WILLEMSTAD — E skol di Taekwondo Olympia Taekwondo Association resientemente (26-09-2015) a partisipá na un kompetensia ku a tuma lugá aki na Curacao na Don Bosco. Na e kompetensia aki OTA a partisipá ku 12 atleta. E atleta nan aki a sa di duna un hopi bon presentashon i a sa di logra 6 Oro, 3 Plata i 3 Brons. OTA ta hopi kontentu ku e atleta nan i prinsipalmente e mayornan ku ta para firme para tras di nan yunan. Aki e resultadonan; Javan Poulina-Oro, Thaveon Donker-plata, Earthson Thodé-Oro, Quishurean Jourdain-brons, Nasser Lahham-Oro, Rahim Antonio-Plata, Nadim Lahham-Oro, Dylano Streedel-Plata, Shadeon Donker-Oro, Rashied Antonio-Brons, Shenasha Andrea-Brons i Ludshenais-Oro.
Djasabra awor dia 3 òktober. 2015 OTA lo bai partisipá na un kompetensia internashonal di taekwondo na Aruba kual ta titula Best of the Best power parade. E atletanan ku OTA ta bai ku n’e ta Nasser Lahham, Shadeon Donker i Nadim Lahham.
Olympia Taekwondo assocation ta trahando duru pa por logra sera fondo nan pa e kompetensia internashonal di mas grandi di Curaçao. E kompetensia ta titulá TK 5 Curaçao 2015 i lo tuma lugá dia 28 novèmber 2015 na Internashonal School Curaçao. E aña aki tambe lo bai tin partisipashon di diferente pais. Keda pendiente pa mas informashon di TK 5 Curaçao 2015.