WILLEMSTAD — Kòrsou ta prepará pa risibí lídernan prominente di deporte mundial durante e Asamblea General di Caribbean Association of National Olympic Committees (CANOC), ku lo tuma lugá dia 17 i 18 di òktober 2026 na Kòrsou.
Entre e personalidatnan internashonal ku a konfirmá nan presensia ta figurá:
- S.E. Sheikh Joaan bin Hamad Al-Thani, Presidente di Olympic Council of Asia.
- Donald Rukare, Presidente di Commonwealth Sport.
- Captain Husain Al-Musallam, Presidente di World Aquatics.
Na òktober di 2025, Presidente di FDOK, Christine Dania, a logra sigurá e oportunidat pa Kòrsou ta anfitrion di e Asamblea General aki, un paso importante den e vishon pa posishoná nos isla den mundo deportivo internashonal.