Detenshon den kaso Magnus

WILLEMSTAD – Kontinuando ku e investigashon den e kaso Magnus, outoridat nan hudisial a pasa over na detenshon di C.S.P. nase na Kòrsou di 31 aña di edat, sospechá di envolvimentu den e kaso di asesinato di sr. Helmin Wiels.

Kontinuando ku e investigashon, mas lat den dia e tim investigativo, bou di guia di un wes komisario, a tene un entrada hudisial na un adrès den e area di Koral Specht. Na e adrès a pone beslag riba entre otro telefòn i laptop.

Na e momentu nan aki no ta posibel pa duna mas detaye relashoná ku e entrada i detenshon.