WILLEMSTAD (DA) — Un delegashon di 37 atleta lo representá Kòrsou na e XXV Weganan Sentroamerikano i di Karibe, ku lo tuma lugá na Santo Domingo, Repúblika Dominikana, for di 24 di yüli te ku 8 di ougùstùs 2026.
Federashon Deporte i Olímpiko Kòrsou (FDOK) a anunsiá e delegashon, ku lo kompetí den diferente disiplinanan deportivo durante e evento multideportivo regional.
E edishon di 2026 ta e di 100 aniversario di Centro Caribe Sports, e organisashon regional enkargá ku organisashon di e Weganan Sentroamerikano i di Karibe.
Jayen Viscain i Jayden Loran lo representá Kòrsou den natashon, bou di guia di coach Reginaldo Brizuela. E kompetensianan di natashon ta programá pa tuma luga for di 28 di yüli te ku 1 di ougùstùs.
Den natashon artístiko, Kyra van den Berg, Ziva King i Yaqil Alberto lo kompetí bou di guia di coach Christella de Kock. Nan kompetensianan lo tuma lugá for di 5 te ku 8 di ougùstùs.
Noah Angela i Zinha Falbru ta e representantenan di Kòrsou den natashon ‘open water’. Coach Seggio Bernardina lo guia nan durante e kompetensianan riba 25 i 26 di yüli.
Glenka Antonia lo representá Kòrsou den atletismo, bou di guia di coach Raul Varona. E programa di atletismo lo tuma lugá for di 3 te ku 7 di ougùstùs.
Den tiru, Phillip Elhage i Guru Santhiappan lo ta den akshon pa Kòrsou. Brian Leysner ta e coach di e ekiponan di tiru, ku lo kompetí for di 2 te ku 6 di ougùstùs.
E selekshon di beisbòl di Kòrsou lo kompetí for di 31 di yüli te ku 7 di ougùstùs.
E pichernan ta: Nelmerson Angela, Martijn Schoonderwoer, Misja Harcksen, Finn Kragt, Pim Vijfvinkel, Franklin van Gurp, Arlison Rodriguez, Sedley Karel, Hershelon Juliana, Cerilio Soleana, Dennis Burgersdijk i Jordan Lucas.
E hungadónan di posishon ta: Phildrick Llewellyn, Stephan Vidal, Dudley Leonora, Darren Seferina, Christian Diaz, Raysheandall Michel, Jeandro Tromp, Stijn van der Meer, Sherten Apostel, Riordan Windster, Tommy van den Sanden i Raywentley van Gurp.
E staf ta inkluí Hainley Statia, Carlos Pineda, Jedrek Magdalena, Sorick Liberia, Ghionelo Jansen, Glenciene Gregoria, Gustavo de Jongh i Jhonnattan Ferreira.
Gerard Charles ta funshoná komo hefe di delegashon, miéntras ku Phaidra Nahar ta e asistente atministrativo.
E tim médiko ta konsistí di e masagistanan Laicam How i Richenel Eleonora, i sikólogo deportivo German Isaza Gomez.