Di 15 pa 20 novèmber kampionato nashonal di Kòrsou di pinpòn

WILLEMSTAD- Despues ku e kampionato di pinpòn pa ekipo kategoria A-Klas ta tras di lomba, ku e ekipo Perfect Bartenders resultando kampion, e kosnan lo kontinua den novèmber ku e kampionato nashonal di Kòrsou.

Mayoria di e hungadoan ku a partisipa den kampionato di ekipo, lo bai topa bèk den kampionato nashonal di Kòrsou, kaminda e título di kampion di Kòrsou lo ta na disputa.

E kampionato di Korsou di pinpòn lo tuma lugá den e siman di 15 pa 20 di Novèmber proksimo. Aña pasá e Sala Irene Moreno tabata kargá di fanatiko i praktikamente no tabatin lugá sufisiente pa akapará tur hende. Pero e hungadónan ta preferá e sala, kaminda nan por sinti e kalor di e fanátiko. Pues e luga lo keda Sala Irene Moreno. Despues lo sigui mas informashon i detaye di e kampionato di Korsou.