SANTA CLARA (DA) — Dos aña despues ku Mike Macdonald a haña trabou serka Seattle ora ku hopi ekipo tabata buska un coach ofensivo, ta defensa a duna Seattle Seahawks un viktoria 29-13 riba New England Patriots djadumingu den Super Bowl LX na Levi’s Stadium.
Seattle a gana nan di dos kampeonato den historia di e frankisia. Den e partido nan a usa un strategia similar na esun ku ora nan a gana nan promé título. E strategia di “Legion of Boom” kual ta: preshon, field goal, posishon kortiku di tereno, i despues un golpi final.
E defensa di Seahawks a para e ofensiva di Drake Maye, manteniendo New England na sero punto te despues di e di tres kuatro di partido i limitando Patriots na 331 yarda total. Mayoria di e yardan ei a bin den e di kuater kuatro di partido ora ku ya e resultado tabata na fabor di Seattle.
Seahawks a drenta e kuater kuarto ku un bentaha di 12-0, i ta akinan numa nan a yega na nan promé touchdown ora ku A.J. Barner a kue un pase di 16 yarda di Sam Darnold pa hasi e wega 19-0.
New England a mustra un tiki speransa ora Maye a konekta ku Mack Hollins pa un pase di touchdown di 35 yarda pa hasi e partido 19-7, pero e racha ey a yega na un fin hopi lihe.
E safety Julian Love a intersepta un pase di Maye faltadndo ménos di nuebe minüt pa e partido, i despues Uchenna Nwosu a pone e seyo final ora ku e la interspeta i regresa 44 yarda pa touchdown.
Patriots a drenta e partido number 2 den scoring offense i number 3 den yarda den temporada regular, pero e meskla di strategia defensivo di Seattle a podera di e protekshon i a laga Maye bou di preshon, inkluíendo tres sack den promé mitar.
Ku e viktoria Seattle a sera un postemporada fuerte: nan a domina den e rondu di divishon kontra San Francisco 49ers, viktoria den NFC championship kontra Los Angeles Rams, i despues un tremendo anochi den Super Bowl kontra Patriots.