WILLEMSTAD — Despues di 3 dia intensivo kaminda un dia tabata di preparashon i dos dia tabata di komptensia, delegashon di bodybuilding a sa di saka kara di pais Korsou.
Jegando Bahamas anochi lat riba dia 23 di September e delegashon di Korsou a prepara (kushina, train i sosega) nan mes pa e pesahe ku a tuma luga riba dia 24 di September 3or di atardi pa 217 atleta. Mientras ku e Presidente (Aldemar Pieters), tesorero (Janike Maria), head coach (Nathaniel Veeris), Head Judge (Jacqueline Daflaar) i hurado (Ensley Regales) a bai reunion nan informativo kaminda regla nan pa ku e kompetensia di CAC ta wordu repasa.
Dia 25 di September e pesahe a kuminsa 3or di atardi na e hotel asina konosi Atlantis. Akinan tur 10 atleta a subi tarima pa logra klasifika den nan kategoria respektivo. Head coach i
assistent coach, Policarpio “Perucho” Oberto a soru pa e atleta nan ta bon hunta, bon di warm up i trankil pa duna nan maximo.
5 atleta di Korsou a logra kalsifika pa bai final ku a tuma luga dia 26 di September na Atlantis Hotel, Coral Building. E kompetensia a kuminsa 2or en punto i termina 11:30pm.
E premio nan ku Korsou a logra bin kas kune ta:
-Kategoria di Light Middle Weight Jimson Janga a sali di 3 luga;
-Kategoria Light Heavy Weight William Sanchez tambe a logra kue di 3 luga;
-Regis “#SintiBoLiber” Loo a sali di dos luga den e kategoria di Classic Bodybuilding ku tabata Open Klasse;
-Pa loke ta e kategoria di Heavyweight nos veteran den bodybuilding Yunard “Nay” Philips a keda na di 3 luga; i
-Steven Maria a keda na di 5 luga den e kategoria di Welterweight.