WILLEMSTAD – Dia 17 di novèmber próksimo, Freewinds ta habri portanan di ‘Starlight’ 7:30PM pa un tremendo konsierto pa rekoudá fondo pa atletenan di Atletek Vereniging Sparta. Manera e título di e konsierto ta bisa, ‘Holiday Spirit Fundraising Concert’: un konsierto ku ta bai laga bo sinti e espíritu di ambiente di dianan di fiesta benidero.
E konsierto aki ta unu bon balansa ku artisnan lokal di taya ku a pone nan mes gratuitamente disponibel huntu ku Freewinds Band pa deleitá tur ku aportá na e organisashon di atletismo Sparta, ku ta traha voluntariamente na bienestar di nos hóbennan lokal.
E artisnan ku ta presentá e anochi ei ta, Ebony-Gwen Martis, Angelique Klooster, Joël Villareal, Angelique Evertz, Vonetta Lauffer i Dibo D. Grupo Grik tambe lo tei pa tur presente ku kanshonan ritmiko kulturál di fin di aña.
Ta un lág espectáculoar, pa por haña tantiu artis lokal di taya huntu den un anochi kompartiendo tarima riba e barku FREEWINDS pa solamente 35 florin pa persona. Ta kuminsá abordá e barku 7:30 i e konsierto ta di 8:00 PM – 9:30 PM en punto.
FREEWINDS huntu ku AV Sparta ta invitá pueblo di Kòrsou pa hasi uso di oportunidat di disfrutá abordo di Freewinds i mesora aportá na hóbennan atleta di AV Sparta.
Tin karchi optenibel tanto seka e atletenan i direktiva di Sparta (+59995645201). Si sobra karchi nos lo tin karchi optenibel na porta.
Pa mas informashon relashoná ku e Proyekto di AV Sparta i/o pa hasi un donashon por tuma kontakto ku sr. Quinten Prinsipaál (Tesorero AV Sparta) na telefón 568-9811.