Author: E. Evertsz

Posted on

Grandioso Apertura di kampionato Hubenil 2015-2016

WILLEMSTAD — Kampionato Hubenil 2014-2015 ta tin un grandioso apertura djasabra 14 di novèmber último kaminda e klupnan partisipante i un públiko grandi a gosa un bòl. E dia a kuminsá ku un desfile di e klupnan partisipante kompañá pa un ‘brassband’ ku a sali na e ‘parkeerplaats’ di e skol Emanuel (banda di SDK) i a kana bai SDK. Pa 10or am e parti ofisial a tuma lugá kaminda presidente di FFK i presidente di Komishon Hubenil Sr. Rignaal ‘Jean’ Francisca a hiba algun palabra, sigui pa Sra. Cheryl Linzey representante di MCB ku tambe a hiba palabra. Sr. Welvaart tabata esun enkargá pa bendishoná e kampionato aki pa despues un hungadó i un rèfri, den representashon di tur e hungadónan i tur e rèfrinan di e kampionato, lesa un promesa pa ku e kampionato ku lo bai kuminsá. Despues i e seremonia chikitu ei, 11or am bala a kuminsá lora kaminda e públiko presente por a disfrutá di e promé partidonan di Kampionato Hubenil 2015-2016.

Resultado di weganan: 

Stadion TimdiKas ? Bishitante U-9 U-11 U-13 U-15
SDK Sithoc/Marchena v/s Inter Willemstad – – 1-3 1-7
SDK Excellence v/s AtletikoSaliña – – 2-6 6-6
FFK Excellence v/s AtletikoSaliña 5-1 2-2 – –
FFK Sithoc/Marchena v/s Inter Willemstad 1-6 1-11 – –

Un danki ta bai na tur e klupnan ku a partisipá na e gran apertura aki, na e tremendo públiko ku a presensia e dia aki i tur hende ku di un òf otro forma a duna nan granito pa hasi e dia aki unu eksitoso.

Timnan partisipante: 

  1. Atlétiko Saliña
  2. Centro Barber
  3. Centro Dominguito
  4. Excellence School
  5. Fc Stallions
  6. Gemstones United
  7. Hubentut Fortuna
  8. Indekor
  9. Inter Willemstad
  10. Jong Colombia
  11. Jong Holland
  12. Mahuma
  13. New Song
  14. Porta Blanco
  15. Quick’60
  16. Scherpenheuvel
  17. Sithoc-Marchena
  18. SUBT
  19. U.D. Tera Kòrá
  20. Undeba
  21. Vesta
  22. Victory Boys
  23. Victory Princes

E weganan di kampionato hubenil, kategoria U-17 i U-20 ta sigui djabièrnè aki miéntras kategoria U-9 te ku U-15 ta hunga riba djasabra riba diferente tereno rònt Kòrsou.

Posted on

Resultado Kampionato Nashonal di FUTSAL 2015

WILLEMSTAD — Resultado di e partido di PLAY OFF di djasabra 14 di November 2015 di Kampionato Nashonal di FUTSAL 2015 den sala Errol Rooi na S.D.K.

Resultado djasabra 14 di november:

1. 18.00 Don Bosco – Ocean View FA
5           –             4

2. 19.00 Five Stars – Ocean View I
4         –              6

3. 20.00 The Warriors – FC San Lucas
2        –              9

4. 21.00 Pantera Negras – FC BABRanis I
2         –              2

4 miho ekipo nan ku a sigui pa semi final ta:

1. FC San Lucas

2. FC BABRanis I

3. Don Bosco

4. Ocean View I

Posted on

Ken Ta Tapa Ken: Show di fever, drifting i stunt

WILLEMSTAD — Kòrsou lo ta anfitrion di un evento magno sigur pa e amantenan di akshon. Dia 22 di novèmber awor na Curacao Race way lo bai tin e evento titulá “Ken Ta Tapa Ken”. QDC Productions a uni forsa pa brinda Kòrsou i amantenan di fever, drifting i stunt un espektákulo tur afó. Riba e dia aki lo bai tin akshon di fever, drifting i stunt entre diferente koredó di outo, quad i motersaikel i tambe direktamente for di Merka lo tei e kampion mundial, e number 1 firmá pa Dream Chasers, kende ta Chino MMG ku ta kai bou di label di Rick Ross i Meek Mill. Chino ta bin duna Kòrsou un show live. Tin diferente challenge ku a kai aki na Kòrsou entre pariba i pabou, miéntras ku lo bai tin un revancha formal entre Boneiru i Kòrsou den e kategoria di quad.

Kòrsou ta bai mira akshonnan di outo, crosser i motersaikel den fever, drifting i stunt i pa promé biaha lo bo por ta testigu na momentu ku un avion ta bai pèrsigui un outo.

Banda di e espektákulo deportivo aki e parti farándula tambe lo ta bon sirbí ku bon ambiente ora ku lo bai tin presentashon di Easy Money Gang, DEZZ, RESHINE, MRAIZZ, dj Atley, Mc Monti i Mc. Jadira Bislick.

E evento aki ta di 16.00 or pa 22.00 or. Ya tin karchi na pre benta na rason di Naf.25 na Beep Beep, Tik Tak Punda, 24 uur Uit de Muur na e pòmp di gasolin na Sta. Maria i tambe na Mensing Caminda. Mucha te i ku 12 aña ta 15 florin.

Riba e dia di e aktividat mes esta 22 di novèmber na porta karchinan lo bira Naf. 35,00 i mucha te 12 aña ta keda 15 florin. Pues probechá buska esun di bo for di awor pa bo no pèrdè nada di e espektákulo grandi aki ku Kòrsou ta bai ta testigu di dje i ku pa hopi tempu lo bo keda komentá. Un danki spesial ta bai na Licores Maduro, Vista Tire Center, CATIS NV., Cannabis Energy Drink, Don Andres N.V., Zapp Batteries, Allstar Embroidery, Emergency Printing, Hulk Towing i The Ultimate Motors.

Posted on

SIMAN DI TENIS DI MESA KU SU KAMPEONATO NASHONAL

WILLEMSTAD — Federashon Tènis di Mesa ta invita kordialmente henter pueblo di Kòrsou i muy en espeshal fanatikonan di deporte pa bin presensha e siman aki na Sala Irene Moreno na Muizenberg tènis di mesa, kaminda titulo di Kòrsou ta na disputa. Bin mira nos hungadonan tantu hubenil, damas i kabayeronan, luchando pe titulo di Kòrsou den e diferente kategorianan.

E programa ta lo siguiente: 

  • Djadumingu 15 di Novèmber  10.00 –  13.00 Hubenil kategoria U11, U15 i U18
  • Djaluna       16 di Novèmber  20.00  – 23.00 Kabayero individual (18+ i mas grandi)
  • Djamars      17 di Novèmber  20.00 –  23.00 Master individual (40+ i mas grandi)
  • Djarason     18 di Novèmber  20.00 –  23.00 Damas individual i Damas dòbel
  • Djahuebs    19 di Novèmber   20.00 –  23.00 Kabayero dòbel i dòbel Miksto
  • Djabièrne    20 di Novèmber  18.00 –  23.00 Finalnan di tur e kategorianan

Aña pasá e anoch final tabata un fiesta i tambe rèkòrt di asistensha, nunka visto prome na Sala Irene Moreno. Bin mira nos hungadonan den akshon, kaminda edat ta kore for di 8 aña te ku 75 aña.Ta esey te deporte aki, ku ta pa tantu chikitu komo grandi : 3 generashon den akshon.

Posted on

Kampeonato Nashonal na honor di Luthson Isenia

WILLEMSTAD — Federashon Tènis di Mesa Kòrsou tin henter siman aki su kampeonato nashonal. E aña aki ta hungé na honor di Lutson Isenia. Ta 40 aña pasá ku Luti a bira kampion di Kòrsou pa prome biaha derotando Robert Hose den un gran final. Luego Luti a gana e titulo aki 2 biaha tras di otro i despues un biaha mas na 1979. Pues 1975 di Robert Hose, 1976 di Onny Wong, 1977 di Juan Didder i 1979 di Robert Hose atrobe. Ku e hechonan memorabel aki federashon ta haña ta na su luga trese Luti bèk den spotlight komo un di nos gran hungadonan di den pasado.

Posted on

Resultadonan di futsal eskolar

Resultadonan di futsal eskolar:

  • New Song viktorioso riba Ancilla Domini 4-6, hungadó di wega Angerick Dorothea
  • G.O Commanchesrtaat a gana di Juan Pablo Duarte II 4 -1, hungado di wega Luis Chavez
  • Scholen Gemeenschap Otrabanda a derota Marnix Cas Cora 7-1, hungado di wega Mohammed Bawlawan
Posted on

MCB-RBI 2015 a sigui ku weganan den divishon Junior i Senior

WILLEMSTAD – Pa promé biaha e temporada aki di MCB-RBI 2015, áwaseru a pone ku mester a kanselá weganan. Pa motibu di e pal’i awa ku a kai djasabra mainta tur wega den ámbos divishon, Junior i Senior mester a kada posponé. Miéntras tantu weganan di Senior ya a keda reprogramá pa djaweps i djabièrnè awor den Tio Daou Ballpark. Djadumingu si a logra hunga tur wega programa i e resultadonan tabata lo siguiente.

Den divishon Junior:

Den Junior Sta. Rosa Indians ketu bai invikto ganando 5-1 di Trai Seru Dodgers. Picher ganador tabata Chris Koieman i mihó bateador tabata Siamani Boekhoudt di 2-2. Picher pèrdèdó pa Dodgers tabata Rigchelon Juliana i mihó bateador tabata Nigel Calmes di 2-1.

Montaña Abou Rangers ta gana di Jandoret Braves 7-3. Picher ganador tabata Cliyano Nahr i mihó bate tabata di Jayden Yanes di 2-2. Picher pèrdèdó pa Jandoret tabata Jaleel Bito i tres bateador a bai di 2-1.

Brievengat Orioles ta pasa riba Sta. Maria Pirates 14-7. Picher ganador tabata Halim Rosalina i mihó bate tabata di Jurvensly Tokaay di 3-2. Picher pèrdèdó pa Pirates tabata Giovanne Basilia i na bate Kaeber Rog a bai di 2-2.

Despues di ta atras 6-0 Van Engelen Giants a reakshoná i laga Marchena Braves den tereno 8-7. Picher ganador tabata Arjun Huerta miéntras ku Christopher Balentin a bai di 3-2. Picher pèrdèdó pa Reds tabata Rushenten Tomsjansen i mihó bateador tabata Shandro Benita di 1-1.

Den divishon Senior:

Marchena Reds a kue su promé puntonan ganando 10-3 di Buenavista Nationals. Picher ganador tabata Giorgio Henao Martinez i Carlos Rosario Pena a bai di 3-3. Picher pèrdèdó pa Nationals tabata Jairo Samboe i mihó bateador tabata e mes di 1-1.

Trai Seru Dodgers i Montaña Ariba Yankees ta parti punto 6-6. Mihó bateador pa Dodgers tabata Ajani De Lannooi di 3-2 i Pa Yankees Lilairon Kinburn tambe di 3-2.

Kwartier Athletics a gana pèrta di Trai Seru Dodgers 5-4. Picher ganador tabata Jardel Martina i na bate dos bateador a bai di 2-1. Picher pèrdèdó pa Dodgers tabata Jerson Dometilia i vários bateador a bai d i 2-1.

Weganan reprogramá den divishon Senior den Tio Daou Ballpark:

Djaweps 12 di Novèmber 2015:

6 or pm: Nationals vs. Athletics

Djabièrnè 13 di Novèmber 2015:

5:30 pm Pirates vs. Dodgers

7:45 pm Pirates vs. Reds

Posted on

FFK i FIFA ku un tremendo kurso pa entrenadó di futsal

WILLEMSTAD — Riba dianan 19 pa 23 novèmber 2015 FFK konhuntamente ku FIFA ta organisá un tremendo kurso di futsal. Constantine Konstin lo ta e instruktor di FIFA ku lo duna e kurso.

E kurso aki ta tuma lugá den sala di reunion di FFK i e orarionan di e kurso den siman lo ta di 16.00 – 22.00pm i den wikènt (djasabra i djadumingu) di 9.00am pa 16.00pm.

Ta hasi un apelashon riba tur klup pa inskribí kandidatonan [femenino i maskulino] ku ta interesá pa sigui e kurso i ku mas despues ta dispuesto pa traha pa engrandese futsal na Kòrsou.

Pa mas informashon òf pa inskripshon pa e kurso aki por pasa personal na FFK bou di ora di ofisina serka Sra. Amaryllis Lichtenberg-La Croes, por yama na e siguiente numbernan di telefon 7365040/7365042 i tambe por manda un mail na competitions@ffk.cw.

Inskripshon ta sera 16 di novèmber, pues abo ku tin e deseo di bira un bon entrenadó di futsal, esaki ta e oportunidat ku bo tabata warda, hasi lihé i inskribí awe mes!

Posted on

Resultado i skema Deporte Eskolar

Resultado nan di awe: 

Vòlibòl

  • Maskulino St.Jozef a gana di SKAIH den 2 set
  • Maskulino St.Paulus/R.Pacis a gana di J.P Duarte den 2 set
  • Femenino St Jozef a gana di Kolegio Joseph Civllis A.G.O tambe den 2 set

Awe (djabièrnè) ta kontinuá ku Futsal i Volibol:

Den futsal na Sala Niels Liberia

  • 15:00 Scholen gemeenschap Otrabanda kontra Marnix Cas cora
  • 16:00 New Song kontra Ancilla Domini
  • 17:00 A.G.O Commanchestraat kontra Juan Pablo Duarte #2

Den vòlibòl SDK

  • Femenino 14:30 Ancilla Domini kontra Scholen Gemeenschap Otrabanda
  • Femenino 15:30 Kolegio Alejandro Paula kontra Juan Pablo Duarte
  • Femenino 16:30 international school curacao kontra Maris Stella

 

Posted on

Kòrsou su Peloteronan Profeshonal #1-201

Partidonan di Beisbòl Liga Grandi awe: 

Seri Mundial

  • Kansas City Royals kontra New York Mets (Kansas ta ariba den e seri 2-0)

Beisbòl Profeshonal Hapones Nippon ayera:

  • Tokyo Yakult Swallows a pèrdè di Softbank Hawks ku skor di 5-0 (Softbank ta kampionisa ganando e seri 4-1. Pa Softbank Hawks esaki ta nan di 7 título (1959, 1964, 1999, 2003, 2011, 2014, 2015))
    Wladimir Balentien a konektá 1 hit den 4 turno na bate pa Swallows

Beisbòl Invernal na Mexico ayera:

  • Roger Bernadina no a konektá hit den 3 turno na bate ku 1 base por bola pa Yaquis de Obregon. Roger tin un promedio di .171

Beisbòl Arizona Fall League ayera:

  • Jurickson Profar no a hunga ayera Surprise Saguaros
Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media