NOS SELEKSHON NASHONAL FEMENINO U-17 LO PARTISIPÁ NA 2 PARTIDO AMISTOSO NA ARUBA WIKÈNT BINIDERO

E. Evertsz
07/06/2022
Futbòl

WILLEMSTAD — Riba invitashon di nos ‘hermana isla’ Aruba, nos selekshon femenino kategoria U-17 lo biaha pa Aruba djabièrnè, 8 di yüli 2022 pa partisipá na 2 partido amistoso. Esaki den kuadro di Aruba su partisipashon na e CONCACAF Girl’s U-15 Championship. Nos selekshon femenino U-17 a aseptá e invitashon aki ku lo fungi komo práktika pa tantu Aruba su selekshon U-15 komo nos selekshon U-17 pa nos kompromisonan den futuro.

E promé partido lo tuma lugá djasabra 9 di yüli 8’or di anochi miéntras e segundo partido lo tuma lugá 10 di yüli 3’or di atardi. Ámbos partido lo ta den Centro Deportivo Guillermo Prospero Trinidad aya na Aruba. Despues di e partidonan aki nos selekson lo regresá djaluna 11 di yüli 2022 repartí den 2 grupo.

Nos selekshon femenino kategoria U-17 ya tin algun dia ta prepará pa nan partidonan i un grupo di 18 hungadó ta forma parti di nos selekshon.

E selekshon ta wòrdu dirigí pa Sr. Heinrich Roojer ku ta wòrdu asistí pa Sra. Sterre Noordhoek komo asistente tékniko. Sra. Denice Linger Berggraaf ta e masahista miéntras Sra. Nadine Carolina ta esun enkargá ku e materialnan di nos selekshon.

E hefe di delegashon ta Sra. Fabi Constansia, miembro di direktiva di FFK.

E siguiente hungadónan ta forma parti di e selekshon ku lo bai Aruba;

1. Rushaviana Petronilia (Jong Holland)
2. Charnainelys Andrea (Vesta)
3. Julainy Fanijten Thielman (Wishi Marchena)
4. Gervionna Martina (Jong Colombia)
5. Raëngely Keller (Excellence School)
6. Queen-Jelly Alexandre (Vesta)
7. Gionella Calvenhoven (Vesta)
8. Soerianieh Nucatia (Excellence School)
9. Kaaisha Constansia (Excellence School)
10. Queennaily Geertruida (Jong Holland)
11. Caelyn Hodge (Excellence School)
12. Lisa Pasman (Excellence School)
13. Siegiantely Constancia (Jong Colombia)
14. Emily Pulido Baloa (Excellence School)
15. Rigeandra Jansen (Hubentut Fortuna)
16. Zyanne Bariento Matinez (Excellence School)
17. Roshanthely Coffi (Jong Holland)
18. Kimberly Olaria (Excellence School)

Preparashonnan ta kanando den ful swing pa nos damanan ku lo biaha próksimamente pa Aruba pa 2 kompromiso amistoso.