WILLEMSTAD — Federashon Biar Kòrsou ta kontentu i orguyoso di por a inisiá e temporada 2026 ku e tremendo evento ‘Sharky’s Curaçao Classic’ su promé edishon.
Un total di 25 biardista a partisipá i disfrutá durante tres siman di bon biar i ku a kulminá djasabra último . Ata aki un resúmen di e 5 disiplinanan ku a keda hungá durante di e evento.
• Den bola 10 kampion a keda Shamir Tremus i sup kampion Barat Ibrahim.
• Den Bankpool kampion Shamir Tremus i sup kampion Richinello Fransisca.
• Bola 8 kampion Shamir Tremus i sup kampion Richinello Fransisca .
• Den Rotation (61) kampion Barat Ibrahim i sup kampion Shamir Tremus
• One Pocket kampion a resultá sin ningun duda Shamir Tremus i sup kampion Richinello Fransisca.
Ku e resultadonan ariba menshoná i ku un total di 940 punto akumulá, Shamir Tremus a keda koroná komo “Master of the Table”. Ibrahim Anthony a finalisa na di dos lugá ku 625 punto, siguí pa Richinello Fransisca ku a finalisá na di tres lugá ku un total di 610 punto.
Tabata spònser di e evento Sr. Clarck “Sharky” Bloom ku a hasi entrega di e premionan. Un biaha mas Federashon Biar Kòrsou ta gradisí e spònser i tambe tur e biardistanan ku a partisipá na e magno evento pa habri aña 2026.