Category: Futbòl

Posted on

Klínika Pa Dama; Curaçao’s Mission For Woman’s Football Tabata Un Ékstito Rotundo

WILLEMSTAD — Djadumingu, 16 di dezèmber último SUBT den koperashon ku FFK a organisá un tremendo klínika pa damanan ku ambishon pa e deporte di futbòl di 6 pa 21 aña di edat. E klínika a karga e nòmber; ‘Curaçao’s Mission for Woman’s Football’ i a tuma lugá di 8:30am-12:30pm na Stadion Dr. Antoine Maduro (SUBT).

E klínika aki tabata na enkargo di e èks futbolista profeshonal, entrenadó di dama i ‘scout’ pa KNVB, Renée Slegers. Aparte di Renée Slegers ku ta tei di bishita na nos dushi isla pa duna e klínika aki, Rocky Hehakaija tambe ta tei i a hasi e evento aki aun mas grandi. Rocky Hehakaija ta konosí riba plano internashonal komo un futbolista di kaya hopi famoso i ta keda konsiderá un ‘rolemodel’. Rocky huntu ku Philip Veldhuis ta e fundadónan di e ‘Stichting Favela Street’ na paisnan manera Brazil, Haiti ku Hulanda. Aparte di esei Rocky ta biaha rònt mundu pa inspirá damanan futbolista i yuda promové futbòl di kaya.

Un grupo di alrededor 60 partisipante a inskribí pa e klínika aki i a keda repartí den gruponan chikí abase di nan edat. Nan a haña 4 seshon di training pa despues haña algun tep riba diferente téknika i táktika di futbòl serka Renée ku Rocky. Na final di e klínika ta tin algun torneo chikí pa pone den práktika tur loke a wòrdu duná durante e klínika.

Un i tur por mira bèk riba un dia eksitoso kargá ku informashon balioso i kosnan nobo ku nan lo por usa den futuro pa ehersé nan deporte preferí, futbòl.

Meta di e klínika aki tabata pa promové i engrandesé futbòl di dama aki na Kòrsou i ta e intenshon pa den futuro sigui organisá mas di e tipo di eventonan aki pa nos damanan.

FFK i SUBT ta gradisí tur e damanan ku asistí na tremendo klínika aki i ta spera di por sigui oumentá e interes serka nos damanan pa nan tambe forma parti di un ekipo i praktiká futbòl!

Posted on

Korsou kontra Guadeloupe Djaluna 19 Di Novèmber Den Stadion Ergilio Hato

WILLESMTAD — Awe den oranan di atardi nos hungadónan residensiá den eksterior a pisa suela di Kòrsou pa asina djòin nos hugandónan lokal pa kontinuá ku e preparashonnan pa e gran partido di djaluna 19 di novèmber próksimo den Stadion Ergilio Hato pa 8’or di anochi.

Nos kontrinkante, e selekshon di Guadeloupe lo yega Kòrsou djasabra binidero pa asina nan tambe kontinuá ku nan trainingnan.

Djaweps 15 di novèmber, durante Punda Vibes lo tin un ‘meet & greet’ ku nos selekshon. entre 7’or pa 9’or. Durante e anochi aki un i tur por pasa na Gomez Plein pa sera konosí mas di aserka ku nos hungadónan. Lo tin bon ambiente, bon músika i diferente premio atraktivo durante e anochi aki! Tambe lo tin benta di karchi pa e wega kontra Guadeloupe i mas ku klaro e famoso t-shirt ku shalnan di nos selekshon!

Invitashon ta bai na hinter pueblo di Kòrsou pa asistí na e gran evento aki!

E siguiente hungadónan a keda selekshoná pa forma parti di nos selekshon ku lo mira akshon durante nos terser enkuentro di Nations League;

  1. Jarchinio Antonia (Omonia Nicosia)
  2. Jurich Carolina (NAC)
  3. Reangelo Janga (Astana)
  4. Gevaro Nepomuceno (Oldham Athletic)
  5. Darryl Lachman (PEC Zwolle)
  6. Rhu-Endly ‘Cuco’ Martina (Everton)
  7. Leandro Bacuna (Reading)
  8. Michaël Maria (Fc Twente)
  9. Shanon ‘Cheese’ Carmelia (Ijsselmeer vogels)
  10. Brandley Kuwas (Heracles)
  11. Bradley Martis (Sparta)
  12. Jafar Arias (Fc Emmen)
  13. Elson ‘Sontje’ Hooi (Ado Denhaag)
  14. Jeremy de Nooijer (Sheriff Tiraspol)
  15. Ayrton Statie (Fc Lienden)
  16. Suently Alberto (Sparta)
  17. Quentin Jakoba (Kozakken Boys)
  18. Eloy Room (PSV)
  19. Jarzinho Pieter (Centro Dominguito)
  20. Rowendy Sumter (Scherpenhuevel)
  21. Jimbertson Vapor (Scherpenheuvel)
  22. Ruensley Leuteria (Jong Holland)
  23. Quentin Martinus (Urawa Reds)

Skema di training di nos selekshon:

Fecha Orario Stadion
14-11-2018 19:00 -20:30 SDK
15-11-2018 17:30-18:30 SDK
16-11-2018 10:00-12:00 SDK
17-11-2018 20:00-21:30 SDK


*Tene na kuenta ku lo por tin kambio riba e skema aki, nos lo avisá si esei ta e kaso!

Karchinan pa e tremendo partido aki ta optenibel na FFK bou di ora di ofisina, Botika Mampuritu, Beep Beep, 4th of July snèk na Barber, pòmp di gasolin Santa Maria, serka Sport Spot Boutique & More na Santa Maria pegá ku trùk di pan Komelon i na Restorant Trafasie pegá ku Don Bartolo.

E preisnan pa e diferente sekshonnan ta lo siguiente:

  • SEKSHON A: VIP ta kosta Fl.150,-  (inkluso konsumo)
  • SEKSHON B: Bou di tribunanan kubrí ta kosta Fl.50,-
  • SEKSHON C: Tribunanan no kubrí ta kosta Fl.30,-
  • SEKSHON D: Mucha te ku 12 aña ku 60+ ta paga Fl.10,- den sekshon general

E suèternan di e kolekshon nobo di nos selekshon nashonal ta kabando! A sobra masha poko pues pasa lihé buska di bo, na balor di Fl.75,-. Tambe nos a sobra e famoso shalnan di nos selekshon na balor di Fl.25,-. Ámbos optenibel na FFK bou di ora di ofisina.

Posted on

Korsou U-20 A Terminá Na Terser Puesto Den E Concacaf U-20 Championship Na Tampa

TAMPA — Despues ku 31 di òktober último, nos selekshon nashonal kategoria U-20 a biaha pa Tampa pa asina kumpli ku nan kompromisonan den e C, awe 11 di novèmber den oranan di anochi nos selekshon a regresá despues di e keda na terser puesto. Lamentabelmente nos no a logra klasifiká pa e siguiente buèlta.

Na tur ta tin 35 pais ku a kompetí den e kampionato aki i nos tabata den pul F huntu ku El Salvador, Guatemala, Guyana i Cayman Islands.

Resultado di nos weganan:

Fecha Resultado Tim A Tim B Lugá
1 2 nov. 18 2-1 El Salvador Kòrsou IMG Academy

(Bradenton, Florida)
2 4 nov. 18 3-1 Guatemala Kòrsou
3 8 nov. 18 3-4 Guyana Kòrsou
4 10 nov. 18 2-4 Cayman Islands Kòrsou

 

Durante nos promé enkuentro kontra El Salvador nos a kai vensí i a pèrdè ku e skor pèrtá di 2 pa 1. Luchenthly Vrutaal tabata esun ku a anotá e úniko gol pa Kòrsou. Den nos segundo partido kontra Guatemala, nan a sa di gana nos 3-1 i e gol di nos tabata un outo gol.

Durante nos terser partido nos a sali viktorioso i a gana Guyana ku e skor di 4-3 ku golnan di Jaron Vicario, Meghan Valpoort, Carolith Fermina ku un outogol. Den nos último partido kontra Cayman Island nos a gana ku skor di 4-2. Jaron Vicario, Gianni van de Pitte (2x) ku Giorney Royer ta esnan ku a anotá e golnan ku a hiba nos na e viktoria.

Ku e resultadonan aki nos a terminá na terser lugá ku un total di 6 punto, 10 gol na fabor i 10 gol kontra. Konsekuentemente nos no a logra klasifiká pa siguiente buèlta di e torneo aki.

Nos selekshon nashonal kategoria U-20 a konsistí di un grupo di 20 hungadó, di kua mitar ta hungadónan áktivo den nos Kampionato Hubenil i e otro mitar ta nos hungadónan residensiá aya na Hulanda. Nos selekshon a wòrdu dirigí pa Sr. Ludwig Alberto ku ta e entrenadó di e selekshon aki i Sr. Gersinio Constancia ku ta e asistente di e entrenadó.

Tambe a biaha huntu ku e selekshon Sr. Sherwin Inesia ku ta e masahista di e selekshon, Sr. Roderick Rojer ku ta esun enkargá ku e materialnan, Sr. Marcelo Pisas ku ta entrenadó di e porteronan, Sr. Ramfis Filet ku ta e dòkter di nos selekshon i e hefe di delegashon ku tabata Sr. Shaheen Elhage, miembro di direktiva di FFK.

Nos selekshon ta konsistí di e siguiente hungadónan:

  1. Kevin Juliana
  2. Danel Rosa
  3. Quinton Burk
  4. Ayodele Kwidama
  5. Dion Hooi
  6. Roderick Bolijn
  7. Giorney Royer
  8. Jonathan Libania
  9. Meghan Valpoort
  10. Jaron Vicario
  11. Quincy Does
  12. Sugently Martha
  13. Luchenthly Vrutaal
  14. Sharrion Pietersz
  15. Rogyaer Anita
  16. Gianni Van de Pitte
  17. Nixon Buntin
  18. Quintin Rustveld
  19. Carolith Fermina
  20. Williaam Plaate
Posted on

Kòrsou Kontra Bolivia Dianan 23 I 26 Di Mart Den Stadion Ergilio Hato

WILLEMSTAD — Preparashon nan ta kontinuá pa e 2 enkuentronan di nos selekshon nashonal ku lo enfrentá e selekshon di Bolivia durante 2 wega amistoso ku lo tuma lugá dianan 23 i 26 di mart próksimo den Stadion Ergilio Hato pa 8’or di anochi.

Awe den oranan di atardi nos hungadónan residensiá den eksterior a pisa suela di Kòrsou pa asina djòin nos hugandónan lokal pa kontinuá ku e training i preparashon nan pa loke ta trata e 2 kompromisonan di djabièrnè i djaluna próksimo. Nos kontrinkante, e selekshon di Bolivia tambe a yega Kòrsou awe den oranan di anochi pa mañan nan tambe kontinuá ku nan trainingnan.

E siguiente hungadónan aki lo forma parti di nos selekshon definitivo;

  1. Eloy Room (PSV)
  2. Shanon ‘Cheese’Carmelia (Ijselmeervogels)
  3. Elson ‘Sontje’ Hooi (Ado Denhaag)
  4. Leandro Bacuna (Reading)
  5. Gino van Kessel (Oxford United)
  6. Jurich Carolina (PSV)
  7. Quintin Jacoba (Kozakken Boys)
  8. Rhu-Endly ‘Cuco’ Martina (Everton)
  9. Ayrton Statie (Sabal)
  10. Gevaro Nepomuceno (Oldham Athletic)
  11. Darryl Lachman (Willem II)
  12. Jarchino Antonia (Omonia Nicosia)
  13. Guyon Fernandez (Delhi Dynamos)
  14. Shermaine Martina (MVV)
  15. Shermar Martina (MVV)
  16. Charlison Benschop (Hannover 96)
  17. Juriën Gaari (Kozakken Boys)
  18. Randal Winklaar (Jong Holland)
  19. Jimbertson Vapor (Scherpenheuvel)
  20. Rowendy Sumter (Scherpenheuvel)
  21. Jarzinho Pieter (Centro Dominguito)
  22. Charlton Vicento (Helmond Sport)
  23. Bradley Martis (J.Sparta)

Skema di training di nos selekshon:

Fecha Orario Stadion
21-3-2018 10:30 -12:00 SDK
21-3-2018 19:15-20:30 SDK
22-3-2018 18:00-20:00 SDK
24-3-2018 10:30-12:30 SDK
25-3-2018 19:30-22:00 SDK

*Tene na kuenta ku lo por tin kambio riba e skema aki, nos lo avisá si esei ta e kaso!

Karchinan pa e 2 partidonan aki ya ta optenibel na FFK bou di ora di ofisina, Botika Mampuritu, Beep Beep, 4th of July snèk na Barber, pòmp di gasolin Santa Maria i serka Elton John Sophia na 5692121.

E preisnan pa e diferente paketenan pa sekshonnan ta lo siguiente:

  • VIP ta kosta Fl.250,- pa ámbos partido i Fl.150,- pa un partido (inkluso konsumo);
  • Bou di tribunanan kubrí ta Fl.50,- pa ámbos partido i Fl.30,- pa un partido
  • Tribunanan no kubrí ta Fl.30,- pa ámbos partido i Fl.20,- pa un partido
  • Mucha te ku 12 aña ku 60+ ta paga Fl. 15,- pa ámbos partido i Fl.10,- pa un partido den sekshon general

Ainda nos tin algun di suèter di kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.

Ámbos optenibel na FFK bou di ora di ofisina.

Pasa buska di bo pa asina bo bin sostené i apoya nos hungadónan.

Reservá djabièrnè dia 23 i djaluna 26 di mart pa bo ta den stadion Ergilio Hato komo e number 12 sosteniendo nos selekshon nashonal, e kampion nan di e Scotiabank Caribbean Cup 2017.

Posted on

FFK ta Selebrá Dia Internshonal di Hende Muhe ku e Apertura di Kampionato di Dama 2018

WILLEMSTAD — Manera ya ta konosí, mañan 8 di mart mundu ta selebrá dia internashonal di hende muhé. FFK den kolaborashon ku SUBT tambe lo selebrá e dia spesial aki dor di duna inisio na e kampionato di dama netamente riba e dia dediká na e ser muhé. Esaki ku e meta pa duna un realse na tur nos dama nan ku ta práktika futbòl aki na Kòrsou.

E apertura aki lo tuma lugá na Stadion Dr. Antoine Maduro pa 7’or di anochi i durane e partido inisial, e ekipo di SUBT lo enfrentá Inter Willemstad.

Kampionato di dama 2018 lo konta ku partisipashon di 8 tim kual ta:

  1. Hubentut Fortuna
  2. Inter Willemstad
  3. Vesta
  4. Rio Magdalena
  5. SUBT
  6. Sithoc
  7. Jong Holland
  8. Victory Queens

E ekipo nan aki lo bai enfrentá otro tur wikènt durante e partidonan di dama ku lo kontinuá próksimamente.

E komishon di dama ku a keda instalá resientemente ta trahando duru huntu ku e ekiponan di dama pa mira kon por promové futbòl di dama den nos pueblo. E meta di e komishon aki ta pa stimulá mas dama pa djòin un ekipo i kuminsá práktika futbòl. E aña aki, mes kos ku aña pasa, nos lo tin algun selekshon di dama ku lo bai representá nos den eksterior. Aktualmente e selekshon di dama U-15 ta den preparashon pa un kampionato internashonal ku nan lo mester partisipá na dje proksimamente. Pues trabou nan ta sigui tuma lugá pa desaroyo di futbòl di dama aki na Kòrsou. Tur esaki, parti di un plan ku e komishon di dama a traha ku lo keda implimentá durante e aña nan binidero na bienestar di futbòl pa dama.

Pa abo dama ku ke práktika futbòl, bishitá nos página di Facebook; Curacao Woman Football òf Federashon Futbòl Kòrsou i haña tur informashon tokante e ekiponan di dama ku tin aktualmente.

Un invitashon ta bai na henter e pueblo di Kòrsou pa bin Stadion Dr.Antoine Maduro mañan anochi 7’or pa bin selebrá dia internashonal di hende muhé, disfrutá di bo deporte prefrí i mira kiko tur nos dama nan tin aden!

Kòrda ku entrada ta kompletamente grátis!

FFK i SUBT ta warda bo!

Posted on

Entrante Djaluna 5 di Mart, Futbòl Bèk Den Stadion Ergilio Hato

WILLEMSTAD — For di awe, djaluna 5 di mart, partidonan di futbòl lo mira akshon bèk den Stadion Ergilio Hato. Esaki despues ku luna pasa trabou nan a kuminsá pa rekonstrukshon di e tereno.

Awor, trabou nan a terminá i tur kos ta kla pa e partidonan di Liga MCB tuma lugá den Stadion Ergilio Hato.

Un danki ta bai na gobièrnu di Kòrsou, kompania Edelgras, kompania CWM, FDDK i tur esnan ku a hasi posibel ku futbòl por bolbe hasi uso di Stadion Ergilio Hato.

Un danki tambe ta gerensia di Fundashon Barika Hel i SUBT kaminda e partidonan di Liga MCB tambe lo kontinuá.

E partidonan di nos selekshon nashonal di dianan 23 i 26 mart próksimo kontra e selekshon di Bolivia tambe lo tuma lugá den nos stadion nashonal pa 8’or di anochi.

Reservá ámbos fecha pa bo bin apoyá i sostené nos selekshon nashonal, e kampionnan di e Scotiabank Caribbean Cup 2017, komo e di 12 hungadó!

Skema pa e próksimo partidonan di Liga MCB Segundo Divishon:

Djaluna 5 mart 18  19.00 New Song vs Sta Cruz  SDK
 21.00 Dep. Sta Rosa vs FC Sithoc  
Djarason 7 mart 18  19.00 U.D. Tera Kòrá vs Atomic  SUBT
 21.00 Subt vs Indekor  
Djaweps 8 mart 18  19.00 C.H. Mahuma vs De Koning  FFK


Skema pa e próksimo partidonan di Liga MCB Promé Divishon:

Djaweps 8 mart 18 20.00 Vesta vs C. Dominguito
Djabièrnè 9 mart 18 20.00 J.Holland vs CSD Barber
Djasabra 10 mart 18 19.00 Undeba vs J. Colombia
Djadumingu 11 mart 18 18.00 Willemstad vs Scherpenheuvel
Djaluna 12 mart 18 20.00 Victory Boys vs Hub. Fortuna

*Tur e partidonan aki ta tuma lugá na Stadion Ergilio Hato!

Liga MCB Promé Divishon a sigui wikènt tras di lomba ku algun partido sumamente interesante di e segundo buèlta.

Kosnan ta birando kayente paso esaki lo ta e último buèlta promé ku e buèlta di 6 kuminsá i tur ekipo ke ta aden! E preis pa Liga MCB Promé Divishon ta fl.6 pa adulto miéntras mucha di 6 te ku 12 aña i 60+ ta paga solamente fl.2.50.

Liga MCB Segundo Divishon tambe ta kontinuá ku algun tremendo partidonan di e segundo buèlta. Tur e partidonan aki lo tuma lugá na Stadion Ergilio Hato, FFK òf Stadion Dr.Antoine Maduro i e entrada ta kosta fl.3,- pa tur hende.

Un yamada ta bai na hinter e pueblo di Kòrsou pa asistí na e tremendo partidonan di Liga MCB. Bin pasa un ratu ameno den kompania di bo famia i disfrutá di bo deporte preferí e deporte rei, futbòl i e siman aki den nos stadion nashonal!

MCB i FFK ta wardabo!

 

Posted on

Liga MCB Terser Divishon ta kla pa ranka sali

WILLEMSTAD — Manera ya nos a avisá, Liga MCB Terser Divishon lo kuminsá djadumingu 25 di febrüari próksimo, 16:30 pm na tereno di FFK. Lo bai tin 2 enkuentro riba e gran apertura di Liga MCB Terser Divishon. E promé lo ta entre Haitian Union Club ku Real Buena Vista i mas despues Caribbean International University lo enfrentá Atletico Saliña.

Liga MCB Terser Divishon 2018 lo konta ku partisipashon di 5 ekipo.

E ekiponan aki ta lo siguiente:

  1. Haitian Union Club
  2. Caribbean International University
  3. Real Buena Vista
  4. Inter Willemstad
  5. Atletico Saliña

E partidonan di Liga MCB Terser Divishon lo tuma lugá riba djadumingu atardi bai kue anochi na tereno di FFK i ta planiá pa terminá den komienso di yüni.

Skema pa e próksimo partidonan di Liga MCB Terser Divishon:

Djadumingu 25 feb.18    16.30 Haitian Union Club vs Real Buena Vista
 18.30 Car. Int. University vs Atletico Saliña

*Tur e partidonan aki ta tuma lugá na FFK!

Un yamada ta bai na hinter e pueblo di Kòrsou pa asistí na e tremendo partidonan di Liga MCB Terser Divishon. Bin pasa un ratu ameno den kompania di bo famia i disfrutá di bo deporte preferí e deporte rei, futbòl!

Kòrda ku tur e partidonan aki ta grátis!

MCB i FFK ta wardabo!

Posted on

Pre-selekshon di Korsou pa enkuentro amistoso kontra Bolivia

WILLEMSTAD — Manera ya ta konosí nos selekshon nashonal, kende ta e ekipo kampion di e Scotiabank Caribbean Cup 2017, lo mester enfrentá e selekshon di Bolivia durante 2 wega amistoso ku lo tuma lugá den Stadion Ergilio Hato pa 8’or di anochi.

Trabou nan ta kanando den ful swing pa Stadion Ergilio Hato ta kla pa e partidonan aki por tuma lugá. Tur esaki nan komo preparashon pa algun kompromisonan importante ku nos tin e aña aki manera e Nation League (ántes Caribbean Cup) ku lo tuma lugá na sèptèmber próksimo. Otro siman lo tin e sorteo pa e kampionato aki pa asina nos sa den kua pul nos lo ta i kua ta e ekiponan ku nos lo mester bai enfrentá.

E siguiente hungadónan a keda selekshoná pa forma parti di e pre-selekshon ku lo partisipá na e partidonan amistoso aki:

  1. Eloy Room
  2. Shanon ‘Cheese’Carmelia
  3. Elson ‘Sontje’ Hooi
  4. Leandro Bacuna
  5. Gino van Kessel
  6. Michaël Maria
  7. Rhu-Endly ‘Cuco’ Martina
  8. Rangelo Janga
  9. Ayrton Statie
  10. Gevaro Nepomuceno
  11. Darryl Lachman
  12. Gillian Justiana
  13. Jarchinio Antonia
  14. Irvinly van Eijma
  15. Shermaine Martina
  16. Shermar Martina
  17. Quinten Martinus
  18. Quentin Jakoba
  19. Guyon Fernandez
  20. Juriën Gaari
  21. Randal Winklaar
  22. Christopher Isenia
  23. Jimbertson Vapor
  24. Rowendy Sumter
  25. Jarzinho Pieter
  26. Brandley Kuwas
  27. Suenthly Alberto
  28. Charlison Benschop
  29. Nigel Robertha
  30. Jeremy de Nooijer
  31. Jurich Carolina
  32. Giovanni Troupee

Karchinan pa e 2 partidonan aki lo ta optenibel pronto entre otro na FFK bou di ora di ofisina, Botika Mampuritu, Beep Beep i pòmp di gasolin Santa Maria.

E preisnan pa e diferente paketenan pa sekshonnan ta lo siguiente:

  • VIP ta kosta Fl.250,- pa ámbos partido i Fl.150,- pa un partido (inkluso konsumo);
  • Bou di tribunanan kubrí ta Fl.50,- pa ámbos partido i Fl.30,- pa un partido
  • Tribunanan no kubrí ta Fl.30,- pa ámbos partido i Fl.20,- pa un partido

Nos a risibí un kolekshon nobo di suèter di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.

Ámbos optenibel na FFK bou di ora di ofisina.

Pasa buska di bo pa asina bo bin sostené i apoya nos hungadónan.

Reservá djasabra dia 23 i djaluna 26 di mart pa bo ta den stadion Ergilio Hato komo e number 12 sosteniendo nos selekshon nashonal, e kampion nan di e Scotiabank Caribbean Cup 2017.

Posted on

Liga MCB Segundo Divishon su segundo buèlta lo kuminsá

WILLEMSTAD – Liga MCB Promé Divishon a sigui wikènt tras di lomba ku algun partido sumamente interesante di e segundo buèlta.

Kosnan ta birando kayente paso esaki lo ta e último buèlta promé ku e buèlta di 6 kuminsá i tur ekipo ke ta aden! E preis pa Liga MCB Promé Divishon ta fl.6 pa adulto miéntras mucha di 6 te ku 12 aña i 60+ ta paga solamente fl.2.50.

Liga MCB Segundo Divishon tambe ta kontinuá ku e promé partidonan di e promé buèlta. Tur e partidonan aki lo tuma lugá na tereno di FFK òf Stadion Antoine Maduro i e entrada ta kosta fl.3,- pa tur hende.

Liga MCB Terser Divishon ta kla pa kuminsá djadumingu 25 di febrüari próksimo i lo konta ku partisipashon di 5 ekipo. E ekiponan aki ta lo siguiente:

  1. Haitian Union Club
  2. Caribbean International University
  3. Real Buena Vista
  4. Inter Willemstad
  5. Atletico Saliña

E partidonan di Liga MCB Terser Divishon lo tuma lugá riba djadumingu atardi na tereno di FFK i ta planiá pa terminá den komienso di yüni. Mas den transkurso di siman nos lo manda mas detaye di e partidonan aki.

Un yamada ta bai na hinter e pueblo di Kòrsou pa asistí na e tremendo partidonan di Liga MCB. Bin pasa un ratu ameno den kompania di bo famia i disfrutá di bo deporte preferí e deporte rei, futbòl!

MCB i FFK ta wardabo!

Skema pa e próksimo partidonan di Liga MCB Segundo Divishon:

Djaluna 19 feb. 18   19.00 C.H. Mahuma vs Sta Cruz
 21.00 Subt vs New Song
Djarason 21 feb. 18  19.00 Dep. Sta Rosa vs DE Koning
 21.00 U.D. Tera Kòrá vs Indekor
Djaweps 22 feb. 18  19.00 Atomic vs FC Sithoc

 

Tabla di goliadó ku 3 òf mas gol anotá:

Nòmber Ekipo Gol
Balochie Juwendrick C.H. Mahuma 10
Molina Palomina Oscar Subt 10
Cleopa Roderick Dep. Sta Rosa 7
Martina Shaidneyson C.H. Mahuma 7
Casiani Edgard Subt 5
Vanegas Garcia Haller U.D. Tera Kòrá 5
Jemeison Jerome Subt 4
Steven Dannio Indekor 4
La Croes Lionel De Koning 3
Lopez Dorado Gustavo Subt 3
Marceli Rainsley Dep. Sta Rosa 3
Melfor Christopher C.H. Mahuma 3
Zimmerman Clifton U.D. Tera Kòrá 3
Posted on

Trabounan a start pa drecha Stadion Ergilio Hato

WILLEMSTAD – Danki na yudansa finansiero di gobièrnu di Kòrsou e trabounan pa drecha nos stadion nashonal a start djaluna último, 12 febrüari 2018 i lo terminá aproksimadamente pa promé mart 2018.

Manera ya ta konosí, Stadion Ergilio Hato for di novèmber 2016 no por wòrdu usa pa weganan di futbòl ya ku e yerba artifisial a ser dañá durante un konsierto ku a tuma lugá den SDK.

Despues di hopi lucha i ku koperashon di gobièrnu, e trabounan a kuminsá. Den komienso di mart e deporte rei, futbòl lo por bolbe kuminsá hasi uso di nos stadion nashonal.

E trabounan ta tumando lugá den 4 fase kaminda a parti e tereno den 4 pida i ta lanta e yerba fase pa fase pa asina por drecha e superfisio ku a ser dañá. Tanten ku ta drechando e parti abou di e yerba di e promé parti ta kita e yerba di e di 4 parti pa e tambe wordu drechá. Despues ku e parti abou di fase 1 ta kla drechá ta bòltu e yerba bèk i poné na su luga. Asina lo sosodé ku e otro fase nan tambe.

Ta kalkulá ku tur trabou lo terminá promé di mart 2018. Despues di esaki e partidonan di futbòl por bolbe mira akshon den SDK. Miéntras preparashonnan pa e weganan di nos selekshon nashonal di dia 23 i 26 mart próksimo kontra e selekshon di Bolivia lo por tuma lugá den nos stadion nashonal.

Un danki ta bai na gobièrnu di Kòrsou, Edelgras, CWM i tur esnan ku a hasi posibel ku futbòl por bolbe hasi uso di SDK. Tabata ku esfuerso grandi di presidente di FFK ku e trabounan por a kuminsá na tempu pa asina pa otro luna futbòl por bolbe kuminsá hasi uso di nos stadion nashonal. Despues di mas ku 1 aña i 4 luna ku e tereno tabata dañá.

Un danki tambe ta bai na Fundashon Barika Hel i Stadion Dr. Antoine Maduro kaminda tur nos weganan di kampionato a tuma lugá i lo sigui tuma lugá repartí entre stadion Dr. Antoine Maduro i Stadion Ergilio Hato.

Fanatikonan di futbòl prepará boso pa por wak nos weganan di kampionato i e gran enkuentronan di nos selekshon nashonal kontra Bolivia na mart próksimo.

Facebook Twitter Instagram Youtube
© 2022 Deporte Awe. Tur derechi reservá. Diseñá pa E² Media.