Author: E. Evertsz

Posted on

Breve Deporte Awe #1-034

Resultadonan di Spring Training ayera:

  • Atlanta Braves a empatá ku Houston Astros na 2 kareda despues di 10 entrada
    Andrelton Simmons no a hunga den e partido aki
  • Baltimore Orioles a pèrdè di Minnesota Twins ku skor di 2-1
    Jonathan Schoop no a konektá hit den 3 turno na bate den e partido aki
  • Houston Astros a derota Detroit Tigers ku skor di 14-9
  • Miami Marlins a pèrdè di St. Louis Cardinals ku skor di 5-2
  • Philadelphia Phillies a derota Tampa Bay Rays ku skor di 5-4
  • Washington Nationals a pèrdè di New York Yankees ku skor di 3-2
    Didi Gregorius no a hunga den e partido aki
  • Pittsburgh Pirates a derota Toronto Blue Jays ku skor di 1-0
  • Boston Red Sox a gana New York Mets ku skor di 6-3
  • Arizona Diamondbacks a derota San Francisco Giants ku skor di 12-2
  • Chicago White Sox a gana Oakland Athletics ku skor di 10-4
  • Cleveland Indians a pèrdè di Texas Rangers ku skor di 8-7
  • Colorado Rockies a derota San Diego Padres ku skor di 7-5
    Roger Bernadina no a hunga den e partido aki. Jair Jurrjens tampoko no a hunga den e partido aki.
  • Milwaukee Brewers a pèrdè di Los Angeles Dodgers ku skor di 4-3
  • Seattle Mariners a pèrdè di Cincinnati Reds ku skor di 10-1
    Carlton Daal no a hunga den e partido aki
  • Texas Rangers a derota Chicago Cubs ku skor di 6-4

Partidonan di Spring Training awe:

  • Atlanta Braves kontra Washington Nationals
  • Boston Red Sox kontra St. Louis Cardinals
  • Minnesota Twins kontra Pittsburgh Pirates
  • Philadelphia Phillies kontra Baltimore Orioles
  • Tampa Bay Rays kontra New York Yankees
  • Toronto Blue Jays kontra Detroit Tigers
  • Houston Astros kontra Toronto Blue Jays
  • Miami Marlins kontra New York Mets
  • Arizona Diamondbacks kontra Chicago White Sox
  • Cleveland Indians kontra Seattle Mariners
  • Kansas City Royals kontra Milwaukee Brewers
  • Los Angeles Angels kontra Cincinnati Reds
  • Los Angeles Dodgers kontra San Francisco Giants
  • Oakland Athletics kontra Texas Rangers
  • San Diego Padres kontra Chicago Cubs

Breve:

  • Den wikènt tras di lomba e ekipo di Atlanta Braves a invitá e yu di Kòrsou Ozhaino Albies na nan kampamentu di Spring Training. Albies ta un shortstop prospekto den e organisashon di Atlanta. Temporada pasa tabata e pelotero su promé aña den beisbòl profeshonal ora e la hunga den e Liga di Nobato ku e ekipo di Danville Braves i GCL Braves. Durante e temporada 2014 Albies a logra un promedio di .364 entre e dos ekiponan aki.
  • Segun manager di Atlanta Braves Fredi Gonzalez, Andrelton Simmons lo kuminsá hunga den partido pronto. Simmons a tuma parti den e práktikanan di bateo di e ekipo tantu djasabra komo djadumingu.
  • E ekipo di Texas Rangers a anunsiá ku picher Yu Darvish lo por bai pèrdè e temporada 2015 den su totalidat. Darvish a leshoná su kokoti drechi despues di picha solamente un entrada riba djaweps ultimo. E pelotero lo bai tuma un di dos opinion riba e leshon mañan na New York. Despues di esaki e ekipo lo tuma un desishon si Darvish lo tin ku bai hasi e operashon di Tommy John ku mesora lo trese un fin na e temporada pa Darvish.
Posted on

Atletanan di Kòrsou no ta logra yega final den Kampionato Indoor

PRAAG — Den wikènt tras di lomba tabata tin e kampionato Oropeo di Atletismo Indoor na Praag, Republika Cheka. Pa Hulanda tabata tin tres atleta di Kòrsou ku a klasifiká pa e kompetensia. E atletanan tabata Brian Mariano riba 60 meter, Liemarvin Bonevacia i Terrence Agard riba 400 meter.

Tabata Liemarvin ku Terrence Agard ku a mira akshon promé den e kompetensia riba djabièrnè. Ambos a kore den e buèlta klasifikatorio di 400 meter sin por logra klasifiká pa e siguiente buèltanan. Liemarvin a sali na di tres lugá ku un tempu di 47.62 sekònde den su seri, miéntras ku Terrence Agard a sali na di kuater lugá ku un tempu di 47.56 sekònde den su seri. Pa a kontinuá e atleta mester a finalisá su kareda den e promé dosnan of optené e mihó seis tempunan den e atletanan ku no a finalisá den e top dosnan. Despues di e kareda Liemarvin a bisa ku e la sali muchu poko poko i e mester a sali muchu mas lihé.

Brian Mariano si a logra yega semifinal den 60 meter pero akinan no ta logra pasa pa final. Brian a yega na di kuater lugá den su seri koriendo un tempu di 6.64 sekònde.

Posted on

Centro Dominguito, SUBT i UNDEBA ku viktoria den Liga MCB

WILLEMSTAD — Despues di e apertura di e temporada 2015 di futbòl promé divishon Liga MCN siman pasa na Stadion Antoine Maduro e kampionato a kontinuá e siman aki ku 4 partido den Stadion Ergilio Hato.

Siman pasa den e partido di apertura Scherpenheuvel a derota Centro Barber ku skor di 3-2.

Den e promé partido riba djasabra e ekipo di SUBT a enfrentá Sithoc. Akinan tabata SUBT ku a golia Sithoc i gana ku skor di 5-0. Pa SUBT e golnan a keda anotá pa Harold Vargas, Demi Rosario, Christopher Martha na dos okashon i un outo gol.

Despues den e di dos partido Hubentud Fortuna a topa ku Centro Dominguito. Centro Domiguito a logra bai ku e tres puntonan ganando ku e skor di 1-0. E uniko gol di Dominguito a keda anotá pa Luidjino Hoyer.

Riba djadumingu tambe tabata tin dos partido, kuminsando ku e partido entre Jong Colombia i Undeba. Den e partido aki tabata Undeba ku a sali di sali di e porta grandi. E ekipo di Undeba a derota Jong Colombia ku skor di 3-0. Golnan pa Undeba a keda anotá pa Edgard Cassiani na dos okashon i Ruensly Leuteria.

Den e ultimo partido riba djadumingu e ekipo di Victory Boys a empatá ku Jong Holland na 0 gol.

Tabla di posishon despues di promé siman di Liga MCB

Ekipo H G E P GF GK GD Pt.
Subt 1 1 0 0 5 0 5 3
Undeba 1 1 0 0 3 0 3 3
Scherpenheuvel 1 1 0 0 3 2 1 3
C. Dominguito 1 1 0 0 1 0 1 3
Victory Boys 1 0 1 0 0 0 0 1
Jong Holland 1 0 1 0 0 0 0 1
CSD Barber 1 0 0 1 2 3 -1 0
Hub. Fortuna 1 0 0 1 0 1 -1 0
Jong Colombia 1 0 0 1 0 3 -3 0
FC Sithoc 1 0 0 1 0 5 -5 0
Posted on

Breve Deporte Awe #1-033

Resultadonan di Spring Training ayera:

  • Atlanta Braves a derota Detroit Tigers ku skor di 6-4
    Andrelton Simmons no a hunga den e partido aki
  • Baltimore Orioles a gana Tampa Bay Rays ku skor di 3-2
    Jonathan Schoop no a hunga den e partido aki
  • Toronto Blue Jays a pèrdè di Baltimore Orioles ku skor di 5-0
    Jonathan Schoop a konektá un honron di 2 kareda den 3 turno na bate
  • New York Yankees a derota Pittsburgh Pirates ku skor di 2-1
    Didi Gregorius no a hunga den e partido aki
  • Philadelphia Phillies a pèrdè di Houston Astros ku skor di 6-3
  • St. Louis Cardinals a derota Miami Marlins ku skor di 4-1
  • Chicago Cubs a pèrdè di San Francisco Giants ku skor di 8-6
  • Cleveland Indians a gana Cincinnati Reds ku skor di 9-3
    Carlton Daal no a konektá hit den un turno na bate den e partido aki
  • Los Angeles Dodgers a derota Chicago White Sox ku skor di 6-1
  • Milwaukee Brewers a pèrdè di Los Angeles Angels ku skor di 3-2
  • Oakland Athletics a empatá ku Chicago Cubs na 2 kareda
  • San Diego Padres a pèrdè di Seattle Mariners ku skor di 9-4
  • Texas Rangers a pèrdè di Kansas City Royals ku skor di 5-4
  • Colorado Rockies a pèrdè di Arizona Diamondbacks ku skor di 4-3
    Roger Bernadina no a konektá hit den un truno na bate ku un base por bola. Jair Jurrjens a picha 2 entrada permitiendo un hit sin kareda ku un ponche.
  • New York Mets a pèrdè di Washington Nationals ku skor di 5-4
  • Boston Red Sox a pèrdè di Minnesota Twins ku skor di 9-8

Partidonan di Spring Training awe:

  • Houston Astros kontra St. Louis Cardinals
  • Miami Marlins kontra Boston Red Sox
  • Minnesota Twins kontra Tampa Bay Rays
  • New York Yankees kontra Philadelphia Phillies
  • Washington Nationals kontra Atlanta Braves
  • Baltimore Orioles kontra Toronto Blue Jays
  • Detroit Tigers kontra New York Mets
  • Chicago White Sox kontra San Diego Padres
  • Cincinnati Reds kontra Chicago Cubs
  • Kansas City Royals kontra Cleveland Indians
  • Los Angeles Dodgers kontra Milwaukee Brewers
  • San Francisco Giants kontra Texas Rangers
  • Seattle Mariners kontra Los Angeles Dodgers
  • Colorado Rockies kontra Los Angeles Angels
  • Oakland Athletics kontra Arizona Diamondbacks
  • Pittsburgh Pirates kontra New York Yankees

Breve:

  • E ekipo di Cincinnati Reds a anunsiá ku nan a invitá Carlton Daal na nan kampamentu di Spring Training. Carlton temporada pasa a hunga den Klase A di Liga Menor ku e ekipo di Dayton Dragons. Den 95 partido Carlton a logra un promedio di .296. E pelotero di Kòrsou a pèrdè e parti final di e temporada pasa pa motibu di leshon.
  • San Francisco Giants a anunsiá ku Hunter Pence lo pèrdè 6 pa 8 siman pa motibu di un fraktura na su brasa. Pence a leshoná ora ku den un partido di Spring Training kontra Chicago Cubs e picher Corey Black a dal e ku bala. Ku esaki e pelotero lo pèrdè sigur e mayoria di luna di aprel. Pence temporada pasa tabata tin un promedio di .277 ku 20 honron i 74 kareda empuha.
Posted on

Selekshon di Kòrsou Tentativo pa Eliminatorio Mundial 2018

WILLEMSTAD — E selekshon nashonal di Kòrsou ta bai kuminsá riba 27 di mart próksimo ku nan weganan eliminatorio pa Kopa Mundial Rusia 2018. En konekshon ku esaki, Federashon Futbòl Kòrsou huntu ku Patrick Kluivert a manda yama 30 hungadó pa forma parti di e selekshon tentativo.

E promé wega kontra Montserrat ta tuma lugá djabièrnè 27 di mart den stadion Ergilio Hato pa 8’or di anochi. E di dos partido lo tuma lugá djamars 31 di mart na Montserrat.

E 30 hungadónan ku ta forma parti di e selekshon tentativo ta:

Nòmber Klup
Cucu (Ruently) Martina FC Twente
Gevaro Nepomuceno Petrolul
Shelton Martis Osotspa
Vidarell Merencia ADO Den Haag
Prince Rajcomar BEC Tero Sasana
Shanon Carmelia JVC Cuijk
Rihairo Meulens FC Dordrecht
Jason Wall RKT VV
Gianlucca Maria RKC
Guyon Fernandez NAC Breda
Dustley Mulder Apollon
Roly Bonevacia Wellington Phoenix FC
Vurnon Anita Newcastle United FC
Eloy Room Vitesse Arnhem
Felitciano Zschusschen NAC Breda
Darryl Lachman FC Twente
Charlison Benschop Fortuna Dusseldorf
Leandro Bacuna Aston Villa
Elson Hooi Viborg FF
Ayrton Statie FC Den Bosch
Gillian Justiana Helmond Sport
Charlton Vicento Willem II
Romero Regales Lommel United
Ashar Bernardus Centro Dominguito
Soranley Thomsjansen Centro Barber
Luidjino Hoyer Centro Dominguito
Mirco Colina Jr Centro Barber
Rowendy Sumter Jong Holland
Kenneth Kunst Centro Barber
Rugenio Jospehia Juventus
Posted on

Kòrsou Ta Subi Kaminda Rumbo Pa Mundial Rusia 2018

WILLEMSTAD — Kòrsou ta subi e via rumbo pa kampionato mundial 2018 na Rusia. Un meta ku nos selekshon nashonal ta soña pe i determiná pa logra. Kòrsou su promé kompromiso ta kontra di Montserrat dia 27 di mart próksimo den stadion Ergilio Hato na Kòrsou miéntras di 31 di mart nos lo enfrentá Montserrat na Montserrat.

Federashon di Futbòl di Kòrsou ku plaser ta anunsiá ku nos a logra firma Patrick Kluivert komo konsehero ku tin supervishon i guia di nos selekshon nashonal di futbòl. E preselekshon di Kòrsou, ta konta ku algun di nos mihó yunan di tera ku ta hunga afó i na kas.

Ekipá ku e mihónan riba tereno e úniko ku falta ta sosten masal di públiko pa apoyá nos selekshon i sigurá un triunfo riba Montserrat. Pa e motibu aki FFK ke invitá henter pueblo pa ban yena Stadion Ergilio Hato i sostené nos selekshon i biba momentunan emoshonante rumbo pa Rusia.

Meskos ku ekiponan di tur otro nashon nos selekshon lo entrená huntu na vispera di e enkuentro kontra di Montserrat ora ku e kalènder di FIFA ta permití. E hungadónan ku ta bini di afó ta yega Kòrsou dia 23 di mart i aki lo uni nan mes ku esnan selekshoná lokal pa prepará pa e kompromiso kontra di Montserrat.

“Nos ta kontentu di por konta ku nos streanan ku lo sali en buska di viktoria pa Kòrsou. Nan meresé nos tur su sosten komo e di 12 hungadó. Ganando na kas nos ta kue bentaha riba nos kontrinkantenan. E úniko manera pa nos hasi esaki ta ku apoyo masal di nos pueblo. FFK i su partnernan ta hasiendo lo máksimo pa e tantu e enkuentro kontra di Montserrat i esun kontra di Cuba bira un eksperensia úniko pa kada un hende ku bin stadion i sostené nos selekshon. E reto no ta fásil pero ku fe determinashon i sosten di nos tur nos lo logra avansá i krea momentunan di orguyo pa nos hóben nashon’’ Jean Fransisca, presidente di FFK a bisa.

Karchinan pronto lo ta optenibel na rason di ANG 50,- pa bou di dak i ANG 25,- pa otro partinan no kubri di stadion. Karchinan VIP ya ta na benta na ofisina di FFK na rason di ANG 250,- florin. Kada un di nos, kumprando un karchi pa e próksimo wega kontra Montserrat ta yuda patrosiná nos orguyonan nashonal, pasombra e gastunan ta haltu i ala bes lo duna sosten moral den stadion na nos selekshon.

FFK ta kontentu tambe, ku banda di por konta ku sosten di pueblo den e esfuerso grandi aki, ta bai firma kartanan di intenshon ku nos spònsernan mayó. E intenshon ta pa traha i formalisá esakinan den patrosinio di nos selekshon nashonal di futbòl riba kaminda pa Rusia 2018.

Pues nos tur tin un kompromiso ku nos selekshon nashonal, djabièrnè 27 di mart pa 8or di anochi den Stadion Ergilio Hato.

Posted on

Breve Deporte Awe #1-032

Resultadonan di Spring Training ayera:

  • Detroit Tigers a derota Baltimore Orioles ku skor di 5-4
    Jonathan Schoop no a mira akshon den e partido aki
  • New York Mets a gana Atlanta Braves ku skor di 8-2
    Andrelton Simmons no a hunga den e partido aki
  • Philadelphia Phillies a derota New York Yankees ku skor di 3-1
    Didi Gregorius no a konektá hit den un turno na bate, ku un base por bola
  • Toronto Blue Jays a gana Pittsburgh Pirates ku skor di 4-1
  • Chicago White Sox a derota Los Angeles Dodgers ku skor di 6-4
  • Cincinnati Reds a pèrdè di Cleveland Indians ku skor di 4-2
  • Kansas City Royals a gana Texas Rangers ku skor di 13-2
  • Oakland Athletics a derota San Francisco Giants ku skor di 9-2
  • San Diego Padres a pèrdè di Seattle Mariners 4-3 den 10 entrada
  • Arizona Diamondbacks a gana Colorado Rockies ku skor di 6-2
    Roger Bernadina no a konektá hit den 3 turno na bate ku 1 kareda empuha. Jair Jurrjens no a picha den e partido aki

Partidonan di Spring Training awe:

  • Atlanta Braves kontra Detroit Tigers
  • Baltimore Orioles kontra Tampa Bay Rays
  • New York Yankees kontra Pittsburgh Pirates
  • Philadelphia Phillies kontra Houston Astros
  • Louis Cardinals kontra Miami Marlins
  • Chicago Cubs kontra San Francisco Giants
  • Cleveland Indians kontra Cincinnati Reds
  • Los Angeles Dodgers kontra Chicago White Sox
  • Milwaukee Brewers kontra Los Angeles Angels
  • Oakland Athletics kontra Chicago Cubs
  • San Diego Padres kontra Seattle Mariners
  • Texas Rangers kontra Kansas City Royals
  • Colorado Rockies kontra Arizona Diamondbacks
  • New York Mets kontra Washington Nationals
  • Boston Red Sox kontra Minnesota Twins

Breve:

  • Tin informashonnan konsistente di diferente fuente den e ultimo dianan ku e ekipo di Texas Rangers ta kana ku e idea pa kambia e pelotero di Korsou Jurickson Profar. Segun informashonnan e ekipo ta pensa riba kambia Jurickson ku New York Mets pa e picher habridó Dillon Gee. Rangers den pasado ya tabata tin interes den e picher Dillon Gee, pero e interes aki a baha un poko na momentu ku Texas a atkirí Yovani Gallardo. Segun un fuente, awor ku Profar ta bai pèrdè su di dos temporada konsekutivo e posishon di segunda base lo bai pa Rougned Odor i esaki ta pone ku Texas ya no tin mester di Profar i ta pensa pa kambi’e.
  • Wladimir Balentien a kuminsá entrená ayera na e fasilidatnan di ehersisio di Tokyo Yakult Swallows. Tin e posibilidat ku pa otro siman Wladimir lo kuminsá hunga den algun partido. Ainda Wladimir no por kore duru i tabata tin algun seshon di fildeo suave. Na Hapon tambe nan ta den Spring Training meskos ku den Liga Grandi.
Posted on

FFK Huntu ku Patrick Kluivert ku Rueda Di Prensa Awe

WILLEMSTAD — Awe Federashon Futbòl Kòrsou lo tin un rueda di prensa kaminda lo duna informashon riba e weganan eliminatorio mundial Rusia 2018. Segun FFK, durante e rueda di prensa aki Patrick Kluivert i e ‘branding partners’ di e federashon lo tei pa duna splikashon riba nan kontribushon pa ku weganan eliminatorio Rusia 2018.

Ya pa algun dia tin informashonnan ta sirkulá ku Partick Kluivert lo ta e direktor tékniko di e selekshon di Kòrsou. Sin embargo, FFK ni tampoko e èks-delantero di entre otro Ajax, AC Milan i FC Barcelona no a konfirmá esaki. Tin detayenan nobo ku ta bisa ku Kluivert lo no ta e direktor tékniko pa e selekshon di Kòrsou sino un supervisor pa e federashon di futbòl lokal. Awe tardi durante e rueda di prensa federashon lo tin ku duna mas informashon riba esaki i konfirmá kiko e ròl eksakto di Kluivert lo bai ta.

Adishonal tin informashonnan ta bisa ku Kluivert a tuma un kontrakt di algun luna ku e federashon lokal di futbòl. Den su ròl di supervisor lo keda na Kluivert si e ta sinta riba banki ku e selekshon durante di e partidonan eliminatorio.

E selekshon di Kòrsou lo hunga den promé buèlta kontra Montserrat. E promé wega kontra Montserrat ta tuma lugá djabièrnè 27 di mart den stadion Ergilio Hato pa 8’or di anochi. E di dos partido lo tuma lugá djamars 31 di mart na Montserrat. Ganando di Montserrat, Kòrsou tin di hunga kontra Cuba na luna di yüni próksimo.

Posted on

Resultadonan i Skema Kampionato Hubenil i di Dama FFK

WILLEMSTAD — Despues di e tremendo apertura di Liga MCB Promé i Segundo Divishon wikènt tras di lomba e wikènt aki Kampionato Hubenil i Kampionato di Dama ta kontinuá!

E wega di Kampionato Hubenil ta tuma lugá tur siman riba djabièrnè ku djasabra na diferente vèlt rònt Kòrsou miéntras esnan di dama ta tuma lugá tur siman riba djasabra na tereno di FFK. FFK ta invitá hinter e pueblo di Kòrsou pa bin sigui disfrutá di nos weganan pa asina apoyá sostené nos futuronan di mañan i nos damanan ku a bin ta demostrá ku futbòl ta pa hende muhé tambe. Tur e weganan aki ta grátis!

Aki ta sigui e resultadonan di siman pasa i e skema pa e siman binidero.

Resultadonan u-11 te ku u-15

Fecha Tim di kas Bishitante Velt U-11 U-13 U-15
28-02-2015 Willemstad A Genesis Boys WILLEMSTAD (1) 6-0 3-1 –
28-02-2015 Willemstad A Jong Holland WILLEMSTAD (1) – – 2-0
28-02-2015 Scherpenheuvel Hubentud Fortuna SCHERPENHEUVEL Cancelled 1-3 5-0
28-02-2015 VESTA Mahuma VESTA 0-0 3-0 –
28-02-2015 VESTA UD Tera Kòrá VESTA – – 0-1
28-02-2015 Victory Boys Sithoc-Marchena VICTORY BOYS D 3-0 0-4 0-3
28-02-2015 UNDEBA New Song FFK – 1-4 4-0
28-02-2015 Atletiko Salinja A Quick ’60 SUBT 16-0 16-0 –

Kategoria u-17 & u-20

Fecha  Tim di kas Bishitante Velt U-17 U-20
27-02-2015 VESTA Mahuma VESTA 1-4 1-0
27-02-2015 Quick ’60 Hubentud Fortuna FFK 0-22 –
27-02-2015 Scherpenheuvel Hubentud Fortuna FFK – 1-1
27-02-2015 SUBT Centro Dominguito SUBT – 1-1
27-02-2015 Sithoc-Marchena INDEKOR SDK – Cancelled
28-02-2015 C-Stars United Excellence FFK 3-1 –
28-02-2015 Scherpenheuvel Jong Holland FFK 2-0 –
28-02-2015 Victory Boys Jong Holland FFK – 21:00
28-02-2015 New Song Atletiko Salinja SDK Cancelled –
28-02-2015 New Song Willemstad A SDK – Cancelled
 
01-03-2015 SUBT Willemstad A FFK Cancelled –

Kampionato timnan B

Fecha Home Team Away Team Velt U-11B U-13B U-15B
28-02-2015 Willemstad C SUBT B WILLEMSTAD (2) 2-3 – –
28-02-2015 Excellence C F.C. Stallions WILLEMSTAD (2) 1-3 – –
28-02-2015 Atletiko Salinja B Excellence C SUBT – 4-1 –
28-02-2015 Atletiko Salinja B Willemstad B SUBT – – 2-1
28-02-2015 SUBT B Excellence B WILLEMSTAD (1) – – 0-2

 

Weganan pa wikènt binidero:

Kategoria u-11 te ku u-15

 Fecha Tim di kas Bishitante Velt U-11 U-13 U-15
07-03-2015 Atletiko Salinja A Genesis Boys WILLEMSTAD (1) 10:00 AM 11:30 AM –
07-03-2015 Atletiko Salinja A Jong Holland WILLEMSTAD (1) – – 1:00 PM
07-03-2015 Gemstones United Excellence A FFK 10:00 AM 11:30 AM 1:00 PM
07-03-2015 Sithoc-Marchena Hubentud Fortuna VESTA 10:00 AM 11:30 AM 1:00 PM
07-03-2015 SUBT A Scherpenheuvel SUBT 10:00 AM 11:30 AM 1:00 PM
07-03-2015 Victory Boys Willemstad A VICTORY BOYS 10:00 AM 11:30 AM 1:00 PM
07-03-2015 Mahuma New Song MAHUMA 10:00 AM 11:30 AM –
07-03-2015 UNDEBA Quick ’60 TERA KÒRÁ – 11:30 AM –
07-03-2015 UNDEBA UD Tera Kòrá TERA KÒRÁ – – 1:00 PM

Kategoria u-17 & u-20

Fecha Tim di kas Bishitante Velt U-17 U-20
Djabierne 06-03-2015 Mahuma v/s Quick ’60 FFK 19:00 –
Djabierne 06-03-2015 Willemstad A v/s Mahuma FFK – 21:00
Djabierne 06-03-2015 Sithoc-Marchena v/s Willemstad B VESTA 19:00 –
Djabierne 06-03-2015 Jong Holland v/s Centro Dominguito VESTA – 21:00
 
Djasabra 07-03-2015 Atletiko Salinja v/s VESTA SUBT 19:00 –
Djasabra 07-03-2015 SUBT v/s VESTA SUBT – 21:00
Djasabra 07-03-2015 New Song v/s UNDEBA FFK 19:00 –
Djasabra 07-03-2015 Victory Boys v/s Scherpenheuvel FFK – 21:00
Djadomingo 08-03-2015 Excellence v/s Hubentud Fortuna FFK 16:00 –

Kampionato timnan B

  Home Team Away Team FIELD U-11B U-13B U-15B
07-03-2015 F.C. Stallions Willemstad B WILLEMSTAD (2) 10:00 AM – –
07-03-2015 Willemstad B Excellence C WILLEMSTAD (1) – 2:30 PM –

Kampionato Dama

Fecha Orario Tim di kas Bishitante Velt
7-03-2015 16:00 Subt vs Willemstad FFK
17:30 Victory Queens vs Fortuna FFK
Posted on

Andruw Jones lo no Hunga ku Ekipo di Oropa mas, Dil ku un Ekipo por ta Serka

MERKA — Andruw Jones a anunsiá ku e lo no partisipá mas ku e selekshon di Tur-Strea oropeo ku ta programa pa hunga dos partido di ekshibishon kontra e selekshon di Hapon dia 10 i 11 di mart próksimo. E selekshon di Oropa a sali ayera pa Tokio kaminda nan lo hunga nan dos partidonan den Tokyo Dome.

Den un komunikado Andruw a bisa lo siguiente: “Ku hopi pena mi ta anunsiá e desishon difísil ku mi no por representá e ekipo di Oropa den su debut históriko kontra e selekshon Nashonal di Hapon dilanti di e fanátikonan apashoná i familiar di Hapon. Miéntras ku inisialmente mi a plania pa ta parti di e roster di Oropa, kompromisonan nobo por rekerí ku mi ta for di kas pa e próksimo lunanan, pa e motibu aki mi a hasi mi prioridat number unu pa pasa mas tantu tempu posibel na kas ku mi famia i yunan ku ta bayendo skol. Ta keda un gran honor pa a keda selekshoná dor di koach Janssen pa bisti e kamiseta di Oropa i mi ta deseá e ekipo di Oropa i e evento di ‘Samurai Japan Global Baseball’ tur klase di éksito. Lo mi sigui e weganan i spera ku e gran inisiativa aki lo kontribuí na globalisashon di e deporte.”

Den ultimo lunanan Andruw a ekspresá su deseo pa regresá Liga Grandi. E pelotero a hiba kòmbersashon ku diferente ekipo di Liga Grandi i ultimo aki, e ekipo di Leones de Yucatan na Mehiko tambe a pidi permit pa negosiá ku e pelotero. E komunikado di Andruw ta pinta den e direkshon ku e pelotero tin of ta bai yega na un akuerdo pronto. Den Liga Grandi, Andruw tabata tin kòmbersashon ku entre otro Houston Astros, Baltimore Orioles, Cleveland Indians, Atlanta Braves i Miami Marlins.