WILLEMSTAD – Tremendo siman di torneo Federashon Biyar Korsou tabatin. 24 biardista a bataya pa e titulo di kampion tour bola 9. Tur esaki a tuma lugar na e sede di Febiko , Poolarena , aya na Gosieweg.
Bon partidonan di pool a keda hungà y sigur un di nan ku a hala atenshon ta di Shonri Jacobino . E mener aki di 97 anja a sorprende un miembro di nos ku ta kanades Rupert Coffen , ku ta miembro di Liga di Ontario.
Shonri a duna e mener aki su promè derota ku skor di 7 pa 4 . Tremendo partido nos por a goza di dje . Den enkuentronan di semifinal Fauzi Halaby ta gana di Shamir Tremus 7 pa 2 y Richinello Francisca ta sali viktorioso ku skor di 7 pa 1 riba Nazeer Approo.
Un final perta perta ni Halaby ni Francisca no kera baha kabes . Pero na final tabata Nello ku a gana 7 pa 6.
Na puesto 3 a keda Shamir Tremus y Nazeer Approo.
Puesto 2 Fauzi Halaby y kampion tour bola 9 Richinello Francisca.
Federashon Biyar Korsou ta sigi un bes aki ku mas evento promè ku anja 2025 termina , keda pendiente.