor nan tabata di (30-28 ,30-27 i 30-28).
Ku e viktoria aki, Jemyma a logra e título di ‘WLF woman kickboxing world champion gold belt.’
LAS VEGAS, NEVADA – Mayweather Promotions huntu ku Golden Boy Promotions a anunsiá e siguiente pelea di e bòksdó Floyd “Money” Mayweather den un komunikado.
Segun e komunikado, despues di siman nan di spekulashon, inkluyendo reakshon di fanátikonan riba e diferente plataformanan di media sosial, e aktual Kampion di WBC peso welter, Floyd “Money” Mayweather lo bringa kontra e aktual Kampion WBA peso welter, Marcos “El Chino” Maidana riba djasabra 3 di mei próksimo.
E pelea lo ta un pelea programa pa 12 asalto, kaminda tantu e faha di WBC peso welter di Mayweather komo esun di WBA peso welter di Maidana lo ta den wega.
Den 2013, Mayweather a gana di Robert Guerrero i Canelo Alvarez pa pone su rèkert na 45 gana for di kua 26 knockout i 0 pèrdí. Segun Mayweather, “e ultimo pelea di Maidana mesora a hala su atenshon. Maidana ta un boksdo hopi bon ku ta trese e peliger di knockout den ring.”
E Argentino, Maidana tin un rèkert di 35 gana for di kua 31 knockout i 3 pelea pèrdí. Den su ultimo pelea, Maidana a sorprendé Adrien Broner mandando e bòksdó aki suela na dos okashon i asina gana e pelea pa desishon unánime. Segun Maidana, “e ta hopi kontentu ku e oportunidat pa bringa kontra Floyd Mayweather paso esei ta dune e oportunidat di mustra mundu ku e ta e mihó peso welter den e divishon.”
CALIFORNIA – Jemyma Betrian ta añadí un otro faha den su kolekshon. Jemyma a gana ku nòkout tékniko (TKO) den di tres asalto kontra Thais Souza i asina logra e título di WCK peso ‘gallo’.
Betrian a bringa den e pelea estelar di WCK Muay Thai “Matter of Pride” ku a tuma lugá na Pechanga Resort i Kasino na California. Meskos ku su pelea anterior na China Jemyma a kuminsá un tiki friu. E ‘Golden Girl’ no por a haña su mes den e promé dos asalto nan. Esaki a bin kambia den e di tres asalto i tabata sufisiente pa Jemyma logra un nòkout tékniko riba su kontrinkante Thais Souza.
Ku e viktoria aki Jemyma ta pone su rèkert na 32 gana for di kua 12 nòkout, 2 derota i 1 empate.
TEMECULA, CALIFORNIA – Mañan, 15 di febrüari, Jemyma Betrian lo ta bek den ring den kartelera di WCK Muay Thai “Matter of Pride”, na Pechanga Resort i Kasino den e siudat di Temecula, California. Den e ‘main event’ di e kartelera aki, Jemyma Betrian lo enfrentá Thais Souza.
Jemyma Betrian tabata den ring apénas tres siman pasa ora ku e la bringa i gana di Wang Ke Han na China.
Jemyma no ta un deskonosí pa su pelea nan na Merka. Na April di 2013 Betrian tabata tin su ultimo pelea na Merka. Den e pelea aki Jemyma a gana di Baitong Sumalee ku un knockout den e promé asalto.
E kartelera di WCK Muay Thai “Matter of Pride” tin e siguiente pelea nan:
NEW YORK – Den e kartelera di bòkseo presentá pa Golden Boy Promotion ayera na Barclays Center New York, Luis Collazo ta gana di Victor Ortiz. Na final di e di dos asalto, Luis Collazo a knockout Victor Ortiz pa asina gana e título di WBA peso welter internashonal.
Den e pelea ko-estelar Eddie Gomez ta gana pa desishon unánime di Daquan Arnett. E hues nan a skor e pelea 98-91, 98-91 i 97-92 pa Eddie Gomez.
NEW YORK – Awe na Barcalys Center New York tin e pelea entre Victor Ortiz (29-4-2, 22 KO) i Luis Collazo (34-5, 17 KO). E pelea di 12 asalto ta pa e título di WBA peso welter internashonal. Den e pelea ko-estelar Eddie Gomes (15-0, 10 KO) ta bringa kontra Daquan Arnett (11-0, 7 KO) den e kategoria di peso super welter.
*(Gana-Pèrdí-Empatá, Knockout)