WILLEMSTAD — Riba 11 di aprel proksimo, klup di ahedres Capablanca ta ranka sali ku su di tres edishon di su torneo eliminatorio Survival. E dos edishonan anterior a atrae hungadonan fuerte ku a krea hopi tenshon i emoshon.
Den e edishon anterior, Vaibhav Bedi a logra kita e korona di Kyle Vervuurt i bira kampion. E aña aki tambe e torneo ta pinta pa bira hopi interesante, pasobra Vaibhav Bedi lo bolbe partisipa pa defende su titulo.
E Torneo Survival tin un formato uniko i atrakivo: hungadonan ta keda elimina di e kompetensia, asina ku nan perde dos punto. Esaki ta sigui te ora keda esun ku gana. Banda di su premionan, e ganado por keda tambe ku e trofeo rotativo un aña largu.
For di aña pasa tin un premio efektivo tambe ku Right Side Car Rental ta sponser.
Tur ahedresista lokal ta keda invita pa partisipa na e reto interesante aki.
Inskripshon ta kosta xcg 20 i ta pasa via klup di ahedres Capablanca. Pa mas informashon, por tuma kontakto ku presidente di klup Capablanca, sr. Rigal Berroa riba number di telefon 511-2006.