EKUADOR — Djasabra dia 4 di yuni Korsou a sali ku su prome wega kontra Peru nos a perde ku Skore di 5 pa 1. Picher Perdedor tabata Leonela Elisabeth miho Bate Maximiliana THAIMA 2-1.
Dia 5 di yuni nos a topa e ekipo Argentina 21. Bou di lansamentu di J’Dah Girigorie nos a blankia Aregentina 21 ku skore di 8 pa 0 Picher ganador J”Dah Girigorie miha bate Jandely RICARDO i Anias Piar di 2-2
WILLEMSTAD — Federashon Deporte i Olímpiko Kòrsou (FDOK) ta organisá pa promé bes luna di kolekta pa deporte. E meta di e kolekta aki ta pa rekoudá fondo pa diferente proyekto i plannan ku FDOK tin pa engrandese deporte aki na Kòrsou. E luna di kolekta pa deporte lo tuma lugá den henter e luna di yüni. Lo kuminsá ku un apertura ofisial riba 4 di yüni 2022 i lo terminá ku un klousura riba 30 di yüni 2022.
Siman Olímpiko Korsou
Un di e proyektonan ku FDOK tin programa ta e siman Olímpiko Kòrsou 2022 ku ta pone pa tuma lugá di 24 pa 31 di yüli próksimo. Meta di e proyekto aki ta pa krea un esfera olímpiko na kòrsou kaminda kada federashon lo organisá nan propio kompetensia lokal den un esfera estilo Weganan Olímpiko. Tur esakinan bou di guia i kordinashon di FDOK i den “partnership” ku FDDK.
Plan di desaroyo di topsport 2022 – 2026
Tambe FDOK ke ehekutá e plan di desaroyo di topsport ku tin komo meta pa den un término kòrtiku, medio largu i tambe largu krea deportistanan ku por destaká riba nivel internashonal i asina posishoná Korsou den e tòp 15 na e Weganan Sentro Amerikano i Karibe 2026 ku lo tuma lugá na Sto. Domingo.
Plan Stratégiko 2022-2024
FDOK huntu ku stakeholders ku yudansa di Innovatie & Ontwikkeling Adviesbureau a traha riba un plan stratégiko pa e temporada di 2022 pa 2024.
Pa hasi e proyektonan ariba menshoná posibel i kumpli ku e plannan, FDOK a bini ku diferente manera pa generá fondo. Un di e manera nan aki lo ta den forma di un luna di kolekta.
Apertura di e luna di kolekta pa deporte ta tuma lugá djasabra 4 di yüni 2022 di 3‘or di atardi pa 7ór di anochi riba Brionplein. Lo bai tin músika pa entretené e públiko presente. Lo bai tin tambe diferente federashonnan miembro di FDOK ku lo ta presente pa asina duna informashon di nan deporte. E ambiente lo ta unu deportivo i sosial kaminda henter famia por bishita.
Pueblo di Korsou por duna su aporte den e siguiente formanan:
FDOK ta hasi un petishon na henter pueblo di Korsou pa kontribuí pa asina konhuntamente nos sigui yuda engrandese deporte riba nos isla.
Di antemano danki i FDOK ta konta ku boso sosten.
WILLEMSTAD — Komo parti di e proyekto ku nos di Curaçaose Softball Bond (CSB) a start na aña 2017 di kual nos a titulá Kampion na aña 2019 di e Torneo Sur Amerikano Femenino Señor na Ekuador, nos a bolbe haña invitashon pa partisipá den e magno evento aki. Komo ekipo kampion di e lastu kompetensia e organisadónan di e torneo a hasi un apelashon fuerte pa Kòrsou su ekipo Nashonal Femenino pa nos bin defendé e título di Kampion di sur Amérika na Argentina; E torneo lo tuma lugá e aña aki 2 di yüni pa 12 di yüni 2022 na Buenas Aires Argentina.
Despues di un preparashon intensivo a yega e ora pa nos selekshon subi avion pa bai Argentina. Na Argentina 4 miembro mas lo djòin e grupo ku a sali for Kòrsou pa kompletá 16 hungadó. Djaweps 2 di yüni 2022 pa 10or AM nos lo reuní e hungadónan na airopuerto pa saka un foto promé ku nan subi avion. Nos ta konta ku Bo(so) presensia.
WILLEMSTAD — Hopi tabata e rumor nan rondoná tras di e desishon ku Roderick Bernadina AKA Mozzy lo tuma, en konekshon ku su karera den nos kampionato di beisbòl dòbel A 2022. Despues ku e la bira liber, bastante organisashon a aserk’e pa e join nan, pero nos ta sumamente kontentu di anunsiá ku Mozzy a disidí di keda kas.
Pa nos gran siguidó nan di beisbòl Mozzy sigur no tin mester di masha introdukshon. Pa hopi aña e la bin ta profila hopi bon den nos liga di dòbel A i tambe a forma parti di nos Selekshon aña pasa kaminda nan a bai ku e título máksimo den e kampionato di Caribbean Cup 2021.
Pa nos di Royal Scorpion ta un plaser enorme di por siguí konta ku su sosten pa e próksimo aña nan. Awor si nos por bisa ku nos ta kla pa temporada 2022 ranka sali pa nos bringa pa nos título di kampion e aña aki i tambe aña nan benidero.
Nos ke invitá tur fanátiko i miembro di Royal Scorpions pa siguí nos riba nos red nan social i keda pendiente pa mas informashon, anunsio i vários tremendo aktividat ku tin den tapara pa tur fanátiko i miembro.
WILLEMSTAD — Den kuadro di realisashon i kontinuashon di proketo SKL (liga muchanan di skol) pa muchanan di entre 8 pa 12 (13) ana di edat, Fundashon HOPOSEPA Ta anusia kambio di fechanan pa e projekto, kual, mirando ku pa medio di e tempu konserní skol nan a kaba di pasa dor di EFO TOETS i jufrounan ta man yen i pesei kier duna un espasio i posponé esaki di moda mas muchanan lo por partisipa na SKL 2022.
E projekto lo bai tin un rueda di prensa pa komparti ku e pueblo en general kiko nan por ferwagtu pa ku e projekto SKL 20/21 i 2022. Lo wordu anusiá pronto..!!
Nos lo tin un termino di training pa tur skol sera konosi mutuo prome ku e wega nan ofishal i pa despues por kompetí..!!
Tur mucha partisipadó lo risib? su tas di skol yená ku artikulo nan di skol pa ana eskolar nobo 2022/2023..!!
I pa kaba di menshoná lo tin mas sorpresa na kaminda..!!
Dia 8 di juni 2022 nos lo kuminsá ofishal ku e kampionato/projekto.
WILLEMSTAD — Djabièrnè dia 20 di mei 2022, S.V. Pichingolo Nissan/Kia a organisá un ameno sena pa tur su miembronan komo gradisimentu pa e tremendo aña 2021 i tambe pa selebrá e di 49 aniversario di e organisashon di spònser pa e prestigioso empresa “Universal Motors”, representante di e markanan di outo “Nissan” i “Kia”.
E sena a tuma lugá na e prestigioso restorant “La Hacienda Olivia” serka Michael Grunning. Animashon tabata manera tur djabièrnè na enkargo di e tremendo duo ku ta konsistí di e gran músiko Axel Pikero i e fabuloso kantante July Bridgewater.
Promé di a saboriá e dushi sena a hiba palabra primeramente sr. Ralph Pereira, ku na nòmber di direktiva a gradisí tur e miembronan pa e tremendo aña 2021 i motivá nan pa sigui trahá ku e mesun entusiasmo i dedikashon den aña 2022.
Seguidamente sr. Glenn Engelhart, di e komishon organisadó huntu ku sra. Nadira Romano-Louisa, a dirigí algun palabra na e presentenan.
E último orado tabata sr. Fenton Thomasita ku a introdusí e bunita i humilde premio anual di estímulo, “Corva Lourens”.
Sra. Corva Lourens tabata un eks hungadó i miembro di direktiva di Pichingolo Nissan/Kia. Tanchi Corva, manera tabata yam’e, tabata un persona trahadó i hopi stima ku lástimamente a fayesé aña pasa. Komo rekonosimentu pa tur loke e la nifiká i hasi pe organisashon di Pichingolo Nissan/Kia, direktiva a disidí, ku aprobashon di su yunan Amanda i Dianthe van der Linde, pa introdusí den forma di un trofeo e premio anual di estímulo, “Corva Lourens”. Meta di e premio ta pa motivá e hungadónan pa nan hasi máksimo uso di nan talento i duna rekonosementu pa nan prestashon, kaminda dedikashon i disiplina ta hunga un ròl hopi importante. E trofeo a wòrdu diseñá i trahá pa “Fantasy Arts”. E bunita mensahe riba e trofeo ta bisa:
Trabou duru, sakrifisio, pèrseveransia, disiplina i mas importante, AMOR pa loke bo ta hasi, semper ta superá talento si talento no hasi sufisiente esfuerso.
E promé ganadó di e premio a resultá di ta e hungadó srta. Abigail Daal. Abi, apesar di no ta un hungadó regular, semper a hasi esfuerso pa e ta semper disponibel pa ora su mènedjer mester di sea su bate i/òf su wante. Prueba di esaki ta e gran hugadá (over the shoulder catch) ku Abi a hasi den “leftfield” pa terminá e último wega di kampionato regular di Pichingolo Nissan/Kia ku un triunfo.
Pa terminá, direktiva di Pichingolo Nissan/Kia ke hasi uso di e oportunidat aki pa gradisí tur esunnan ku di un òf otro manera a hasi e evento aki posibel i ta spera di por sigui konta ku nan kooperashon.
WILLEMSTAD — Despeus ku Liga Soraida Juliana a hunga softbal riba kasi tur e feltnan na Korsou, di Soto te felt Ricardo Elhage na Sta. Rosa, di Post 6 pa Buenavista, di Domi, Frank Curiel i Sam Bunting ball park na Brievengat, den e wikent di 6 i 7 mei ku a pasa, ekiponan pertenesiendo na Liga Soraida Juliana den e kategoria Minor, Little, Junior i Senior a hunga nan delaster weganan.
Un bon publiko a akudi na Post 6 pa a mira e ekiponan kumpli ku e minimo di
12 wega ku mester kumpli ku ne, pe Liga su divishonan ta elegibel pa
partisipa den e regional Latino Merikano ku lo tuma luga den luna di Yuli.
Puerto riko lo ta pais amfitrion.
Na 2019 Korsou a titula kampeon Latino Merikano divishon Junior. E titulo
kampeonil a hiba Korsou ne mundial di Williamsport Little League softball fast
pitch femenina. E pandemia a stroba ku na 2019 i 2020, korsou por a biaha i
defende su titulo kampeonil Latino America. Awor ku a suavisa medidanan
dirigi riba prevenshon di kontagio di Covid, Puerto rico a buta su mes
disponibel pa organsia e regional na nivel di Junior i Senior.
Liga soriada Juliana a apunta un comishon konisistiendo di sr. Bryan Goilo
Vise presidente di CLLS i sra. Isonette Polonius ku na nomber di direktiva, a
skrutina empenjo di e muchanan i forna e pre selekshon. A apunta e team
tekniko i ya e treining di e pre selekshon a kuminsa.
Direktiva di CLLS ta gradisi sponsernan ku a hasi e kampeonato 2022 posibel.
I Awor aki ta aserkando sponsernan atrobe pa yuda ku gastu mara na saka e
selekshon. Si akaso un kompania ke yuda,nan por tuma kontakto ku
Presidente sra. Manuela riba telefon 5296345.
WILLEMSTAD — Despues di a rekonose i rekorda sr. Jozef “Boy” Plaate den aña 2021 pa su aporte na desaroyo di ahedres lokal, Curaçao Youth Chess Institute lo dedika e torneo eskolar di ahedres di aña 2022 na otro baluarte di felis memoria: sr. Omalio Cesareo Merién.
Mayoria hende konose sr. Merién komo esun ku a lidera era nobo di Karnaval na Korsou. Pero sr. Merién tabata tambe un ahedresista pashona ku a duna hobenan les di ahedres den diferente bario na Korsou i pa 10 aña largu a presenta e programa `Ahedres na Plaka Chiki` na TeleCuraçao. Sr. Merién a sostene ahedres den area administrativo den diferente funkshon. E tambe tabata para tras di organisashon anual di e famoso Amstel Schaaktoernooi ku tabata konta ku partisipashon internashonal durante dekada 70 i 80.
Curaçao Youth Chess Institute lo honra sr. Omalio Merien pa su gran aporte, dedikando e torneo eskolar di ahedres pa alumnonan di skolnan basiko i avansa na su memoria.
Fecha: Djadumingu 5 di yuni
Luga: Frater Aurelio SBO (Pietermaai).
Registrashon: 13:30-13:50 `or i inskripshon ta fl. 5,- pa persona.
Di e forma aki, Curaçao Youth Chess Institute ta sigi duna rekonesementu na nos baluartenan di ahedres lokal, pa nan keda rekorda. Gradisimentu ta bai na famia Merién ku a sponsor e trofeonan pa nos kompetensia eskolar.
Pa mas informashon por tuma kontakto ku sr. Jimmy Izijk na: 512 0007
| VAN ENGELEN FIELD A | ||||||
| Friday, May 20, 2022 | ||||||
| Time | Game | Winner | Score | |||
| 19:30 – 20:45 | MCB | vs | ONDERWIJS | CO Final 1 | ||
| 21:00 – 22:15 | CORENDON / C.I.D | vs | SBAB | CO Final 2 | ||
| 22.30 – 23:45 | KOOYMAN | vs | MARINE KAZERNE SUFFISANT | SMDSF1 | ||
| VAN ENGELEN FIELD A | ||||||
| Saturday, May 21, 2022 | ||||||
| Time | Game | Winner | Score | |||
| 10:00 – 11:15 | ORCO BANK / SSC / GAR. BALOCHE | vs | KPC / SECURITAS / GAR. CORDIA | SMDSF2 | ||
| 11:30 – 12:45 | KPC | vs | FLOW / THE NEW PROSPERITY | SM40 Final 2 | ||
| 13:00 – 14:15 | AQUALECTRA | vs | SBAB | CH Final 1 | ||
| 14:30 – 15:45 | FDDK | vs | FLOW / THE NEW PROSPERITY | CH Final 2 | ||
| 16:00 – 17:15 | ONDERWIJS | vs | MCB | SF Final 1 | ||
| 17:30 – 18:45 | SBAB | vs | ADC / BRANDWEER | SF Final 2 | ||
| 19:00 – 20:15 | MCB | vs | BRANDWEER | SM Final 1 | ||
| 20:30 – 21:45 | EWT / MC DONALDS / AMIGOE | vs | BELASTINGDIENST | SM Final 2 | ||
| VAN ENGELEN FIELD A | ||||||
| Sunday, May 22, 2022 | ||||||
| Time | Game | Winner | Score | |||
| 10:30 | MCB | vs | SM40F2 | FINAL SM 40 | ||
| 12:15 | DAMEN | vs | CDC / UDC | FINAL SMP | ||
| 14:00 | COF1 | vs | COF2 | FINAL COED | ||
| 15:45 | CHF1 | vs | CHF2 | FINAL CH | ||
| 17:30 | SFF1 | vs | SFF2 | FINAL SF | ||
| 19:00 | SMF1 | vs | SMF2 | FINAL SM | ||
| VAN ENGELEN FIELD B | ||||||
| Sunday, May 22, 2022 | ||||||
| Time | Game | Winner | Score | |||
| vs | ||||||
| 13:00 | SMDSF1 | vs | SMDSF2 | FINAL SMDS | ||
| vs | ||||||
| vs | ||||||
| vs | ||||||