Royal Scorpions ta Yega na Akuerdo ku Frensly Leito

WILLEMSTAD — Awe nos ta presenta na boso nos fanatiko nan di Royal Scorpions i beisbol en general un parti mas di nos puzzle pa kaba di kompleta e team ku nos a bin ta forma pa asina nos lo por kompeti den e kampionato di liga Dobel A di FEBEKO.

Frensly Leito, djis menshonando su nomber so mi kurpa ta kue kippevel. Manera hopi sa kaba Frensly tabata tin liga Dobel A domina temporado ku e tabata forma parti di Marchena Braves i tambe kon bon trabou e la hasi partisipando den Selekshon di Korsou anja pasa na e torneo di Caribbean Cup, kaminda ku Korsou a gana e titulo maximo i laga nos no keda sin menshona e hazanja ku Frensly ta hasiendo na e momentu nan aki na College aya na Merka, kaminda e ta kibrando record nan di skol den area picheo.

Pa nos di Royal Scorpion ta un plaser enorme di por tine komo parti di nos organisashon i nos por sigura nos fanatikada ku nos ta kasi kla pa temporada 2022.

Arjun Huerta ta Firma ku Royal Scorpions

WILLEMSTAD — Manera grandi nan ta bisa priminti ta debe i Royal Scorpions sigur lo soru di kumpli ku tur loke e priminti. Pesei awe nos ta presenta na boso nos fanatiko nan otro gran prospekto di Korsou ku a firma ku nos.

Awe nos ta presenta na boso Arjun Huerta. Arjun sigur no ta deskonosi pa pueblo di Korsou i sigur no pa siguido nan di Béisbol, mirando ku for edad nan yong Arjun a bin ta forma parti di selekshon di pariba i den varios liga di Little League. Aktualmente Arjun ta sakando kara di Korsou, den divishon 1 di college aya na Merka. Pero komo su kurason ta bati pa Korsou, Arjun a asepta pa join nos organisashon den e kampionato di liga Dobel A di FEBEKO.

Nos sigur ta sumamente orguyoso di por tin Arjun den nos organisashon i ta ansioso pa ku e kampionato aki.

Nos ke invita tur fanatiko i miembro di Royal Scorpions pa sigui nos riba nos red nan social i keda pendiente pa mas informashon, anunsio i varios tremendo aktividat ku tin den tapara pa tur fanatiko i miembro.

A inisiá ku mantenshon na mastnan di iluminashon den Tio Daou

WILLEMSTAD — Ta ku grato plaser nos por anunsiá ku e mantenshon di tantu e mastnan komo e sistema di iluminashon den Tio Daou Ballpark a inisiá.

Ta trata aki di un total di 6 mast di iluminashon di entre 24 i 27 meter ku lo risibí e mantenshon nesesario i di kua lo probechá pa kambia tambe tur e peranan LED ku ta kimá den nan.

E mesun kompania ku a instalá e sistema di iluminashon ta enkargá tambe ku e mantenshon aki ku ta keda realisá kada pasa kuater pa sinku aña.

Ta apliká e sistema di mantenshon aki pa evitá ku e mastnan ta deteriorá demasiado i pone ku mester desmantelá esaki den su totalidat pa por hasi e mantenshon nesesario i konsekuentemente lo hasi e trabounan i e gastunan muchu mas grandi.

Mester remarká ku e trabounan lo ta kla pa e kampionato di beisbòl little league i su serinan di playoff por tuma lugá. Meskos ta konta tambe pa e kampionatonan di beisbòl hubenil, klase A i dòbel A ku lo mira akshon den un sistema di iluminashon kompletamente renobá.

E famoso evento di tur fin di aña ‘baseball week’, ku ta konta ku partisipashon di mayoria di nos  peloteronan profeshonal, tambe ta tuma lugá den Tio Daou Ballpark.

Un primisia tambe ta e echo ku e federashon di beisbòl di Hulanda, KNBSB, tambe ta planiando algun evento relashoná ku e posibel prospektonan i e selekshon di beisbòl di Hulanda ku ta tuma lugá den Tio Daou Ballpark.

Pues sigur lo bira un aña kargá ku basta aktividat atrobe despues di dos aña di no muchu aktividat pa loke ta e deporte di beisbòl. Un danki na tur e patrosinadornan i tambe e boluntarionan ku a i ta dunando un man konstantemente pa nos por mantené Tio Daou Ballpark den óptimo kondishon.

Kòrsou den Honkbalweek Haarlem 2022

HAARLEM, Hulanda — Selekshon di beisbòl di Kòrsou lo ta presente den edishon 2022 di e evento di beisbòl mas grandi di Oropa kual ta Honkbalweek Haarlem. Esaki lo tuma lugá di 8 pa 15 di yüli próksimo den Pim Mulier Stadion.

Despues ku Chinese Taipei pa motibu di restrikshon di covid-19 pa delegashonnan di deporte a kai afó, Kòrsou a keda invitá pa okupá nan puesto den e di trinta edishon di Honkbalweek Haarlem. Selekshon di Kòrsou asina lo remplasá e selekshon ku ta nr. 2 riba e ranking mundial di beisbòl. Huntu ku selekshon di Kòrsou lo partisipá tambe selekshon di Merka, Hapon, Italia, Cuba i Reino Hulandes.

Felt di Post 6 ku felt Ricardo Elhage anfitrion den wikènt karga ku softball Little League Liga Soraida Juliana

Buena Vista Junior ku Souax ta faha pisa ku otro den wega ku ta keda empatá, 5-5.

E pitcher Balentien di Buenavista i Reinita di Souax a faha pisa ku otro den wega ku a tuma lugá djadumingu na felt Ricardo Elhage. Un bon públiko a presensia e wega ku tabata karga ku emoshon. Niun di dos ekipo no kier a baha kabes. Time limit a primi riba e wega. E la bin kaba empatá na 5 den bòm di sexton inning.

Buenavista ta habri e scoreboard i bai ariba den kabez di dos inning 2-0. Souax ta respondé mesora bek den bòm di dos notando un kareda pa kòrta bentaha i keda den e wega 2-1. Buenavista ta amplia i krea distansia notando dos mas den kabes di tres inning. Ku e wega 4-1, Souax ta bons bek mesora den bòm di tres inning, notando unu mas pa kòrta bentaha I keda tene e wega den alkanse. Souax ta logra na tene Buenavista for di score den kabes di kuarto I kinto, miéntras ku nan mes si ta score unu den bòm di kuarto pa bolbe kòrta bentaha un tiki mas. Buenavista ta drenta kabes di sexton inning gana 4-3. Nan ta logra forsa un kareda mas pa hasi e wega 5-3. Mesora Soaux ta bons bek, nota dos pa empatá e wega, 5-5. Time limit a primi riba e wega buta umpire game e wega den bòm di sexto inning, empatá 5-5.

Balentien a bai e ruta kompleto pa Buenavista. E ta tuma 2 hit kontra, regalá 7 base por bola I poncho 8. Su defensa ta kometé 3 pifia. Reinita ta tuma 5 hit kontra, regalá 3 base por bola, poncho 2 I su defensa ta kometé 1 pifia.

Sta. Rosa Junior ta bini bek den un wega pa laga Domi den tereno, 8-9.

Djadumingu mèrdia Domi Junior a presentá na Felt Ricardo Elhage den plan di revancha. E muchanan di coach Alma Hooi a bin desidido pa atendé ku e derota ku Sta. Rosa a propiná e muchanan di domi djabièrnè anochi na Post 6. Domi a duna bon batayá, pero no por a Evita ku den pitu, den e ultimo pida di e wega, ku time limit primiendo riba oloshi, Sta. Rosa ta logra empatá e wega I bai dilanti I laga Domi den tereno. Nan a kai vensí ku score di 9-8.

Sta. Rosa a postulá Elisabeth riba e pitcher’s plate. E la enfrentá Paredes Helmeyer.  Ambos ekipo ta nota for di promé inning. E wega ta drenta kabes di dos inning empatá na 2 kareda. Ambos ekipo ta bolbe score den Segundo inning pa e wega keda empatá 4-4. Domi ta krea un poko distansia ora ku e nota 2 den kabes di terser inning I Sta. Rosa faya den hasi pareu. Domi ta drenta kabes di kuarto inning ku wega 6-4 na su fabor. E ta amplia den kabes di kuarto ku dos mas pa hasi e wega 8-4. Un mixed up den batting order di Domi ku un bateadó ku a bati for di su posishon den kombinashon ku koredó ku ta nota for di tersera pero ku mester bai bek, ta buta ku Domi ta keda ku e score 8-4. Domi ta drenta bòm di sexto ku basta distansia entree nan ku Sta. Rosa, ya sintiendo e viktoria I revancha. Sta Rosa ta logra nan bons bek forma, rally pa 4 kareda pa empatá 8-8 I forsa un kareda mas pa bai ariba 9-8 I laga Domi den tereno.

Elisabeth ta gana e wega. E ta tuma 6 hit kontra, regalá 3 base por bola, i poncha 9. Sta. Rsoa ta kometé 3 pifia. Paredes Helmeyer ta pèrdè e wega. E ta permití 1 hit, regalá 8 base por bola I poncho 6. Domi ta kometé 4 pifia.

Highlights individual di wikènt.

Kay-Lee Reinita ku bon strategia di picheo den wega ku ta keda empatá.

J’Dah Girigori simplemente a ‘outgrow’ e divishon Junior I Senior I ta siguí dominá den su picheo.

No hitter di Scharbaai Buenavista Senior ku ta picha fuerte kontra Sta. Rosa i kaba wega sin permití niun hit kontra.

No hitter di Prince di Buenavista ku ta picha fuerte kontra Sta. Rosa Junior I kaba wega sin permití niun hit kontra.

Bloem di Buenavista Little ta duna 2 inning sin permití hit kontra.

Thaima Maximiliana a lusi ku bunita atrapada den short.

Resultado di wega segun divishon den e wikènt.

Divishon Senior

Scharbaai di Buenavista Senior ku No hitter ta tene Sta. Rosa abou i gana basta fasil, 17-2.

Scharbaai di Buenavista Senior a duna 3 inning di picheo strak pa dominá e ofensiva di Sta. Rosa I bai ku e wega, 17-2. E wega a tuma lugá djabièrnè anochi na Post 6. Un bon públiko a mira kon e ekipo di Buenavista a enkabesá pa picheo di Scharbaai gana Sta. Rosa. Mester apuntá ku e ofensiva di Sta. Rosa simplemente no por a keda kla ku e lansamentunan di Scharbaai. E hóben pitcher Scharbaai no a permití niun hit kontra di dje. E falta di produktividat di e ofensiva di Sta. Rosa a bira nan fatal. Di su banda Buenavista a probechá bon di e base por bola ku e la hanja I a sa di konektá oportuno pa manda nan kas.

Scharbaai ta gana e wega. E no ta permití niun hit, regalá 6 base por bola, I poncho 8. Magenta Bernadia ta pèrdè e wega. E ta tuma 7 hit, regalá 12 base por bola I ponche 3. E kombinashon di 12 base por bola ku 17 pifia den su defensa a bira Sta. Rosa fatal den e wega.

Buenavista Senior ku Scharbaai demasiado pa Sta. rosa, 15-0.

Despues ku Scharbaai a atendé ku Sta. Rosa riba djasabra, djadumingu e ta ripití kontra di e muchanan di pariba. Atrobe su picheo ta resultá di mas pa sta. Rosa. E ta buta nan un banda ku score di 15-0.  Sta. Rosa ta kombiná picheo di Petrona I Nobrega, den un intent pa frena e ofensiva di Buenavista. Nan no ta logra den esaki. Sta. rosa ta kai ku score di 15-0.

Scharbaai ta gana e wega permitiendo 2 hit, regalando 3 base por bola I ponchando 4. Petrona ta habri e wega pa Sta. Rosa. E ta tuma 9 hit kontra, regalá 4 base por bola I poncho 1. Nobrega ta relevá, tumando 1 hit kontra, regalá 4 base por bola I poncho 1. Sta. rosa a kometé 20 pifia.

Souax Senior sin muchu dolor di kabez ku Sta. Rosa, 15-1.

Soaux Senior no tabata niun klase di problema ku sta. Rosa diadomingo atardi na felt Ricardo Elhage. J’dah Giririgori Siliee Alberto ta kombina pa gana Sta. Rdoa fasil 15-1. Petrona ku Martijn di Sta. Rosa a purba kontene Souax. 23 pifia den nan defensa a bira nan fatal.

Girigori ta gana e wega. E no a permnti niun hit kontra, no a regala niun base por bola, i a poncha 5. E la kombina ku Siliee Alberto ku a tuma 1 hit, regala 3 base por bola sin poncho niun. Petrona di Sta. Rosa ta perde e wega. E la tuma 10 hit kontra, regala 8 base por bola I poncho 3. E la hanja yudansa di Martijn ku a tuma 1 hit kontra, rwgala 2 base por bola sin poncho niun.

Divishon Junior

Elisabeth di Sta. Rosa Angels Junior ta pictha fuerte pa sorprende Domi, 15-7.

E ofensiva di Sta. Rosa a sa di buta koredo den sirkuilashon I probecha di pifia tantu mental komo den tiru I atendementu ku tiru na base, pa koere I score kareda riba Domi. E muchanan di pariba a bin sa di gana Domi ku score di 20-7. E wega a tuma luga diabierne anochi na Post 6. E hoben Elisabeth a habri pa Sta. Rosa I bai e ruta kompletu. Mester apunta ku e hoben a kurashi I kurason den su labor riba pitchersplate. Di su banda Domi a kombina 4 pithcer den intent pa hanja grip riba e wega. Paredes Helmeyer a habri, hanja relevo di de Wildt, ku a hanja yudansa di Wanga ku mester a duna e bala bek na Paredes Helmeyer. Pifia den su defensa kombina ku un wante menos sigur di e kejter, a krea oportunidat pa Sta. Rosa a kore riba e kombinashon di pitcher.

Elisabeth a gana e wega. E la tuma 5 hit kontra, poncha 5 I regala 5 base por bola. E kombinashon di pitcheo di domi a tuma 5 hit kontra, regala 14 base por bola I pifia na 17 okashon. E delaster ei a kosta nan control riba e wega.

Reinita ku picheo impekable ta atende Domi Junior, 15-2.

Diasabra mainta na Felt Ricardo Elhage. E hoben pitcher Reinita di Soaux ta enfrenta un ofensiva di Domi ku no a dune masha dolor di kabez. Pero e lokual ku realmente a hunga e pitcher Wanga di Domi un pego, ta e 11 base por bola ku e la regala kombina ku 8 eror di su defensa. E aspekto ei, huntu ku e prestashon menos bon di e ofensiva di Domi kontra di Reinita, a seya e destino di domi den e wega ku a hunga kompletamente riba man di Souax. souax a gana e wega ku score 15-2.

Reinita ta gana e wega. E la permiti 3 hit, regala 1 base por bola i poncha 3. Wanga a perde e wega. E la tuma 11 hit kontra, regala 11 base por bola i poncha 2.

Prince di Buenavista Junior ta pitcha ku fasilidat riba Sta. Rosa I skirbi un mas riba su number, 15-1.

E hoben pitcher Prince di Buenavista Junior no a hanja amsha resistensia di ta. Rosa su ofensiva den e wega ku a tuma luga diasabra na felt Ricardo Elhage. E no a permiti niun hit I a Ghana e wega kus core di 15-1. Shariluska a habri e wega pa Sta. Rosa. E no a hanja respaldo di su ofensiva ku simplemente no por a desifra e lansamentunan di Prince. Su pitcheoi ems tampoko no tabata realmente fuerte. Un kantidat di abse por bola kombina ku eror di e defensa  a bin bira stsa. Rosa fatal. Nan a perde e wega 15-1.

Prince ta gana e wega. E no ta permiti hit kontra, regala 7 base por bola I poncho 8. Shariluska ta perde e wega. E ta tuma 6 hit kontra, regala 10 base por bola I no ta logra poncho niun. 9 eror di su defensa ta kaba di bire fatal.

Divishon Little.

Buenavista Little ta gana Souax 7-0.

Buenavista ta gana Souax 7-0 den wega ku Souax no ta logra sera 9 hungado. Souax ta perde e wega pa default . Buenavista ta hanja e viktoria reglamentario otorga, 7-0.

Buenavista Little sin muchu problema ta gana Souax Little, 15-5.

Coach Nel di Buenavista a kombina picheo di Juliana I Bloem pa kita Souax for di man. Buenavista ta gana e wega basta fasil, 15-5. Juliana a permiti 2 hit kontra, regala 6 base por bola I poncha 2. Bloem no a permiti hit kontra, no a regala niun base por bola I poncho 2. Passial a perde e wega. E la tuma 7 hit kontra. Regala 12 base por bola I poncho 5. 13 eror di su defensa a bire fatal.

Andrelton Simmons ta Kuminsá Temporada Leshoná

CHICAGO, IL – Andrelton Simmons a sufri un leshon na su skouder i a keda pone riba lista di hungadó leshoná pa e ekipo di Chicago Cubs. Simmons a keda pone riba lista di hungadó leshoná pa 10 dia ku inflamashon na su skouder drechi. E adishon na e lista di hungadó leshoná di Simmons ta retro-aktivo na kuater di aprel. Esaki ta hasi Andrelton disponibel bek pa e ekipo di Cubs despues di 13 di aprel.

Buenavista ku un Bon Fin di Siman na Aishel Hooi Ball Park Mientras ku Soto ta Presta Bon Dilanti di su Mes Publiko

WILLEMSTAD — Publiko a sinta riba punta di banki, bibando den un wega ku niun di dos ekipo no kier a baha kabez pa otro.  Soto a pusha pa keda dilanti den un wega ku Buenavista a keda hala rosea den nan garganta. Soto a konta net ku e break ku a duna nan edge den e wega. Nan a bin gana 5-3 na fabor di Soto.

Diasabra mainta. Un solo briyando na un shelu, sin ningun nubia pa strobe e rayonan yega tera. Na oskashon kimando e muchanan sin miserikordia. E no a strobe e desempenjo di ambos ekipo. Soto a hunga dilanti di su mes publiko. Coach Aishel Hooi a postula Shudaishely Hooi pa habri e wega. E la topa un ofensiva di Buenavista ku a lucha pa mishi ku sub ala. E hoben a mustra bon velosidat I control. Kedando den serkania di e skina di plato, sin ta muchu frnako ku su lansamentu. Di su banda, Buenavista a duna Taynise Prince e resposnablidta riba e pitchersplate. E hoben a picha ku konfiansa I konviskhon. E tabata relamente skerpi den su lansamentunan, ku bon velosidat I un control ku tabata remarkable. Kisas kualke otro dia, na kualke otro parke, e lo a bai kas ku e viktoria. Pero diasabra e la topa un Soto inspira I desdidio pa gana dilanti nan mes publiko. Esei kisas tabata e diferensia den e wega ku ambos ekipo a mustra bon defensa I bon konosementu di wega.

E wega a bai 7 inning kompletu, kedando kla denter di e time limit. Soto a Sali bai ariba I Buenvista a psuha hopi pa bin empata e wega. Ku e wega 3-0 na fabor di Soto, Buenavista ta buta dos den sirkulashon. Ku koredornan den posishon di nota, ta bin un roletaso fuerte pa e area meiimei di felt. E tiru pa primera ta resulta denun overthrow ku ta drenta dugout. E bala ta dal asina duroe I rebota asina lihe bin bek den man di e primera base, ku apenas wowo di publiko por a sigi esaki. E koredornan a bula riba base I e kareda di empate ta nota.  A surti un diskushon ora ku coach di Buenavista un overthrow a resulta den dugout I a buta e wega empata na 3. Despeus di a analsiaa e situashon, e umpire a manda un koredo bek tersera, limitando e kantiodat di koredor ku a skore. Ku e wega 3-2 I Buenavista kresiendo, hooi ta hanja su kompustura I ta Sali ford I e inning ponchando e bateador. Soto mesora ta nota dos kareda mas pa hasi e wega 5-2. Buenavista ta p[usha 1 kareda mas, pero no ta logra surpasa e diferensia I ta bin ka ku score di 5-3 den bom di septimo. Un bon wega kKonforme e regla, e umpire a otorga e koredo un base, limitando e kantidat di abse ku e koredor por au a kaba ku score di 5-3 pa Soto.

Resultado di otro weganan.

2 wega den Senior League ku Buenavista I Souax ganando nan weganan.

Den Senior Leageu Buenavista ta gana Sta. Rosa ku score di 13-1 I Soaux ta gana Sta. Rosa 15-0.

2 wega di junior.

Buenavista ta gana di Domi ku score di 15-2.

Soto ta gana Souax 8-2.

2 wega den Little ku Buenavista ganando trur su dos weganan.

Den Little Buenavista ta gana Sta. Rosa 19-8, Buenavistya ta gana Souax 11-2.

Resultado Torneo 70 Aña CSB

WILLEMSTAD — Den e final di e torneo 70 aña CSB Pichigolo ta bin di atras i anota 4 kareda den nan ultimo turno na bate pa supera Sta Rosa Angels ku skore di 6 pa 5 den un bon wega.

Pichingolo : 6 kareda 9 hit 5 eror
picher ganador Julise Koffi
Miho Bate Michenou Marselia 3-2
Sta Rosa 5 kareda 4 hit 6 eror
Picher perdedor : Suheydi Faneyt
miho bate : Ruthshains Henriquez 3-1

Den e kategoria 35 plus Treasure ta derota Nos Goso ku skore di 11 pa 10
Treasure : 11 kareda 10 hit 4 eror
Picher ganador Suyenne Otto-Apostel
miho bate Geselne C A Kerindongo 2-2
Nos Goso 10 kareda 10 hit 6 eror
picher perdedor : Emely Jonis
miho bate : Yoyceline Arnhem 2-2

Direktiva di CSB ke gradisi tur hende ku a kopera , espeshalmente e ekiponan

Nos ke rekorda ku awe 28 di Mart 2022, lo bai tin e misa pa gradisi Dios pa e 70 aña nan di CSB e lota na Misa di Buena Vista 18:30 hrs

Historia di Sòftbòl na Kòrsou

WILLEMSTAD — Curaçaose Softballbond (CSB) a wòrdu fundá 17 di mart 1952 pues CSB ta eksistí pa 69 aña Curaçaose Softballbond (CSB) a wòrdu fundá 17 di mart 1952 pues CSB  ta eksistí pa 69 aña kaba. Durante di e tempu aki e federashon di sòftbòl a krea hopi historia. Clovis Lodewijks ta e persona ku a funda Curaçaose softbalbond i tambe e tabata presidente pa un tempu largu,  te aña 2003.Tambe e tabata tin e funshon di vise presidente di e Federashon di Sòftbòl Internashonal. Ku hoy en dia a bira WBSC.

Den un entrevista ku  Ami ku Ties Cleven a hasi 20 di yanüari 2017 na Clovis Lodewijks, Clovis ta papia tokante softbol ku hopi pashón i alegria i e ta bisa ku federashon di sòftbòl ta un federashon kaminda tur hende ta bonbiní.

Promé ku Clovis a funda e federashon di sòftbòl, e tabata aktivo den e mundu di futbòl di Korsou. E tabata por èhèmpel e fundadó  i e presidente di e klup di Centro Dominguito i e sekretario di Curaçaose Futbol Bond.

Den e temporada ku Clovis a introdusí sòftbòl aki na Kòrsou, tabata tin solamente 6 ekipo pero después di 5 aña tabata tin 40 ekipo kaba i na e momentunan aki tin 16 ekipo.Kual ta Sta.Rosa Angels,Pichingolo,Souax,Fenix,The Fighting Team,Dream Team,Clase Aparte,Suffisant Eagles,Soto,The Eagles,Dream Girls,The Champs,Rising Trotters,Vipers i The Fire.

Na aña 1969, Clovis a bai Merka.  Einan el a sòru pa Antia Húlandes forma parti di Federashon di Sòftbòl Internashonal.Pues for di 1969 nos a wòrdu rekonosé internashonalmente komo un país ku ta praktiká sòftbòl. 

Ami a join CSB den anja nan nobeta i a sinja konosi ku Clovis. Clovis a sinja mi hopi kos.

Un di kosnan ku Semper mi ta korda ta ku e duna tarea pa kumpli kune. Ami Semper a keda gradisi na su gia i siñasa.

Pa sofbol di Korsou no lubida Clovis nos a intrudusi e Kopa Clovis Lodewijks ku lo bai pa e ganador di remporado regular.

KU esaki nos ke jama Clovis danki i ku Semper e lo keda den nos Kurason.

1.2 Reglanan di sòftbòl na Kòrsou ta tradusí na papiamentu?

Na momentu ku a funda CSB tabata hunga sòftbòl ku e reglanan ofisial di sòftbòl ku tabata na Inglés.Na aña 1934, e komishón di regla di sòftbòl na Merka a traha huntu pa krea un konhunto di reglanan di sòftbòl i e nòmber di e buki tabata The official rules of softball.A hasi uso di e buki di regla aki te ku 2013 aki na Kòrsou.

Na aña 2014, Julius Oscar Hellburg, konosí bou di e nòmber di kariño “Maracucho” a tradusí e buki di regla na papiamentu. Julius Oscar Hellburg a nase na Maracaibo,Venezuela 9 yüli 1930 i a fayesé 2017.Maracucho tabata un umpire sertifiká internashonalmente pa mas ku 50 aña, el a empaña mas ku 12000 wega i el a empaña na mas ku 20 pais.Julio ta generalmente konosí komo e umpayer prinsipal di ISF(International Softball Federation) den Caribe i latino Amerika.

Maracucho ta deklará, aprel 2015, den su buki di regla ku hopi difikultat den su trayektoria den deporte di sòftbòl na Kòrsou, Aruba i Boneiru, el a eksperimentá den konosementu i komprenshón di reglanan di sòftbòl serka gran parti di deportista,esaki a stimulé pa tradusí na e Reglanan ofisial di Sòftbòl di Federashon Internashonal di Sòftbòl “ISF” na papiamentu.Semper el a mantené e pensamentu ku pa ta bon atleta, wes di wega, dirigente deportivo i asta fanatiko, ta nesesario pa tin (sierto) konosementu di reglanan di e deporte ku ta ser praktiká, dirigí òf simpatisá. E  reglanan di sòftbòl aki, den e lenga ku nos mayornan a buta den nos boka, lo kontribuí na un mihó komprenshon i konsekuentemente na un desaroyo kualitativo i kuantitvo di deporte di sòftbòl, espesialmente bou di nos hóbennan. Maracucho su lastu palabranan tabata ku di mes manera e ta spera humildemente ku e aporte chikí di dje aki, lo kontribuí grandemente den desaroyo di sòftbòl na Aruba, Boneiru i Kòrsou.Esei ta su deseo.

Loke tabata remarkabel di buki di reglanan ofisial di sòftbòl na papiamentu, ta ku mi por a komprondé i visualisá e reglanan mas miho komo ku papiamentu ta mi idioma materno. Loke a hala atenshon den e buki ta ku basta terminonan di wega manera “strike”, “fly”, “home run”, “fair”, “safe” etc a ta adaptá na nos pronunsiasahon i ortografía fonológiko, por èhempel: straik, flai, homùrn, fèr, seif.Maracucho a menshoná ku e motibu pa esaki ta pa okashoná ménos konfushon den e tradukshon di inglés pa papiamentu i esaki por kambia e loke ta ekspresá, kisas asina tantu, ku e sentido den kua ta eksperimentá ambiente, esensia di e wega lo por bai pèrdí.Pues pa no pèrdè e relashon i signifikashon di e terminología na inglés.Pues abase di esaki nos por konkluí ku Maracucho a pone e prome pasonan pa tradukshon di terminologianan di otro idioma ku ta usa den sòftbòl. Pa medio di esaki otronan por a sigui tradusí  reglanan aki.Pues e reglanan di sòftbòl ta tradusí na papiamentu.

Braves ta Firma Kenley Jansen

ATLANTA, GA – E ekipo di Atlanta Braves a anunsiá awe ku e organisashon a firma picher Kenley Jansen na un kontrakt di un aña balorá na $16 mion.

Jansen, 34, a finalisá ku 38 wega salba I 2.22 ERA den 69 wega aña pasa ku e ekipo di Los Angeles Dodges. E picher di Kòrsou tabata na di dos lugá tras di solamente Mark Melancon di San Diego ku su 38 wega salba.

Jansen a partisipá den All-Star Game na tres okashon, 2016, 2017 I 2018. E tin 350 wega salba den su karera di mas di 12 temporada den Liga Grandi I for di su debut den 2010 solamente Craig Kimbrel (372) tin mas wega salba ku Jansen.