WILLEMSTAD – E Federashon Aquatiko di Kòrsou a anunsiá ku e selekshon di natashon Kòrsou pa XXIX CARIFTA SWIMMING CHAMPIONSHIPS ta kla. E selekshon lo biaha dia 21 di aprel pa Aruba kaminda nan lo bai kompetí na e di 29 edishon di CARIFTA SWIMMING CHAMPIONSHIPS.
Carifta Swimming Championship ta e kompetensia spesialmente organisá pa hóbennan entre 11 pa 18 aña. E atletanan ta kompetí den kategoria di edat. E promé edishon di Carifta Swimming Championship a keda organisá na aña 1985. Cartifta Swimming Championship ta spesialmente pa atletanan di den Caribe. Durante di e kompetensia aki e hóbennan por klasifiká pa e siguiente kompetensianan na nivel mas altu manera CISC ku lo tuma lugá e aña aki na Barbados.
Federashon Aquatiko Kòrsou a splika ku e atletanan ku a keda skohe ta e atletanan ku a kumpli ku e kriterionan pa por kompetí na Carifta. E atletanan mester a alkansá e tempu rekerí i tambe akumulashon di Hi – Tek Points ku ta un sistema spesial pa selekshoná bo mihó landadónan repartí den grupo di edat. E kompetensia lo tuma lugá na e pisina Roley Bislik na Savaneta Aruba. E selekshon ta biaha dia 21 di aprel pa Aruba i e kompetensianan ta start dia 22 di aprel. E atletanan ku a keda selekshoná ta 26 en total i nan ta bini di diferente klup di natashon di Kòrsou. E ekiponan ta Bulado, Typhoon, Sharks i Sithoc.
Despues di a selektá e atletanan a base di nan tempu i puntuashon a sigui ku e elekshon pa skohe e coachnan ku lo bai ku e atletanan. E aña aki e eskoho a kai pa Reginaldo Brizuela di Bulado Swim Club i Stephan Dubos di Sithoc. Hefe di delegashon lo ta Milko Lai i asistente lo ta Shermine Engel.
Un total di 26 atleta ta forma nos selekshon nashonal. E atletanan ku e aña aki ta forma parti di nos selekshon ta:
Bulado Swim Club Curaçao: Seggio Bernardina, Lisandra Cijntje, Tiareth Cijntje, Raichel Roque de Freitas, Carolus Josephina, Christopher Lai, Isacar Paula, Angel Priest i Jordan de Windt.
Typhoon Swimming Club: Bo – Anne Bos, Fleur Bos, Jordano de Castro, Mekhayl Engel, Kaitlyn Fullinck, Christopher Marlin, Raïm Michiel, Mauricio Payne, Rainier Rafaela, Nathaniel Simon i Esmay York.
Sithoc: Sidjon Sasso, Kesler Ostiana i Samantha van Vuure.
Curaçao Sharks Aquatics: Chade Nercisio, Marwa Potmis i Gyarick Wever.
Entrante djasabra awor e selekshon lo bai prepará nan mes den diferente seshon di entrenamentu mental i tambe di motivashon pa asina nan ta kla pa kompetí.