WILLEMSTAD — Kampionato Panamerikano di Pool 2026 a finalisá djárason último na Billares Nelson na Panamà .
Un total di 225 biardista a partisipá na e grandioso evento kual e biaha aki a kibra rèkert di partisipashon. Mester bisa ku nivel di wega tabata altisimo, e paisnan ku a sobresalí sin duda tabata Perú i Argentina.
Kòrsou su delegashon a konta ku partisipashon di 5 biardista, David Prins , Nazeer Approo , Karl Vervuurt , Shamir Tremus y Gemajel Rol E biardista ku mihó resultado pa loke ta trata nos delegashon a resultá Shamir Tremus.
Den e disiplina di bola 8 el a okupá puesto 50, den bola 9 puesto 39 i den bola 10 puesto 35. Tur e tres disiplinanan a konta ku partisipashon di 145 biardista.
Federashon Biar Kòrsou ta tuma e resultadonan aki hopi na serio i lo bai na traha duru den futuro serkano riba un plan di entrenamentu pa asina den futuro e resultadonan bira mas mihó. Tin kambio na kaminda pa drecha e futuro di nos deporte.