WILLEMSTAD — Ayera nochi a tuma lugá e seremonia di premiashon di FTMK HONORS NIGHT 2025, kaminda direktiva di FTMK a honra e atletanan i dirigentenan ku mas a destaká durante temporada 2025.
E hóben Mikha Boekhoudt a keda honrá komo e hungadó mas balioso di tènis di mesa pa loke ta trata e aña 2025, konkistando tres título: komo hungadó hubenil mas destaká, hungadó femenino mas destaká i e MVP di aña 2025.
E ganadónan a resultá:
- Premio estímulo: Alina Landaeta
- Prospekto: Owen Vinck
- Hubenil: Mikha Boekhoudt
- Hungadó femenino: Mikha Boekhoudt
- Hungadó maskulino: Dimitri Leon
- Hungadó femenino master: Mary Ann de Windt
- Hungadó maskulino master: Peter Wong
- Umpire di aña: Rene Alfonso
- Entrenadó di aña: Ulrich Hernandez
- Dirigente di aña: Kim Chang
- Miembro di aña: Kalai
- MVP 2025: Mikha Boekhoudt
- Hungadó mahjong 2025: Iris Mathilda
Direktiva ta felisitá tur e ganadónan i ta deseá tur miembro un felis kambio di aña i hopi prosperidat den 2026.
Djadumingu 4 yanüari direktiva lo organisá un dia sosial pa habri aña 2026 den sala di rekreo Irene Moreno ku weganan di pinpòn, mahjong i dominó.
Tur miembro ta bon biní pa habri aña den un ambiente ameno i deportivo.