WILLEMSTAD — Pa promé biaha den historia di deporte di biar ku Korsou a sera konosí ku un evento úniko. Federashon Biar Kòrsou no ta sinta ketu i a demostrá esei ku organisashon di e promé edishon di Sharky’s Curaçao Classic .
Esaki ta un evento ku ta parti den dos , e promé parti a konta ku 25 biardista partisipando den kuater disiplina. Bola 10, Bankpool, Bola 8 i Rotation (61). Den bola 8 , Shamir Tremus a bai ku e título. E último disiplina tabata unu hopi difísil, pero e bataya tabata fuerte.
Un tremendo final a keda presentá i tabata Barat Ibrahim ku a dominá ganando meresidamente di Shamir Tremus. Na di 4 puesto a keda Salim Kuzi, puesto 3 Richinello Fransisca , puesto 2 Shamir Tremus i kampion Barat Ibrahim.
Djaweps dia 5 di febrüari ta inisiá e di dos parti di e tremendo evento aki. E ocho biardista nan ku a klasifiká pa e disiplina di ‘One Pocket’ ta :
1 Shamir Tremus
2 Barat Ibrahim
3 Richinello Fransisca
4 David Prins
5 Salim Kuzi
6 Michael Arvelo
7 Isidro Noor
8 Evandro Hooi
Djabièrnè 6 lo kontinuá ku e respektivo enkuentronan di ‘One Pocket’, mientras ku djasabra dia 7 ta kulminashon di Sharky’s Curaçao Classic. Na final lo tin entrega di premio i lo anunsiá ken a resultá e “Master of the Table “.
Federashon Biar Kòrsou ta invitá un i tur pa bin presensiá e tremendo evento ku ta kuminsá 1’or di mèrdia na Poolarena riba gosieweg.