WILLEMSTAD — Swim Club Orca Curaçao?ta un klup nobo ku a lanta pa forma parti di e famia di e mundu di landamentu aki na Kòrsou.?Pa Swim Club Orca Curaçao esaki ta un plaser i honor pa nos tei mei mei di e demas klupnan di landamentu i pa nos tambe por sirbi e pueblo di Kòrsou. Pa selebrá i ofisialisá e hecho aki,?Swim Club Orca Curaçao?i?Fundashon Pa Nan,?dia 24 di òktober di 08.00 or pa 20.00 or, ta bai organisá un aktividat di landamentu ku yama??“This Is It Swimming Marathon”.?E ta un aktividat di landamentu den forma di un “MARATHON” di 12 ora di relevo landando. Por partisipá pa kompetí i tambe pa rekreá.
E parti di kompetensia ta pa e klupnan di landamentu. Tur organisashon i personanan por será un grupo di 10 persona i por partisipá den e parti di rekreo. Si un persona ke partisipá i e no por forma un grupo, nos por regla pa e persona por partisipá tòg, dor di forma un grupo di 10 persona ku otro personanan.
Tur klup ku ta partisipá, ta haña e oportunidat?pa para bou di un tènt i duna informashon na e públiko bishitante tokante di nan klup i e loke nan tin pa brinda nan posibel futuro miembro.
Durante di e aktividat e públiko bishitante por partisipá na charlanan ku lo keda organisá riba e reglanan di landamentu, di waterpolo i di landamentu sinkronisá. Tin posibilidat pa por landa liber den e pisina chikitu i slep for di “bounce”. Tambe lo tin un “bouncer” pa e muchanan chikitu ku no mag di bai den awa. Lo tin stènt di informashon di e klupnan di landamentu i diferente stènt di organisashonnan pa konsientisá hende riba nan salú.