WILLEMSTAD — Federashon Biar Kòrsou tabatin un tremendo evento mensual, e biaha aki a toka turno na e disiplina di bola 10.
24 biardista a partisipá y bon partidonan e publiko a disfrutá di dje. Djabièrnè, ku tabata e ultimo dia di evento , Afmad Ibrahim a topa ku Gregory Zimmerman den semi final di buèlta di ganador. Ibrahim a sali viktorioso ku skor di 7 pa 4.
Den e semi final di buèlta di perdedor Shamir Tremus ta gana Zimmerman 7 pa 3. No tin duda ku e aña aki a habri bon pa Tremus ku ta sali duru y bai ku e viktoria 7 pa sero riba Ibrahim.
Aki ta sigui e resultadonan: empatá na puesto 5 Richinello Fransisca i John Hernandez, puesto 4 Gemajel Rol, puesto 3 Gregory Zimmerman, sup kampion Afmad Ibrahim i kampion Shamir Tremus.
Esaki tabata otro tremendo evento di Federashon Biar Kòrsou. Pa fin di luna di yüni, bola 8 ta e disiplina na turno .