Eksitoso interkambio deportivo entre Boneiru i Kòrsou den waterpolo

WILLEMSTAD — Dia 04 i 05 di febrüari último e ekipo di landamentu i waterpolo di Boneiru, Baracuda’s, tabata na Kòrsou pa un interkambio deportivo den waterpolo ku Swim Club Orca Curaçao.

A kompetí den e kategoria di U12, U16 i U19. Meskos ku na Kòrsou, na Boneiru tambe, e deporte di waterpolo ta den desaroyo i tur dos pais ta tratando di subi e nivel den waterpolo, dor di trata di interkambiá dos biaha pa aña na Kòrsou i Boneiru. Tur esaki pa por ta mas kompetitivo den nos region.

Resultado:

  • U12 a hunga 3 partido ku e siguiente resultado; Baracuda’s  9 – Orca 1; Baracudas’s 7 – Orca 6 i Baracuda’s 9 – Orca 5.
  • U16 tambe a hunga 3 partido ku e siguiente resultado; Baracuda’s 2 – Orca 11; Baracuda’s 5 – Orca 5 i Baracuda’s 8 – Orca 7.
  • U19 tambe a hunga 3 partido ku e siguiente resultado; Baracuda’s 8 – Orca 8 ; Baracuda’s 7 – Orca 11 i Baracuda’s 10 – Orca 4.

Direktiva di Swim Club Orca Curaçao ta yama danki na tur ku a aportá pa e interkambio aki por a tuma lugá.

Pa mas informashon, tokante di Swim Club Orca Curaçao,  por yama na telefòn 529 6586