WILLEMSTAD (DA) — Despues di e torneo di ranking diahuebs anochi kaminda den un tremendo wega Rouchel Hernandez ta derota Mikha Boekhoudt ku skor di 3-2 pa asina keda number 1 den e grupo i Mikha Boekhoudt number dos sigui pa number 3 Jacintho Zimmerman, number 4 Lalo Arvelo number 5 Kim Chang number 6 Jing Tao number 7 Napi Boekhoudt number 8 Russel Lasten number 9 Cai Walter’s i number 10 Jeremy Motes, direktiva di federashon ta prepara pa organisa e torneo na memoria di Robert Hose ku lo wordu hunga den 8 kategoria ku mas di 66 inskripshon.
Diabierne 6 februari lo start ku e kategoria Open ku 16 hungado di Boneiru, Ulanda i Korsou pa 7.30 den Sala di rekreo Irene Moreno. Diasabra mainta 9.30 lo hunga e weganan infantil/hubenil sigui pa diasabra anochi 7.30 e weganan den kategoria 50, 60 I 70 plus.