WILLEMSTAD – Den fin di siman tras di lomba e di dos ekipo U-18 di Women’s Basketball Association of Curaçao (WBAC), a pasa trabou den e torneo 3X3 HerWay na St.Maarten. E grupo a sali Kòrsou ku bista riba e wega final, pero un resistensia físiko fuerte a pone e ekipo mester a konfirmá nan mes ku e di kuater puesto.
Torneo
WBAC (2) a kuminsá e torneo ganando 9-0 di un representante di Saba. Pero ta komo si fuera ku esaki tabata un yamada na sobra ekiponan pa hisa nan intensidat ora di enfrentá Kòrsou. Naturalmente a yuda ku e sobra ekiponan a studia e wega di WBAC (2) ora nan a kompetí den CuraHoops den novèmber último.
Kontinuando ku e torneo, WBAC (2)a mantené su defensa será. Sinembargo e atake di Kòrsou a sukumbí bou dje preshon físiko di su kontrinkantenan. Konsekuentemente den e 5 weganan sobrá, WBAC a logra hinka solamente 17 punto kontra 27. Al final a kaba e torneo na di kuater posishon ku un promedio di 4.3 punto pa wega.
Kòrsou su kapitan Jasmin Kaddoura Chemsedinne, a keda skohe entre e 3 mihó hungadónan dje torneo.