Jean-Julien Rojer i Horia Tecau ku viktoria na Rumania

BUCAREST, RUMANIA – Jean-Julien Rojer i su kompañero Horia Tecau a logra gana nan di tres título den e kampionato di ATP World Tour. Rojer i kompañero a hunga e final den kategoria dòbel kontra e Polakonan Mariusz Fyrstenberg i Marcin Matkowski i a gana ku skor di 6-4 i 6-4. Pa Jean-Julien esaki tabata su di 11 título di su karera den kategoria dòbel.