WILLEMSTAD (DA) — Federashon di Dam Kòrsou (FDK) ta organizá “Torneo Dam den Bario” na Dòmi Ariba.
Segun e federashon, e torneo ta wordu tene riba djadumingu, 1 di Mart 2026, for di 2:00pm te 6:00pm den un ambiente natural bou di mata ku brisa di laman.
Formato di wega ta “Arbiter Pro” ku sistema Swiso i total di 9 ròndu.
E federashon ta pone 3 premio efektivo disponibel, ku e montantenan dependiendo di kantidat di partisipante.
Inskripshon ta 10 XCG. Kuminda i bebìda lo ta disponibel na bon preis, segun e informashon.
Pa informashon òf pa inskribí, yama òf manda mensahe na +599 9 510 0832.