Franzjeska Dortalina: Hungadó di siman #1 vòlibòl femenino deporte eskolar organisá pa ACU I FDDK

WILLEMSTAD — Manera ya kaba ta konosí tur siman lo saka un hungadó di siman. E rekerimentu pa por haña e honor prestigioso aki no ta solamente sobresalí riba kancha di deporte si no tambe na skol. Ora nos mira ku un hungadó ta destaká riba vèlt nos ta tuma kontakto ku skol pa wak kon su prestashon ta na skol tambe. Nos no ta solamente wak kon e hungadó ta hunga pero ta wak su komportashon tambe. Kisas e no ta e mihó hungadó pero si e ta respetá su kontrinkante i keda spòrtif òf e ta kalma su ekipo den momentu di angustia.

Franzjeska ta un di e hungador ku semper ta respetuoso i ta duna tur ku e por riba e kancha di vòlibòl tambe. St.Jozef tambe a duna di konosé ku e ta un di e studiante nan ehemplar i no tin palabra pa deskribí kon orguyoso su mama ku ta laborá na st Jozef mes tambe ta di dje.

Ku hóbennan asina aki e futuro di nos deporte i nos Kòrsou en general ta mustra briante. FDDK i ACU ta Aploudí i felisitá Franzjeska Dortalina komo hungadó di siman.

Franzjeska Dortalina a risibí su regalito di parti ACU i FDDK serka Naisha Santiago.