WILLEMSTAD — Ku un retraso di buelo di 1 dia pa motibunan tékniko, djaluna 20 di yüli e ekiponan U14, U16 i U18 di Women Basketball Association of Curaçao (WBAC) a sali pa Hulanda pa partisipá na e torneo final di Hulanda su kampionato hubenil femenino di basketbòl 3-kontra-3.
E programashon lo kambia un tiki pa motibu dje retraso, pero durante un siman promé ku e dia dje torneo, lo train i partisipá na diferente workshop tékniko i atministrativo organisá pa e bònt di basketbòl Hulandes (NBB). Esaki sigur lo ta positivo pa desaroyo di e basketbòl lokal pa mucha muhé.
E torneo mes lo ta henter dia riba djasabra 25 di yüli na Bijlmer Arena.