WILLEMSTAD — Federashon di Yudo Kòrsou djadumingu pasa a organisá un kampionato habri na Sentro Rekreativo Suffisant. Kasi 50 yudoka di diferente klup riba nos isla a partisipá na e kampionato. E yudokanan a haña oportunidat di demostrá nan abilidatnan tékniko i físiko na e públiko ku a akudí na e evento. I e públiko presente en bèrdat a disfrutá di peleanan riba nivel den kua regularmente por a mira bunita ehekushon di téknikanan di yudo. Despues ku kompetensia kua a tuma lugá di mainta te atardi e ganadornan a wòrdu anunsiá den e diferente kategorianan di edat i peso i a base di e resultadonan di nan peleanan. Serka esnan mas hóben e kampeonnan a resultá Jai-Lan Germain, Q-Kayvior Lourens Snijders i e mucha muhe Elody Murray, resultá tambe ganador di e Ippon trofee pa mucha muhé komo esun ku a hasi un ehekushon mas bunita di un téknika di yudo. Den e siguiente kategoria di edat, Cayne Isebia, Ray-Dion Martina da Silva, Jayden Jansen, Finn Meijer, Emil Bakhuis, Quyon Zijlstra i Lean Huijsen i ala bes e mucha muhenan
Jurienska Leuteria i Jasmijn Castelijn kada unu a Sali kampeon den nan peso i konsekuentemente a haña medayanan di oro. Den e edat te ku 13 aña,
Sharvin Pieter, Rayen Thompson, Dylan Ilario, Rigel Van der Elst, Zuwena Valks (mucha muhe) i Jurvenier Rijnschot a sali kampeon. Serka e adolesentenan Javy-Ray Ellis, Ajani de Lanooi
I Yvanleah Maria a gana medaya di oro. I den e kategoria di senior Reginald De Windt. Ajani de Lanooi, alabes a gana e trofeo di Ippon Ajani a gana tur su peleanan ku e skor máksimo i ku bunita téknikanan di kual sigur si schouderworp tabata di atmirá. Federashon Yudo Kòrsou ta satisfecho ku e manera ku e kampionato a kana i ta ansioso pa organisá su próksimo evento.