WILLEMSTAD (DA) — Federashon Deporte i Olimpiko Kòrsou (FDOK) lo lansa ofisialmente un Base di Dato Nashonal di Deporte durante un evento di sosialisashon ku ta destiná pa uni federashonnan deportivo, spònsernan, partnernan i medionan di komunikashon.
FDOK a indiká ku a desaroyá e base di dato aki pa reforsá kolaborashon, mehorá transparensia i sostené kresementu deportivo na Kòrsou.
Segun FDOK, e plataforma lo sirbi komo un sistema sentral pa registrashon di atleta, maneho di federashon, rapòrtahe di dato i desaroyo stratégiko.
E evento ta planeá pa djaweps 5 di mart 2026, pa 5:30 p.m.