WILLEMSTAD — Federashon Biar Kòrsou (Febiko) su miembronan tabatin nan di dos evento pa loke ta trata 2026. Ta trata di e Kampionato Nashonal di bola 9 ku a konta ku partisipashon di 30 biardista, tur esaki a tuma lugar na e sede di Febiko ku ta Poolarena.
Diabierne 27 é kulminashon di e evento a tuma lugar. Den partido di semifinal di e buelta di ganador Jeffrey Nieuwenhuijzen ta gana Barat Ibrahim 11 pa 7.
Den kuart final di buelta di perdedor Shamir Tremus ta elimina Gregory Zimmerman konvinsentemente 9 pa 1. Pero, awor kos a bai sinta, ora ku den semifinal di buelta di perdedor tabatin kandela .
Pero finalmente Tremus ta domina e partido y bai ku e viktoria ganando Ibrahim 11 pa 9. Asina’ki a jega na è final tan sperà entre dos di è mihor hungadornan aktualmente na Korsou.
Shamir enfrentando Jeffrey ku a jega final invikto. Den un palabra un tremendo partido a keda presenta , pero , na final tabata Tremus ku a bai ku è viktoria ku skor di 13 pa 10.
Ata aki e resultado final di e kampionato nashonal bola 9. Empata na puesto 5 Nazeer Approo y Afmad Ibrahim , puesto 4 Gregory Zimmerman, puesto 3 Barat Ibrahim , supkampion Jeffrey Nieuwenhuijzen y Kampion Shamir Tremus. Ku e resultado aki e dos promè representantenan pa Schotborgh Cup 2026 ta konosi, Shamir y Jeffrey ta e promè dos deportistanan pa klasifika pa e evento aki ku e anja’ki lo tuma lugar na Boneiru.