WILLEMSTAD — Djaweps, nos rèfri internashonal di e deporte di biar, Michael Arvelo, ta sali pa Panamá pa kumpli ku otro gran kompromiso.
For di dia promé pa dies di yüni lo tuma lugá den Billares Nelson na Panamá City e kampionatonan anual di pool organisà pa Confederacion Panamericano de Billar.
Pa Arvelo è evento aki lo bira su di 13 kompromiso internashonal kuminsando for di aña 2017, 8 panamerikano di pool , 2 juegos bolivarianos (pool – karambola , heyball i snooker), 2 centro americanos – pool y un world cup karambola.
Michael Arvelo ta rèfri sertifiká na Gary, Indiana na 2006 dor di World Pool Association y for di e anja ey e ta formando parti di e komishon di regla y regulashon di e organisashon mundial . Tambe e ta sertifiká den e disiplinanan di snooker na Turkia na 2022 y den heyball na China na 2025 . Pues eta domina tur e disiplinanan di biar kompleto.
Na Panamà su promé tarea ta pa duna klínika y sertifiká e rèfrinan ku lo traha durante e evento, esaki lo sosodé durante e wikènt benidero. E evento ta parti den kuater kampionato panamerikano , bola 8 , bola 9 , bola 10 i di pareha , tantu den sekshon hubenil, femenino i maskulino.
Pa promé biaha tin un rèkert di partisipante di 150 biardista den maskulino. Pues ta un reto grandi pero nò difísil ta spera nos embahador di biar Michael Arvelo. Nos ta deseá Michael tur klase di éksito i sigui saka kara di Kòrsou .