MERKA — Liemarvin Bonevacia a logra otro rèkert Hulandes den wikènt tras di lomba na e Boston University John Thomas Terrier Invitational. Akinan riba 400 meter indoor, Liemarvin a logra un tempu di 46.46 sekònde. Ku esaki Liemarvin tin awor tantu e rèkert Hulandes di 400 meter indoor i esun outdoor riba su nòmber.
E tempu di 46.46 sekònde tabata sufisiente tambe pa Liemarvin klasifiká pa e kompetensia oropeo di atletismo indoor na Praag den luna di mart próksimo. Siman pasa Brian Mariano tambe a logra su klasifikashon pa e kompetensia aki riba 60 meter.