E. Evertsz, redaktor pa Deporte Awe

February 11, 2016

Nominadonan di FDOK pa Elekshon Deportista i Dirigente di Aña 2015

WILLEMSTAD — Federashon Deporte i Olímpiko Kòrsou ta tene e premiashon anual di su Atletanan, Dirigentenan, Wes, Ekipo i Nobato di aña ku a destaká durante aña 2015 djasabra 27 di febrüari 2016.

Aparte di esaki e atletanan (Maskulino i/o femenino-adulto i/o hubenil) ku a destaká den nan respektivo ramo di deporte lo risibí un medaya di rekonosementu di Federashon Deporte i Olímpiko Kòrsou.

E seremonia di premiashon Io tuma lugá den Ballroom di Hotel Hilton Curaçao situá na John F. Kennedy Boulevard Piscaderbay, kuminsando pa 20:00’or.

NOMINADONAN PA ELEKSHON DI DEPORTISTA/DIRIGENTENAN AÑA 2015 FDOK:

KATEGORIA-/NOMBERNAN:	FEDERASHON:
01. Dep. Hubenil FEMENINO:.
Esmay York	FED. AQUATIKO KORSOU
MENA, Ailén	FED.AGEDRES KORSOU
Joanna Benita	CUR. ATLETIEK BOND
Sarinah Maduro	TENNIS FEDERATION CUR.

02. Dep. Hubenil MASKULINO:
Gianluca Beaujon	TENNIS FEDERATION CUR.
Mekhayl Malik Jules Engel	FED. AQUATIKO KORSOU
Yohance Valks	CUR .ATLETIEK BOND
Jean Paul da Silva de Goes	CUR. SAILING

03. Dep. Senior FEMENINO:
Shurdelys Annette Andrea Meulens	FED. VOLIBOL KORSOU
Samantha Statie	FED. FUTBOL KORSOU
Nargelis Statia	CUR. ATLETIEK BOND

04. Dep. Senior MASKULINO:
Derwin Emanuel Colina	FED. VOLIBOL KORSOU
Ashar Bernardus	FED. FUTBOL K0RSOU
Regis Loo	CUR. BODYBUILDING & FITNESS FED.
Dimitri Juliet	CUR. ATLETIEK BOND

05. Dirigente Atministrativo:
Glenda Bridgewater-Cannegieter	FED. VOLIBOL KORSOU
Eric Fraay	FED. FUTBOL KORSOU
Willem Cordilia	CUR. ATLETIEK BOND

06. Dirigente Tekniko:
Nazario Martijn	FED. AQUATIKO KORSOU
Raymond van Gurp	FED. BEISBOL KORSOU
Ingemar Pieternella	FED. FUTBOL KORSOU

07. Nobato di Aña:
Anais Gabriela Leonarda Conradus	FED. VOLIBOL KORSOU
D’Jeandro Philip Peny	FED. TAEKWONDO KORSOU
David de Wolf	FED. YUDO KORSOU

08. Wes:
Ingrid van der Hilst	FED. TENIS DI MESA KORSOU
Cheryll Petrus Rojer	FED. VOLIBOL KORSOU
Rudy Antonie Josepha	CUR. .ATLETIEK BOND

09. Ekipo di Aña:
Typhoon Swimmers	FED. AQUATIKO KORSOU
Stakamahakchi Guardian Group	FED. VOLIBOL KORSOU
Centro Dominguito	FED. FUTBOL KORSOU

February 8, 2016February 8, 2016

Sharnol ‘Pachito’ Adriana lo ta koach den Liga Menor ku e organisashon di Texas Rangers

MERKA — Despues di hopi aña laborando ku ekiponan di beisbòl profeshonal na Mexico tantu komo pelotero i despues komo dirigente, Sharnol ‘Pachito’ Adriana ta bai laborá awor den beisbòl profeshonal na Merka. Segun e ekipo di Texas Rangers a revelá, Sharnol lo ta koach ku e ekipo di Dobel A Frisco RoughRiders. E organisashon di Texas no a bisa ainda e rol spesifiko ku Sharnol lo tin komo koach. Pero promé ku Sharnol a uni ku e ekipo di Frisco RoughRiders e tabata sirbi komo koach di bateo di e ekipo di Yaquis de Obregon na Mexico.

February 8, 2016

Roger Bernadina a firma ku New York Mets

MERKA — E ekipo di New York Mets a anunsiá ku nan a firma un kontrakt di Liga Menor ku invitashon pa Spring Training ku e outfielder veterano, Roger Bernadina. Temporada pasa Roger no a hunga den Liga Grandi pero tabata tin un bon temporada den Tripel A ku e ekipo di Albuquerque Isotopes. Akinan e pelotero di 31 aña a logra un promedio di .276 ku 15 honron, 66 kareda empuha i 20 base roba.

February 8, 2016

Churandy Martina ta klasifiká pa Mundial Indoor igualando rèkert nashonal Hulandes

ALEMANIA — Churandy Martina den e kompetensianan di indoor na Karlsruhe, Alemania djasabra último a logra kore e tempu límite pa Mundial Indoor riba 60m den luna di mart próksimo na Portland, Merka. E tempu limite pa Mundial Indoor riba 60m tabata di 6.64 sekònde miéntras ku Churandy a kore un tempu di 6.60 sekònde. Ku e tempu aki, Martina a iguala e rèkert Nashonal Hulandes di 60m indoor tambe. E rèkert Nashonal Hulandes tabata riba nomber di Brian Mariano ku a logra esaki den e kampionato Europeo na Paris den aña 2011.

February 2, 2016

“Blackout” y “Rafik” di Kòrsou ta hasi historia na Gainsville

WILLEMSTAD — Siman pasa e outo Extreme Import di Kòrsou “Blackout” a marka historia na e pista di Orlando Speedworld awèl e fin di siman tras di lomba un historia nobo a keda skirbi na e pista di drag mas importante di Florida ku ta na Gainsville.

Ta momentu ku mester a kore e final di e kareda di dia ku e outo Mazda RX-8 “Blackout” propiedat di Leonard Van Rump, mihó konosí komo “Peter di Master Painting” y manehá pa driver y tuner Abel Burgos di Abel Performance mester bai enfrentá e outo Mazda RX-8 “Rafik” propiedat di Michael Eddine manehá pa Carlos Gonzales di tune pa Wilbert Performance i crew chief y mapping editor pa e yu di Kòrsou Dennis Brouwer aya na Gainsville, Florida.

Den e final aki ku 2 outo di Kòrsou ku nan bandera nan di Kòrsou ta hasi historia aya na Gainsville.

E outo “Blackout” ku Abel Burgos a bai ku e viktoria pa 2 siman konsekutivo i na di 2 lugá a keda e otro outo di Kòrsou “Rafik” ku Carlos Gonzales tras di stür.

Di otro banda tambe a kuminsá e testing di e outo Pro Mod na pista di Bradeton na Florida.

E outo ku bandera di Kòrsou koriendo aya ku ta “King Kong 6” manehá pa e damita Lizzy Musi bou di guia di su tata Pat Musi, tambe a hasi algun pas’é.

Ainda mester hasi algun ahuste pa asina kuminsá e kampaña di PDRL 2016.

FAC y práktikamente Kòrsou kompletu ta kontentu ku e logro aki ku e outo “Blackout” y “Rafik” ku ta kore ku e nòmber y ku e bandera di Curaçao / Kòrsou aya na e pista nan di Merka.

Danki ta bai na Auto City, ARPO Body shop, EMS Dyno, AVF Antiliaanse Verf Fabriek, Star Motors, Curoil, Monster, Napa Auto & Truck Parts, Alcolado Glacial, Kuzeta, IEPA Agencies ku LS2300.

Pa mas informashon y foto di e aktividat di Real Street Legal, Ronde Klip Shootout y kareda nan lokal i internashonal por bishita nos website nan ofisial: www.curacaodrag.com, www.dragactioncuracao.com, www.tcobcur.com, www.adrena-zine.com, www.rpmaruba.com, www.racejunkies.com, www.radicalcompetition.com www.exoticboost.com huntu ku nan página di FaceBook y tambe riba FaceBook like page di BoyzToyz i speedoutlawscuracao speedoutlawscuracao i exoticboostcuracao i exoticboostaruba i Real Street Outlaws.

January 31, 2016

Resumen: Seshon final den korte FDOK kontra IOC

WILLEMSTAD — Dia 20 i 21 di yanüari e último “hearing” tabata riba programa den korte na Lausanne.

Un delegashon di FDOK – sr. R. Bottse (hurista/konsehero), sr. R. Persaud (sekretario FDOK/konsehero) i sr. R. Francisca (presidente) tabata presente na Lausanne Suisa. Esaki tabata programá komo e seshon final, den e kaso kontra Komité Olímpiko Internashonal (KOI) pa rekonosé e organisashon olímpiko di Kòrsou (FDOK).

Den e seshon di 20 di yanüari 2016 den korte, e hues, a tende separadamente testigunan sr. Francisca i sr. Persaud ku a dura kasi 2 ora. Nan a kontesta preguntanan di wes i tambe di ámbos partido. E preguntanan tabata na franses i tradusí pa un traduktor na ingles. A kontestá na ingles i wes por sierto un señora, tabata risibí tradukshon na franses.

Tur dos testigu a keda interogá intensivo i hopi severo. Tin ku bisa ku den e seshon aki por a ripará ku nos delegashon tabata hopi bon prepará mirando e manera kon tabata kontesta pregunta di IOC i wes .

Atardi e promé testigu di IOC a keda kuestioná. Diskushonnan hopi fuerte a tuma lugá entre partidonan. Despues di atendé e promé testigu di IOC, hues a pidi pa ámbos partido bai sinta na mesa i purba haña otro i yega na un akuerdo dentro di un siman.

Riba konseho di nos abogadonan a bai di akuerdo pa hasi esaki i a posponé e hearing. E siguiente dia 21 di yanüari, delegashon di FDOK huntu ku nos abogadonan, a traha i a formalisá un proposishon ku a manda pa IOC.

E proposishon básikamente ta similar ku e akuerdo anterior di 14 di òktober 2014 ku FDOK a firma ku IOC, pero ku IOC no a logra duna kontenido real na puntonan akordá.

Riba e mesun dia a manda e proposishon pa IOC i nan a primintí un kontesta dentro di 7 dia.

Den kaso ku IOC no kontestá o no firma, lo informá wes pa kontinuá ku e kaso.

Den kaso ku firma i IOC no kumpli ku e kontenido di akuerdo, lo informá wes pa kontinuá ku e kaso.

Entretantu, djárason 27 di yanüari direktiva di FDOK a tene un reunion informativo primeramente pa federashonnan miembro. Djaweps a tene un rueda di prensa pa informá komunidat i awor a saka un komunikado.

FDOK ta yama danki na komunidat en general, mundu di deporte en partikular ku ta bibando ku e kaso. Un danki spesial na Gobièrnu di Korsou ku ta kumpliendo kabalmente ku ehekushon di moshon unánime di parlamento pa sostené FDOK den e lucha hustifiká pa Korsou por partisipá den kompetensia internashonal i tambe Weganan ku su propio bandera i himno, meskos ku Aruba i Ulanda.

January 27, 2016

“Blackout” nr. 4 den Tòp 10 di mundu a pone nos bandera na laira

WILLEMSTAD — Durante e fin di siman tras di lomba a kore e promé evenementu di drag racing di aña na Orlando Speedworld na Orlando, Florida.

Tur preparashon a tuma lugá riba e outo “Blackout” propiedat di Leonard Van Rump, konosí aki komo Peter di Master Painting. Ku su spònser Fuel Tech a sòru pa tur kos ta na lugá. E mekániko i alabes driver Abel Burgos di e shòp Abel Performance a hasi tur e trabou nan, pa asina duna un mihó presentashon e aña aki.

Aña pasa e outo “Blackout” a kore aki na Kòrsou desèmber den e evenementu di Curaçao Extreme Finals 2015 i a gana den e kategoria di Extreme Imports.

Primeramente “Blackout” a kore gana tur su kareda te na momentu di kore e final di e anochi kontra di e Toyota Starlet ku motor 13B rotary “La Lleana” manehá pa un tòp shofùr nan di Puerto Rico Juanchi.

“Blackout” ku Abel Burgos a gana e promé kareda di 2016 komo kampion ku un tempu di 6.96@172 MPH y runner up “La Lleana” ku un tempu di 7.11@189 MPH.

Durante e di 2 buèlta di kualifikashon “Blackout” a marka su rekòrt personal nobo na 6.808@201 MPH.

Den e di 2 buèlta di eliminashon ganando e Mazda RX-7 promé generashon “Chapita” ku a kore un tempu di 7.83@135 MPH y mester a mira e scoreboard di “Blackout” ku Abel Burgos a sende pa un rekòrt personal y na mes momentu pa mehorá su posishon riba e tabla na number 4 den e 10 mihó nan di mundu ku motor rotativo 13B ku un tempu di 6.788@200.62 MPH.

FAC y práktikamente Kòrsou kompletu ta kontentu ku e logro aki ku e outo “Blackout” ku ta kore ku e nòmber y ku e bandera di Curaçao / Kòrsou aya na e pista nan di Merka.

Danki ta bai na Auto City, ARPO Body shop, EMS Dyno, AVF Antiliaanse Verf Fabriek, Star Motors, Curoil, Monster, Napa Auto & Truck Parts, Alcolado Glacial, Kuzeta, IEPA Agencies ku LS2300.

January 27, 2016

Delegashon di Bich Volibol di korsou ta klasifika pa terser buelta di Continental Cup

WILLEMSTAD — E selekshon di bich volibol konsistiendo di Henrich Daal,Giandro Tokaay, Derwin Colina i Norandy Bonafasia ku a partisipa na e “Continental Cup Beach Volleyball” di Norceca (Confederacion Norte Centro Americano i Caribe) na Castaway Beach, Antigua, a sa di logra klasifika na di 4 luga den e torneo lokual outomatikamente a pone ku nan ta sigui pa e di 3er buelta.

Ademas di nos selekshon a logra klasifika Trinidad and Tobago, Jamaica I US Virgin Islands. E 4 selekshonnan aki proksimamente mester bai kompeti ku e 4 selekshonann di Sentro Amerika pa defini e ekiponan ku lo bai e ultimo buelta di Continental Cup Norceca.

Manera konosi e selekshonnan ta kompeti pa un puesto pa Rio 2016. Aunke ku Korsou no por partisipa na e weganan Olimpiko na Rio e klasifikashon ta sirbi pa e ranking den Norceca.

January 27, 2016

selekshon di futsal Korsou a klasifiká pa e buèlta final di eliminatorio kampionato mundial Futsal di FIFA

WILLEMSTAD — Manera ya ta konosí nos selekshon nashonal di futsal a gana tur nan tres partidonan durante e promé buèlta di e torneo di futsal di CFU aya na Cuba i a kaba komo number 1 den nan pul. Ku e resultado aki nos selekshon a klasifiká pa e buèlta final di e torneo di futsal di CONCACAF ku lo tuma lugá na Costa Rica di 8 pa 15 di mei próksimo.

Nos selekshon ku e selekshon di Cuba ta e 2 ekipo di Karibe ku a klasifiká pa e siguiente buèlta di e torneo di futsal aki miéntras un di 3 ekipo tambe lo por klasifiká, si nan sali viktorioso di e partidonan di ‘play-off’ ku lo tuma luga na Costa Rica riba dianan 5 i 6 di mei.

Ayera nochi, nos selekshon a enfrentá e fuerte selekshon di Cuba aya den Sala Polivalente Kid Chocolate (Cuba) kaminda nos selekshon a kai vensí i a perde ku e skor di 5-0. Ku e resultado nos a keda komo e supkampion di e torneo aki.

Mester remarká ku ta promé bia ku nos selekshon di futsal a partisipá na e eliminatorio pa mundial Futsal di FIFA i nos ta sumamente kontentu i orguyoso ku e tremendo trabou ku nan a bin ta desplegá. Nos selekshon lo regresá Kòrsou fin di siman i mes ora trainingnan lo kontinuá den ful swing pa asina nos logra klasifiká i sigui pa e mundial di Futsal di FIFA ku lo tuma lugá na Colombia den luna di sèptèmber.

Nos selekshon nashonal di futsal ta konsistí di un grupo di 10 hungadó ku ta wòrdu dirigí pa Sr. Kenneth ‘Bob’ Bernabela ku ta e direktor tékniko di e selekshon aki i Sr. Jubinald Martis ku ta e asistente di e direktor tékniko.

Tambe ta biaha huntu ku e selekshon Sr. Luthson Reenis ku ta esun enkargá ku e materialnan di e selekshon, un fisioterapista kual ta Sr. Sander Schelling i e hefe di delegashon ku ta Sr. Alexander Molina, miembro di direktiva di FFK.

Nos selekshon ta konsistí di e siguiente hungadónan:

Ashar Bernardus
Gino Costina
Shurwendel Roosje
Everon Espacia
Jarzinho Pieter
Rudrick Pop
Germaine Geerman
Jean Pauletta
Stallone Isenia
Reginald Martina

January 25, 2016

Selekshon Nashonal di Futsal den final mañan

WILLEMSTAD — Despues ku nos selekshon di nashonal di futsal a biaha pa Cuba, 18 di yanüari último pa asina representá Kòrsou na e torneo di futsal di CFU, nan a klasifiká pa e partido final ku lo tuma lugá, 26 di yanüari. Esaki despues di a gana tur 3 partido durante e promé buèlta di e torneo aki.

Den nos promé kompromiso kontra Guyana, nos a sa di gana Guyana ku e skor di 5-2. E golnan a keda anotá pa Everon Espacia (2x), Ashar Berbardus, Rudrick Pop i Shurwendell Roosje.

Den e segundo kompromiso nos selekshon atrobe tabata superior i a derotá Antigua & Barbuda ku e skor di 5-0. E golnan a keda anotá pa Ashar Betbardus (2x), Everon Espacia (2x) i Shurwendell Roosje.

E di 3 i último partido a terminá ku e skor di 3-2 kaminda nos selekshon un bia mas a saka kara i a gana di Trinidad & Tobago. E golnan keda anotá pa Ashar Benardus i Jean Pauletta (2x).

Ku e tremendo resultadonan aki nos selekshon ta klasifiká komo number 1 den su pul, pa sigui pa e segundo buèlta di e torneo aki ku lo tuma lugá na Costa Rica. E partido final pa determiná e puesto di klasifikashon pa e siguiente buèlta lo tuma lugá 26 di yanüari.

Weganan Final:

Fecha

Tim A

Tim B

Ora

Lugá

26-01-2016

GanadóGrupo 1(Korosu)

GanadóGrupo 2(Cuba)

7:30 PM

SalaPolivalenteKidChocolate

(Cuba)