Tag: Federashon di Futbòl Kòrsou

Posted on

Resultadonan i Skema Kampionato Hubenil i di Dama

 

 

 

 

Resultadonan u-11 te ku u-15

 Fecha Tim di kas Bishitante Velt U-11 U-13 U-15
21-02-2015 Mahuma Excellence A VESTA – 2-6 –
21-02-2015 VESTA UNDEBA VESTA – 8-0 0-7
21-02-2015 Hubentud Fortuna Genesis Boys SERU FORTUNA 1-4 2-1 –
21-02-2015 Hubentud Fortuna Jong Holland SERU FORTUNA – – 4-2
21-02-2015 New Song Atletiko Salinja A WILLEMSTAD (1) 1-2 1-9 1-5
21-02-2015 SUBT A Willemstad A SUBT 3-1 2-1 0-2
21-02-2015 Sithoc-Marchena Gemstones United SDK 5-1 1-0 Cancelled

Kategoria u-17 & u-20

 Fecha Tim di kas Bishtante Velt U-17 U-20
20-02-2015 Victory Boys Atletiko Salinja VESTA 2-10 –
20-02-2015 Victory Boys VESTA VESTA – 2-0
20-02-2015 Sithoc-Marchena C-Stars United FFK 1-1 –
20-02-2015 Mahuma Centro Dominguito FFK – 1-1
 
21-02-2015 VESTA Willemstad A VESTA 1-4 –
21-02-2015 New Song Mahuma SDK Cancelled –
21-02-2015 New Song Jong Holland SDK – Cancelled
21-02-2015 SUBT Excellence SUBT 1-2 –
21-02-2015 SUBT Willemstad A SUBT – 0-8
21-02-2015 Willemstad B UNDEBA FFK 1-7 –
21-02-2015 Indekor Hubentud Fortuna FFK – 1-4
 
22-02-2015 Hubentud Fortuna Jong Holland FFK 2-2 –

Kampionato timnan B

 Fecha Tim di kas Bishitante Velt U-11B U-13B U-15B
21-02-2015 Atletiko Salinja B F.C. Stallions WILLEMSTAD (2) 2-2 – –
21-02-2015 Willemstad B Willemstad C WILLEMSTAD (2) 6-0 – –
21-02-2015 SUBT B Excellence C SUBT – 3-0 –

Kampionato Dama

Fecha Orario Tim di kas Bishitante Velt
21-02-2015 16:00 Subt 4-3 Queens FFK
17:30 Willemstad 1-2 Fortuna FFK

Weganan pa wikènt binidero

Kategoria u-11 te ku u-15

Fecha Tim di kas Bishitante Vèlt U-11 U-13 U-15
28-02-2015 Willemstad A Genesis Boys WILLEMSTAD (1) 10:00 AM 11:30 AM –
28-02-2015 Willemstad A Jong Holland WILLEMSTAD (1) – – 1:00 PM
28-02-2015 Scherpenheuvel Hubentud Fortuna SCHERPENHEUVEL 10:00 AM 11:30 AM 1:00 PM
28-02-2015 VESTA Mahuma VESTA 10:00 AM 11:30 AM –
28-02-2015 VESTA UD Tera Kòrá VESTA – – 1:00 PM
28-02-2015 Victory Boys Sithoc-Marchena VICTORY BOYS 10:00 AM 11:30 AM 1:00 PM
28-02-2015 UNDEBA New Song FFK – 11:30 AM 1:00 PM
28-02-2015 Atletiko Salinja A Quick ’60 SUBT 10:00 AM 11:30 AM –

Kategoria u-17 & u-20

Fecha  Tim di kas Bishitante Vèlt U-17 U-20
27-02-2015 VESTA Mahuma VESTA 19:00 21:00
27-02-2015 Quick ’60 Hubentud Fortuna FFK 19:00 –
27-02-2015 Scherpenheuvel Hubentud Fortuna FFK – 21:00
27-02-2015 SUBT Centro Dominguito SUBT – 20:30
27-02-2015 Sithoc-Marchena INDEKOR SDK – 21:00
28-02-2015 C-Stars United Excellence FFK 17:00 –
28-02-2015 Scherpenheuvel Jong Holland FFK 19:00 –
28-02-2015 Victory Boys Jong Holland FFK – 21:00
28-02-2015 New Song Atletiko Salinja SDK 19:00 –
28-02-2015 New Song Willemstad A SDK – 21:00
 
01-03-2015 SUBT Willemstad A FFK 16:00 –

Kampionato timnan B

Fecha Home Team Away Team Vèlt U-11B U-13B U-15B
28-02-2015 Willemstad C SUBT B WILLEMSTAD (2) 10:00 AM – –
28-02-2015 Excellence C F.C. Stallions WILLEMSTAD (2) 11:30 AM – –
28-02-2015 Atletiko Salinja B Excellence C SUBT – 1:00 PM –
28-02-2015 Atletiko Salinja B Willemstad B SUBT – – 2:30 PM
28-02-2015 SUBT B Excellence B WILLEMSTAD (1) – – 2:30 PM

E wikènt aki lo ta karga ku weganan di futbòl sumamente interesante kuminsando for di djabièrnè bai kue djadumingu ora tin e apertura di Liga MCB Promé Divishon. E wega di Kampionato Hubenil ta tuma lugá tur siman riba djabièrnè ku djasabra na diferente vèlt rònt Kòrsou. FFK ta invitá hinter e pueblo di Kòrsou pa bin sigui disfrutá di nos weganan pa asina apoyá sostené nos futuronan di mañan i nos damanan ku a bin ta demostrá ku futbòl ta pa hende muhé tambe. Tur e weganan aki ta grátis!

 

 

 

 

Posted on

FFK huntu ku Departamentu di Rèfri lo organisá kurso pa rèfri hubenil

WILLEMSTAD — Próksimamente, riba Djasabra 7 mart 2015, Federashon di Futbòl Kòrsou pa medio di su Departamentu di Rèfri lo organisá su promé kurso di rèfri pa e aña aki. Esaki lo ta un kurso pa bira rèfri hubenil ku lo kuminsá riba e promé djasabra di mart i lo kontinuá riba tur e 4 djasabranan den luna di mart.

E kurso lo ta na edifisio Mordy Maduro (FFK) na Brievengat i manera ariba menshoná lo bai ta riba 7, 14, 21 i 28 di mart próksimo di 10’or di mainta pa 12’or di mèrdia.

E kurso aki tin komo meta pa logra haña mas rèfri hóben pa dirigí weganan di Liga Lito ku FFK ta organisá.

Ora kompletá e kurso aki lo risibí un sertifikado di partisipashon i e kurso ta kompletamente grátis.
Por inskribí te ku 6 mart na departamentu di rèfri via e-mail: referee@ffk.cw òf via telefon na e siguiente numbernan: 7365057, 5112915, 5128617 i 5202587.

Pa mas informashon tuma kontakto ku Departamento di Rèfri.

Posted on

Torneo di Futbòl ABCS

Willemstad – Awe 14 di novèmber ta ranka sali e Torneo di Futbòl ABCS 2013. Den e torneo aki ta partisipá e selekshon Nashonal nan di Aruba, Boneiru, Kòrsou i Sürnam. E selekshon ku titulá kampeon di e torneo aki lo risibí un premio di $6000.

Esaki no ta e promé biaha ku e torneo aki ta keda organisá na Kòrsou. Na 2010 tambe e torneo aki a keda organisá na Kòrsou, aki nan e selekshon di Sürnam a sa titulá kampeon. E siguiente aña na 2011  e torneo a tuma lugá na Sürnam i e tim Juventus di Boneiru a titulá kampeon. Na aña 2012, Aruba tabata e anfitrion di e torneo aki i Aruba tabata e pais kampeon.

E promé partido lo tuma lugá awe 14 di novèmber pa 7’or di anochi na Stadion Ergilio Hato i lo ta entre a selekshon nan di Boneiru i Surnam. Mas lat, pa 9’or di anochi lo tin e siguiente partido entre e selekshon di Kòrsou i esun di Aruba.

Djasabra 16 di Novèmber 7’or di anochi  lo tin e wega entre e dos selekshon nan  pèrdèdó di e promé 2 wega nan i 9’or lo tin e gran final pa disidí e Pais kampion di Torneo di Futbòl ABCS 2013.

Posted on

El Salvador ta gana Kòrsou 2-1

WILLEMSTAD – E representashon di Kòrsou na e klasifikatorio pa Mundial FIFA U20 tabata tin mester por lo mínimo un empate pa asina keda ku speransa di por pasa pa e siguiente buèlta. Pero esaki no a logra na momentu ku e selekshon di Kòrsou a kai ku skor di 2-1 kontra di El Salvador.

Na di 10 minüt di wega e selekshon Kurasoleño a krea un bon oportunidat di gol na momentu ku Derwin Marina ta saka un hungadó salvadoreño kantu di liña i krusa e bala pa Rigino Cicilia ku na su turno ta kabesá esaki den man di e kiper di Salvador.

Oliver Ayala na di 25 minüt ta hiba El Salvador ariba. E partido a keda ku e skor di 1-0 te na di 65 minüt kaminda mal komunikashon entre Shuremy Felomina i kiper Zeus de la Paz ta laga Romel Mejia kontrolá e bala i anotá e di dos gol pa Salvador.

Vidarell Merencia ta kòrtá e bentaha i trese speransa nobo den e selekshon Kurasoleño na di 76 minüt na momentu ku e ta kurva e bala pafó di e área penal di Salvador i hinka esaki den gol. Faltando 3 minüt pa finalisá e partido Kòrsou ta kobra un tiru liber i ta dal e bala den  pal’i gol.

Ku e derota aki e selekshon di Kòrsou U20 ta keda eliminá for di e klasifikatorio pa Mundial FIFA U20 na Turkia.

Posted on

Kòrsou U20 tin ku bai buska e viktoria awe nochi

WILLEMSTAD – Despues di a pèrdè e promé partido kontra Mexico den e klasifikatorio pa Mundial FIFA U20, awe e selekshon di Kòrsou ta bai purba kambia kos i logra un viktoria. Miéntras ku un empate ainda e ekipo di Kòrsou tin bida, esaki kisas no ta e mihó opshon. Ku un empate Kòrsou su destino lo ta den man di Mexico i El Salvador.

Ku un viktoria awe nochi e ekipo di Kòrsou ta hasi kos sumamente interesante den su grupo. Esaki lo pone preshon riba Mexico ku no ke pèrdè e partido kontra El Salvador i forsa un tripel empate na promé lugá. Den U20 Kòrsou a topa na sinku okashon ku El Salvador, di kua Kòrsou a gana un biaha, empatá dos i pèrdè dos.

E tarea pa e selekshon di Kòrsou pa awe nochi ta fásil, buska un viktoria i trata nan hinka mas gol posibel. Kòrsou ta hunga awe nochi 10or ora lokal di Kòrsou.

Posted on

Kòrsou ta pèrdè ku skor di 3-0 kontra Mexico

WILLEMSTAD – E selekshon U-20 di Kòrsou ku ta buskando klasifikashon pa mundial di futbòl U-20 a sufri nan promé derota na man di Mexico. E promé mitar di e partido a wòrdu dominá kompletamente pa e mehikano nan i esaki a duna fruta. Na di 22 minüt Jesus Corona ta duna Mexico e bentaha di 1-0 ku un tiru di distansha largu.

Mexico a siguí preshoná e ekipo Kurasoleño i na di 34 minüt Uvaldo Luna ta krusa e bala dor di e área penal di Kòrsou, ku fasilidat Corona ta drenta i anotá su di dos gol.

No muchu despues na di 36 minüt Marco Bueno a amplia e anotashon, hibando Mexico ariba ku skor di 3-0.

E di dos mitar di e partido a bai mas mihó pa e selekshon kurasoleño. E ekipo a kuminsá hunga mas akoplá i no tabata defendé mesun profundo ku tabata e kaso den promé mitar. Esaki a pone ku Mexico no a logra yega na mas gol i e selekshon di Kòrsou a algun oportunidat di gol.

Kòrsou lo hunga atrobe mañan anochi kontra di El Salvador. Den U20 Kòrsou a topa na sinku okashon ku El Salvador, di kua Kòrsou a gana un biaha, empatá dos i pèrdè dos.

Posted on

Kòrsou ta debutá awe den pre-mundial di futbòl U-20

Ku mira pa Mundial di futbòl U-20 e selekshon di Kòrsou ta debutá awe nochi kontra di Mexico den pre-mundial  di futbòl. E selekshon Kurasoleño ta bai buska su lugá den e kuater mihó ekipo nan di e torneo pa asina klasifiká pa Mundial FIFA U-20 na Turkia.

E trabou awe nochi kontra e selekshon di Mexico no ta unu fásil. E selekshon mehikano ku ta kai bou di guia di Sergio Almaguer ta konta ku hungadó nan ku a Sali kampion mundial den e kategoria U-17.

Na tur e selekshon di Kòrsou U-20 a topa na seis okashon kontra e selekshon di Mexico U-20. Den e seis partido nan aki e selekshon di Kòrsou a logra solamente un viktoria, un empate I kuater derota. Kòrsou no a logra nunka ainda empatá, ni gana kontra di Mexico riba teritorio Mehikano.

E selekshon Kurasoleño ta konsistí di e siguiente hungadó nan: kiper: Zeus de la Paz  i Jhudamier Marchena. Den defensa: Nathan Martina, Rachid Habat, Vidarrell Merencia, Emmanuel Felomina i Ronald Roosberg. E parti di medio kampo ta konsistí di: Michael Fecunda, Ruchendro Kierindongo, Christopher Isenia, Richenel Lourens, Derwin Martina, Michael Madionis Maria i Yael Eisden. Den e linea ofensivo tin: Liandro Martis, Denzel Slager, Randel Winklaar, Irving van Eijma, Rowendy Schoop i Riginio Cicilia.

E partido aki lo keda transmití bibu i direkto 10’or di anochi ora lokal di Kòrsou pa kanal FoxSoccer òf kanal 706 di TDS.

Posted on

Centro Barber vs. Hubentut Fortuna = Tajikistan vs. Siria?

Último dia nan tin hopi diskushon na Kòrsou riba e partido final di FFK ku a wordu hunga enter Centro Barber i Hubentut Fortuna. Segun Centro Barber e ekipo di Hubentut Fortuna a hunga ku hungadó ku no tabata tin derechi pa hunga den e partido. E apelashon aki a hiba kuné ku e Komishon di Arbitrahe a disidí ku e partido entre Centro Barber i Hubentut Fortuna mester wòrdu hunga di nobo. Si esaki ta un bon desishon òf no Deporte Awe! no sa, ya komo nos no ta disponé di e statuto nan di FFK. Pero loke si Deporte Awe! por hasi ta trese dilanti un kaso similar i su resultado.

Meskos ku Kòrsou ta bai kuminsá su trayektoria pa Mundial 2014, ya Siria a kuminsá esaki den luna di yüli. Riba 23 i 28 di yüli, Siria a hunga kontra di e selekshon di Tajikistan i a sali viktorioso for di nan. Esaki a trese kuné ku Tajikistan a wòrdu eliminá for di e klasifikatorio pa Mundial 2014.

Dia 17 di ougùstùs último e Komishon Disiplinario di FIFA a reuní i a disidí ku Siria ta pèrdè tur dos partido pa motibu ku nan a hunga ku un hungadó ku no tabata tin derechi di hunga den e partido nan ei. E Komishon Disiplinario a basa su desishon a base di Artíkulo 7 di e regulashon nan pa Mundial Brazil 2014.

Esaki a trese komo konsekuensia ku:

  1. Siria ta wòrdu eliminá for di e kompetensia.
  2. Tajikistan ta drenta e kompetensia bek na lugá di Siria.

Segun artíkulo 3di e regulashon nan pa Mundial Brazil 2014 e desishon nan aki no por wòrdu kambia, ni tampoko  apelá e desishon.

 

Posted on

Selekshon Kòrsou Mundial 2014

Esaki ta e lista di hungadó nan ku ta forma parti di e selekshon nashonal di Kòrsou. E informashon aki ta bin di korant Extra.

Kenneth Cicilia

Jerzinho Constancia

Yort Berghuis

Eugene Martha

Elfried Wijman

Soranley Tomsjansen

Benjamin Martha

Rhendeson Tomasa

Vilyson lake

Charles Martina

Bryan Anastacia

Rowendy Sumter

Fernando Zimmerman

Stallone Isenia

Glenciene Gregoria

Shurwedel Roosje

Mirco Colina Jr.

Raymar Rivierre

Joel Victoria

Ramiro Griffith

Ashar Bernardus

Kenneth Kunst

Gedeon Poppen

Ivanny Calvenhoven

Luigino Hoyer

Riengelo Nivillac

Jamian de Kaster

Shurvey Delando
Posted on

Kòrsou por yega mundial 2014?

Dia 30 di yüli 2011 na Rio de Janeiro a tuma lugá e loteria pa asina repartí e diferente selekshon nan nashonal ku ta miembro di FIFA i asina kuminsá e kaminda pa mundial di futbòl Brazil 2014. Despues ku ya sinku miembro ku ta forma parti di CONCACAF a kai afó, Kòrsou porfin sa kontra ken e ta bai kuminsá su trayektoria pa Brazil 201kuater. Huntu ku esaki ta bin e pregunta: Kòrsou por yega Brazil 2014?

Tur kos ta posibel semper, pero si e ta probabel ta algu diferente. Kòrsou su problema pa yega Brazil 2014 no ta pa falta di hungadó i/òf talento, tampoko pa falta di Direktor Tékniko i tampoko no ta pa falta di Federashon Futbòl Kòrsou (FFK). E problema ku Kòrsou tin i mayoria pais den CONCACAF ta a manera ku FIFA ta organisá e kompetensia klasifikatorio pa mundial den CONCACAF.

CONCACAF tin 35 federashon ku ta forma parti di dje i ku ta den kontienda pa bai mundial Brazil 2014. Promé ku e loteria a tuma lugá dia 30 yüli 2011, e 10 ekipo nan ku ta di renk mas malu den CONCACAF a hunga kontra otro. E sinku ganadó nan di e partido nan aki a pasa pa forma parti di e loteria huntu ku e otro 19 ekipo nan ku ta di renk mas malu i ku no ta forma parti di e 10 nan ku a hunga kaba.

Kiko FIFA ta hasi e ora ey? E sinku ganadó nan di e partido nan ku a tuma lugá promé ku e loteria ta bai den un pochi huntu ku e ekipo ku ta di renk mas malu di e 19 ekipo nan restante. E seis ekipo nan aki ta e promé nan ku ta wòrdu di lòt i nan ta number kuater den kada grupo. Den e pochi dos bo ta haña e seis ekipo nan ku ta di renk mas malu di e 18 ekipo nan restante. E seis ekipo nan aki ta wòrdu di lòt number dos i nan ta number tres den kada grupo. Den pochi tres bo ta haña e seis ekipo nan ku ta di renk mas malu di e 12 ekipo nan restante. E ekipo nan aki ta wòrdu di lòt number tres i nan ta number dos den kada grupo. Por último a keda seis ekipo ku ta wòrdu di lòt último i nan ta number 1 den kada grupo. Den otro palabra e sistema ta diseñá pa e ekipo nan mas malu hunga kontra e ekipo nan mas mihó.

Grupo F

FIFA CONCACAF Renk

Orden di Lot

Haiti

12

4

Antigua i Barbuda

13

3

Kòrsou

21

2

US Virgin Islands

33

1

E ganadó di kada grupo ta pasa pa e siguiente buèlta. Kiko FIFA ta hasi den e buèlta aki? Den e buèlta aki FIFA ta dividí e ekipo nan den tres grupo di kuater ekipo kada un. Pa hasi e repartishon aki atrobe FIFA ta parti e ekipo nan den pochi. Den pochi unu bo ta haña e tres ekipo nan mihó di renk pa FIFA den CONCACAF kual ta Merka, Mexico i Hondúras, nan ta wòrdu di lòt último i ta bin na kabes di kada grupo. Den pochi dos  bo ta haña e di kuater, di sinku i di seis ekipo nan mihó di renk den CONCACAF, kual ta Jamaica, Costa Rica i Cuba. E ekipo nan den pochi dos ta wòrdu di lòt number dos i konsekuentemente ta number dos den kada grupo. Por último den pochi tres bo ta haña e seis ganadó nan di e buèlta anterior, ku en realidat ta e seis ekipo ku ta di renk mas malu ku e keda den e kompetensia. Nan ta wòrdu di lòt promé i ta number tres i kuater den kada grupo. Un biaha mas bo ta haña un sistema diseñá pa e ekipo nan mas malu hunga kontra e ekipo nan mas mihó.

Tantu e ganadó komo e promé finalista di kada grupo ta pasa pa e siguiente buèlta. Den e buèlta aki ta bai tin un grupo di seis ekipo. E tres ekipo nan ku puntuashon mas haltu ta pasa pa Brazil 2014, miéntras ku e di kuater ekipo ku puntuashon mas haltu mester hunga den e playoff inter-kontinental.

Kòrsou por yega mundial 2014? Tur kos ta posibel pero e no ta mustra masha probabel. Prinsipalmente teniendo na kuenta ku FIFA konsientemente ta protehé e mihó e ekipo nan den CONCACAF. Konsientemente FIFA ta laga e ekipo nan mas malu enfrentá gigante nan den futbòl ku e konsekuensia ku kasi semper pa no bisa semper e ekipo nan aki ta kai chikí. Mester bin un kambio den e manera ku e klasifikatorio pa mundial ta tuma lugá, prinsipalmente den CONCACAF anto e ora ey kisas Kòrsou tin un chèns mas realístiko pa yega mundial.

Facebook Twitter Instagram Youtube
© 2022 Deporte Awe. Tur derechi reservá. Diseñá pa E² Media.