LIMA – ‘Juegos Bolivarianos Ayacuco – Lima 2025’ a ranka sali djasabra último i un di e deportenan ku a inisiá djasabra tambe, i a kulminá djamars, tabata hisamentu di peso.
Mester remarká ku Kòrsou tabata presente den e ramo di deporte aki ku dos wes. Ta trata aki di e ofisialnan Rikhaira Snijders i Carmen Nieves Garcia, dos wes kategoria 2 di federashon di hisamentu di peso di Kòrsou, ku a aktua na Lima, Perú.
Esaki ta nan promé eksperensia ku Juegos i a yuda nan gana eksperensia pa asina promové pa wes kategoria 1 den futuro. Kòrsou ta sumamente orguyoso di e 2 damanan ofisial aki ku a sa di saka kara di Kòrsou di forma digno na Perú.