WILLEMSTAD – FFK ta anunsia e prokismo kambionan.
| Semifinal Femenino | |||||||
| Stadion | Dia | Fecha | Wega # | Orario | Tim di kas | v/s | Bishitante |
| Rignaal Francisca | Djaluna | 23-Jun-2025 | 13 | 19:00 | Excellence School (1) | v/s | UNDEBA (4) |
| Rignaal Francisca | Djaluna | 23-Jun-2025 | 14 | 21:00 | Inter Willemstad (2) | v/s | Hubentud Fortuna (3) |
WILLEMSTAD – Dia 10 di aprel 2025 durante un reunion General di Miembronan di Federashon Futbòl Kòrsou (FFK) unánimanente a skohe un direktiva nobo. For di e dia ei e direktiva a traha intensivamente pa re-establesé konfiansa den futbòl lokal i reforsá e kolaborashon ku tur partidonan enbolbí. Pues e enfoke di e último lunanan tabata den kuadro di restourashon di konfiansa, diálogo i akshon.
Den e periodo korto aki kòmbersashonnan ekstenso a tuma lugá ku personal di FFK, direktivanan di klupnan lokal, representantenan di rèfrinan, miembronan di prensa i otro ‘stakeholder’ importante. E kòmbersashonnan aki tabata sentrá riba pasado, e estado aktual di futbòl Kurasoleño i prinsipalmente duna kontenido huntu, na un futuro duradero. Nesesidatnan, retonan i oportunidatnan a wòrdu diskutí ku e ophetivo pa halsa e nivel di futbòl na Kòrsou.
E promé resultadonan di e rumbo nobo aki ta visibel entretanto. Asina e torneo ‘Kopa Kòrsou’ a inisiá eksitosamente, kaminda despues di mas di dos aña ekiponan por a partispá na enkuentronan ofisial. Ademas a traha un plan pa solushoná e konfliktonan ku a kondusí na suspenshon di kompetensia 2021-2022. Na mes momentu preparashonnan a start pa e temporada nobo. E kompetensia 2025-2026 lo kuminsá den sèptèmber, siguí pa e edishon nobo di Kopa Kòrsou den òktober-novèmber.
Riba tereno finansiero pasonan importante a ser tumá. Spònsernan nobo, entre otro Greenfields, Ten Cate i Distribier, a kompromoté nan mes ku e selekshon nashonal. Danki na e sosten aki e posishon di likides di e federashon a stabilisá i asina FFK por kumpli ku su obligashonnan a korto plaso. Esaki ta konta tantu pa kompensashonnan na ekiponan partisipante komo pa sosten logístiko i operashonal di e selekshon nashonal maskulino durante di entre otro partidonan di klasifikashon pa Kampionato Mundial i preparashonnan pa Gold Cup 2025.
Un punto históriko ta klasifikashon di e selekshon nashonal maskulino pa e di tres i último ronda di klasifikashon di CONCACAF pa Mundial. Un logro ku nunka antes a ser realisá. Paralelo na esaki e direktiva ta traha riba un plan pa promé ku fin di 2025 paga tur debe habrí. Tambe e promé vershon di e plan di maneho stratégiko 2025–2029 a ser trahá, inkluiendo un mishon i vishon revisá pa e federashon.
Pa ordená e raportahe finansiero, a start e trayekto pa aprobá e kuentanan anual di 2022 i 2023, e ophetivo pa formalisá esakinan den e siguiente reunion general di miembronan. Na mes momentu ta trahando riba preparashon i aprobashon di e kuenta anual 2024 i presupuestonan pa tantu 2025 komo 2026.
Riba djasabra 28 di yüni 2025 un reunion di maneho lo tuma lugá, durante kual lo traha huntu ku direktivanan di tur klup na e vershon definitivo di e plan di maneho stratégiko i e mishon i vishon di FFK.
Reorganisashon i profeshonalisashon: futbòl pa di futuro
Futuro di futbòl Kurasoleño ta pidi pa un organisashon sólido i profeshonal. E direktiva ta konsiente di e potensial di nos talentonan futbolístiko, tantu femenino komo maskulino i ta konsiderá ku ta un obligashon pa implementá mehorashonnan struktural den e federashon.
Parti sentral di e trayekto di reorganisashon i profeshonalisashon ta reklutamentu di personal klave ku e ekspertisio, kapasidatnan i prinsipalmente aktitut korekto. Un étika profeshonal sano, e deseo pa sirbi interes general i e boluntat pa edifiká un kultura di transparensia i logro, ta esensial den esaki. E federashon ke profilá su mes komo un organisashon ku no ta sirbi su mes interés pero esun di hungadónan, klupnan i fanátikonan.
Ademas ta trahando pa reforsá e organisashon atministrativo i prosesonan interno (AO/IC), pa asina FFK por kumpli ku e eksigensianan modèrno di ‘good governance’ i ‘compliance’ di FIFA i CONCACAF.
Komo parti di e rumbo aki e siman aki lo habri vakatura pa kuater funshon klave: sekretario-general, direktor tékniko, ‘finance manager’ i ‘FIFA Forward-program manager’. Deloitte ta responsabel pa e proseso di reklutamentu i selekshon. Kandidatonan no ta wòrdu evaluá solamente riba nan konosementu i eksperiensia pero prinsipalmente riba nan kompas moral, integridat i e boluntat pa duna un aporte positivo na futbòl Kurasoleño.
Personanan interesá ku ta rekonosé nan mes den e perfil aki i ku ke duna un aporte na un federashon ku enfoke riba futuro, íntegro i eksitoso ta keda kordialmente invitá pa solisitá.
MIAMI – Tijdens de FIFA Summit, gehouden op maandag 16 juni in Miami ter gelegenheid van het Wereldkampioenschap voor Clubs, heeft FIFA-president Gianni Infantino een bilateraal overleg gehad met de voorzitter van de Federashon Futbòl Kòrsou (FFK). Namens FFK waren de heer Kenneth Bernabela, bestuurslid, en de voorzitter, de heer Gilbert Martina, aanwezig.
De FIFA Summit 2025 stond in het teken van een aantal belangrijke mondiale voetbalontwikkelingen. Daarbij werd onder meer stilgestaan bij de sterke groei van het FIFA Forward-programma, waarvan het budget per lidbond is gestegen van $250.000 negen jaar geleden tot meer dan $8 miljoen voor de huidige cyclus 2023–2026. Verder benadrukte FIFA het belang van vrouwenvoetbal als strategische prioriteit voor elke voetbalbond. Hierbij werd erop gewezen dat sinds het eerste WK voor vrouwen in 1991 inmiddels vijf landen wereldkampioen zijn geworden – tegenover acht bij de mannen sinds 1930 – wat de enorme potentie van het vrouwenvoetbal onderstreept. Ook de ontwikkeling van jeugdvoetbal kreeg ruime aandacht, met initiatieven als het FIFA Football for Schools-programma, FIFA Pitch voor de aanleg van velden, en het jaarlijkse FIFA Youth Festival voor U13–U15-teams van alle 211 lidbonden.
Daarnaast kwamen nieuwe platformen aan bod, zoals FIFA Series – een extra interlandwindow voor oefenwedstrijden – en FIFA Matchmaking, een digitaal systeem waarmee nationale teams eenvoudig tegenstanders kunnen vinden voor vriendschappelijke duels.
Na deze plenaire sessie vond een persoonlijk gesprek plaats tussen de heer Infantino en de heer Martina. De FFK-voorzitter benadrukte tijdens dit overleg de noodzaak van een grondige reorganisatie en professionalisering van de voetbalbond, inclusief het aantrekken van gekwalificeerd kaderpersoneel met niet alleen de juiste kennis en ervaring, maar ook met de juiste attitude, ethiek en mentaliteit. In dit kader werd ook het eerste boek van de heer Martina besproken, getiteld Healthy Minds – Healthy Nation, dat eind 2025/begin 2026 zal verschijnen. President Infantino toonde zich bijzonder geïnteresseerd in de titel en de achterliggende boodschap, aangezien hij bij zijn aantreden bij FIFA zelf geconfronteerd werd met de gevolgen van bestuurlijk falen en een gebrek aan moreel kompas.
Verder presenteerde de heer Martina de speerpunten van het strategisch beleidsplan FFK 2025–2029, met focus op de capaciteitsontwikkeling van trainers, scheidsrechters en clubbestuurders, de versterking van het jeugd- en vrouwenvoetbal via gestructureerde ontwikkelprogramma’s, en de aanleg van infrastructuur die aansluit op de behoeften van alle nationale selecties.
Na afloop van het overleg deelde president Infantino via zijn Instagram-account het volgende bericht:
“Ik had een vruchtbaar overleg met de nieuwgekozen president van de Curaçaose Voetbalbond, Gilbert Martina, over de ontwikkeling en structuur van het voetbal in zijn land. Het nationale mannenteam presteert zeer goed in de kwalificaties voor het WK 2026 en ik zou graag een van hun wedstrijden bijwonen wanneer zij later dit jaar de volgende ronde spelen. FIFA is er trots op om kansen te creëren voor iedereen om hun droom waar te maken op het wereldtoneel, en we zullen president Martina en zijn team blijven ondersteunen via de ontwikkelingsprogramma’s van FIFA.”
De heer Martina sprak zijn dank uit aan president Infantino en de heer Mattias Graffstörm voor het uitgesproken vertrouwen en de ondersteuning sinds de bestuurswisseling op 10 april 2025. Tevens bedankte hij de heren Elkhan Mammadov (Chief Member Association Officer, FIFA) en Jair Bertoni (Director Member Associations Americas, FIFA) voor hun blijvende betrokkenheid bij de verdere ontwikkeling van het Curaçaose voetbal.
WILLEMSTAD — Pa medio di e komunikado aki FFK ta avisá ku dia 31 di yüli 2022, FFK su kolaborashon ku Sr. Art Langeler i Sr. Guus Hiddink ku tabata e direktor tékniko i e entrenadó di nos selekshon nashonal, a terminá.
FFK ta gradisí tantu Sr. Langeler komo Sr. Hiddink pa nan trabou i esfuersonan hasí pa futbol di Kòrsou i ta deseá nan éksito pa futuro.
WILLEMSTAD — Awe diahuebs Federashon Biyar Korsou ta ranka sali ku su Kampionato Nashonal di Ekipo Bola 8. E evento lo konta ku partisipashon di 4 ekipo , Curadise , Maishi Tigers , Breaking Bad y The Biesheuvel Friends. Na House of Billiard Play den Landhuis Granbeeuw tur e weganan lo tuma lugar solamente riba tur diahuebs pa 8or di anochi. Un invitashon ta bai na tur fanatiko pa bin apoya bo ekipo faborito. E prome enkuentronan lo ta Maishi Tigers vs The Biesheuvel Friends y Breaking Bad vs Curadise. E evento aki ta patrosina pa Montana Bierhuis.
WILLEMSTAD — Direktiva di Swim Club Orca Curaçao ta partisipá ku djasabra dia 06 di ougùstùs 2022 lo kuminsá ku kurso pa muchanan di 3 i 4 aña familiarisá (kustumá) ku awa. E kurso tin un durashon di tres (3) luna i dos (2) biaha pa siman tin treinen. Riba djasabra treinen ta di 16:00 or pa 17:00 or i djadumingu treinen ta di 10:00 or pa 11:00 or na Pisina Bennie Leito.
Meta di e kurso aki ta pa e muchanan di 3 i 4 aña familiarisá/kustumá ku awa, di moda ku nan por manehá fásil den awa. Ora nan tin 5 aña nan por partisipá na e kurso pa diploma “A” sin problema. Na final di e kurso lo tin un tèst i e muchanan ku partisipá na e tèst lo risibí un sertifikado.
Kabando e kurso aki no ta nifiká ku e mucha sa landa, sino ku e por defendé su mes. Semper e mester tin “gordel”/vèst bistí i e mester ta huntu ku su mayor ora e ta kantu di un pisina òf laman.
E kurso ta kosta fl. 60,00 pa luna.
Pa inskripshon i mas informashon por WhatsApp sra. Norin Bolhuis na number di telefòn: +5999 5614062.
Tuma bon nota ku, No por inskribí na Pisina dia lès kuminsá. Inskripshon ta solamente via di e WhatsApp ariba menshoná.
E kantidat di lugá pa e kurso aki ta limitá.
WILLEMSTAD — Djaduming awor 24 di yuli 2022 Federashon Deporte i Olímpiko Kòrsou (FDOK) ta bai tin su apertura huntu ku tur e federashonnan ku ta partisipa na e promè SIMAN OLIMPIKO KORSOU di 24 pa 31 di yüli 2022.
Un total di 16 federashon miembro di FDOK lo partisipa na e Siman Olímpiko Kòrsou kual ta: Atletismo, Baseball, Basketbòl, Biyar, Futbòl ,Futbòl di Sala, , Dam, Domino, Yudo, Karate, Sailing, Sòftbòl, Taekwondo, Tennis di Mesa, Vòlibòl i Natashon.
Tur federahon i nan deportistanan lo reuni na Buurcentrum Sentro di Bario Brievengat pa 12.30 or kaminda huntu ku Brassband PCD lo kana den un desfile bai velt di Sam Buntin Ballpark.
E siman Olímpiko Kòrsou lo konsistí di kompetensianan den hopi ramonan di deporte. Meta di e evento aki ta pa stimulá i motivá nos hende nan partisipa en general na deporte kompetitivo. Alabes sera e temporada di vakashon aki ku un grandioso siman di deporte.Tambe pa gradisi nos deportistanan ku a saka kara di Kòrsou engrande.
Esaki lo sosode den koperashon ku Fundashon Desaroyo Deportivo Kòrsou (FDDK); parti mainta i merdia FDDK lo tin su aktividatnan pa hobenan (plan di vakansi) i parti anochi FDOK lo tin e parti kompetitivo dor di su diferente ramonan di deporte afilia na FDOK.
Lo trata pa por tin transporte pa públiko kada ora di 24 di yüli pa 31 di yüli 2022 ku ta sali di Otrobanda pa SDK.
Dia 31 di yüli FDOK ta bai klousura su selebrashon Siman Olímpiko en grande. FDOK ta bai organisá su di 5 kaminata riba djadumingu 31 di yúli pa 6’ or di mainta ku ta sali for di e parkeerplaats di SDK na Brievengat i regresa SDK bek.
E lema di e kaminata ta: “BAN SOSTENE DEPORTE”.
E kaminata aki ta pa pueblo di Kòrsou en general hunto ku FDOK su miembronan di tur e federashonnan afiliá na FDOK i mayornan di nos deportistanan. Karchi pa e kaminata ta optenibel na kantor di FDOK; situá na Roodeweg 92A – edifisio blou ku blanku – 2e piso t/o Colon na Otrobanda. Tambe por haña karchi serka tur nos federashonnan miembro. Preis pa e kaminata ta kosta fl. 17.50.
Dia 31 di yüli 2022 anochi FDOK lo klousura e SIMAN OLÍMPIKO KÒRSOU ku Broche di Oro ku un partido di Beisbol di 2 selekshon ku ta tuma lugà na stadion Johnny Vrutaal (Rif ).
FDOK ta hasi un apelashon na pueblo di Kòrsou pa partisipá na e kaminata aki di manera bo por kontribuí na moveshon deportivo ku tin komo lema : “BAN SOSTENE DEPORTE”. E Siman Olímpiko Kòrsou di deporte aki ta net na klousura di temporada di vakashon eskolar.
Bini uni bini tur bin sostene nos deportistanan i laga e muchanan sera nan vakashon mirando i hasiendo deporte.
Alabes ta dia ku lo homenagia nos deportistanan ku a saka kara di Kòrsou en grande e aña aki.
PUNTA CANA (R.D.) — E ekipo di Liga Pabou Little League den gran forma ta para Cuba ku tabata invikto den e kompetensia di Little League Seri di Karibe na Punta Cana. Den e gran final e ekipo di Kòrsou despues di tabata atras 1 pa 0 finalmente ta sali di porta grandi ganando ku e skor di 3 pa 1 i asina tambe titulá kampion di Karibe i tan bai representá Karibe den e Seri Mundial di Little League na Williamsport.
WILLEMSTAD — Den kuadro di Dia di Emansipashon , Fundashon Museo Tula ta organisá un enkuentro hopi signifikativo ku mester a tuma lugá di promé di yüli na mangasina di Lanthùis Kenepa (Museo Tula) ku yama “ Duna Bos na nos ansestronan, kibrando silensio”.
Debí na inseguridat pa ku e mal tempu ku a premirá djárason siman pasa mester a posponé e aktividat aki.
Fundashon Museo Tula pa medio di e komunikado aki ke informá na tur invitado i na pueblo en general ku enkuentro importante aki lo sigui djasabra awor dia 9 di yüli di 10.00 di mainta pa 01:00 di mèrdia na Lanthùis Kenepa.
Siman pasá dia promé di yüli ta un dia ku a laga un marka importante den e proseso di emansipashon di nos pueblo ora ku a tuma lugá e reunion importante di Parlamento di Kòrsou kaminda a invitá Plataforma di Sklabitut i Herensia di Sklabitut pa duna un presentashon di herensia di sklabitut den kuadro di e proseso di emansipashon.
E importansia di e enkuentro aki ta ku huntu ku integrantenan di Plataforma di Sklabitut i Herensia di Sklabitut i representantenan di pueblo ku seriedat a analisá e problema di herensia di sklabitut i su konsekuensia pa nos komunidat ku te awe ta hopi visibel . Ku esaki nan a alsa konsiensia bou di pueblo ku promé di yüli ku nos ta selebrá ta danki na lucha balente hiba pa nos ansestronan ku a habri e kaminda largu di emansipashon. Pero konsiente di e hecho ku ainda tin mas pa bai pa kibra e restonan di desigualdat ekonómiko i sosial eksistente ku a keda persiguié hopi yu di Kòrsou komo herensia di sklabitut. Parlamentu i Fundashon Konsenshi Históriko ku esaki a hisa pone riba mesa e tres enkargo pa logra den e di 160 aña di abolishon di sklabitut. Rekonosé Diskulpá i Ripará. Tarea ta na pueblo di Kòrsou pa ku yudansa di Komishon Nashonal i Gobièrnu mobilisá pa bai para tras di e enkargo aki huntu i asina duna forsa na e enkargo di parlamentu . Ku esaki pueblo di Kòrsou lo pone un base fuerte pa awor yega na emansipashon polítiko kompleto di nos pueblo; loke ta anhelo di tur pueblo ku ta stima su libertat.
Fundashon Museo Tula dia 9 di yüli awor ta organisá e aktividat ku ta duna inisio na preparashon di e di 160 aña ku un akto di hopi nifikashon i ku mester ta e komienso komo ku ta ei tur kos a kuminsá.
E dia aki lo gradisí nos ansestronan pa tur loke nan mester a pasa aden, nan sanger , sodó i lágrima ku a kore i tòg mantené nan dignidat komo hende i nan determinashon di ke ta liber. Yama nan danki pa e diferente luchanan ku nan a hiba pa otro aña nos por selebrá 160 aña di libertat.
E akto simbóliko lo ta den forma di yama nòmber di e 140 personanan ku pa promé biaha por a gosa di e derecho di ta siudadano muhé i hòmber ku nòmber i fam. Liberá for di kadenanan di sklabitut dia promé di yüli.
E mainta lo kontené ademas diskurso di Minister (di Enseñansa, Siensia, Kultura i deporte) , kanto , baile , poesia i testimonio di hóbennan di awe.
E aktividat di djasabra 9 yüli na Lanthùis Kenepa ta grátis. Pueblo ta bon bini. Por reservá via WhatsApp (+5999) 686-2255.
WILLEMSTAD — Riba invitashon di nos ‘hermana isla’ Aruba, nos selekshon femenino kategoria U-17 lo biaha pa Aruba djabièrnè, 8 di yüli 2022 pa partisipá na 2 partido amistoso. Esaki den kuadro di Aruba su partisipashon na e CONCACAF Girl’s U-15 Championship. Nos selekshon femenino U-17 a aseptá e invitashon aki ku lo fungi komo práktika pa tantu Aruba su selekshon U-15 komo nos selekshon U-17 pa nos kompromisonan den futuro.
E promé partido lo tuma lugá djasabra 9 di yüli 8’or di anochi miéntras e segundo partido lo tuma lugá 10 di yüli 3’or di atardi. Ámbos partido lo ta den Centro Deportivo Guillermo Prospero Trinidad aya na Aruba. Despues di e partidonan aki nos selekson lo regresá djaluna 11 di yüli 2022 repartí den 2 grupo.
Nos selekshon femenino kategoria U-17 ya tin algun dia ta prepará pa nan partidonan i un grupo di 18 hungadó ta forma parti di nos selekshon.
E selekshon ta wòrdu dirigí pa Sr. Heinrich Roojer ku ta wòrdu asistí pa Sra. Sterre Noordhoek komo asistente tékniko. Sra. Denice Linger Berggraaf ta e masahista miéntras Sra. Nadine Carolina ta esun enkargá ku e materialnan di nos selekshon.
E hefe di delegashon ta Sra. Fabi Constansia, miembro di direktiva di FFK.
E siguiente hungadónan ta forma parti di e selekshon ku lo bai Aruba;
Preparashonnan ta kanando den ful swing pa nos damanan ku lo biaha próksimamente pa Aruba pa 2 kompromiso amistoso.