WILLEMSTAD – Dimitri Leon, Iris Mathilda, Chris Ignacius i Michael Michel a resultá e ganadónan di e tremendo Kerstbouttoernooi Three in One organisá pa Federashon di Tènis di Mesa Kòrsou komo klousura di e temporada di pinpòn 2025 den Sala di Rekreo Irene Moreno. E tres aktividatnan pa klousura 2025 tabata pinpòn, mahjong (wega chines di figura) i dominó.
Den pinpòn e eterno rivalnan a topa otro ora ku den e wega final Dimitri Leon ta derota e aktual kampion di Kòrsou, Juan Carlos Sanchez ku skor di 3-1 pa asina bai ku e premio grandi ku tabata konsistí di e kerstmand, un waardebon di xcg50,00 opsekio di De Jongh Sports i un ham di Pasku. Juan Carloz Sanchez a gana un waardebon di xcg100,00 di De Jongh Sports.
Den e torneo fi Mahjong tabata Iris Mathilda ku a bira kampion i a gana un makutu di Pasku huntu ku Un waardebon di xcg50,00 di De Jongh Sports. Komo supkampion a keda Astrid Jansen ku a risibí un premio di xcg100,00 di De Jongh Sporthuis.
Den dominó tabata e duo forma pa Chris Ignacius i Michael Michel ku a titulá kampion riba Jacinto Zimmerman i Jenny Zimmerman.
Tur e partisipantenan por a bai kas ku vários premio den tur e tres aktividatnan ku a dura di 10or mainta te 7or anochi.
Direktiva ta gradisí tur e spònsernan i e 43 partisipantenan ku a hasi e kerstbouttoernooi un éksito rotundo.
Awor lo sera 2025 ku e FTMK Honors Night riba djaluna 29 desèmber den Sala di rekreo Irene Moreno pa duna rekonosimentu na e deportistanan I dirigentenan mas destaká di tènis di mesa di temporada 2025.