WILLEMSTAD – Dia 16 di mei 2013 e edifisio di Building Depot Zeelandia a kima por lo kompleto. No por a salba e edifisio, esaki apesar di trabou di brantwer.
Ministerio Públiko di Kòrsou a ordená mesora un investigashon pa determiná e kousa di e kandela. Departamentu nan táktiko i tékniko di reshèrshi a hasi e investigashon i a ofresé resientemente na Ministerio Públiko e dokumento final (einddossier).
A keda determiná ku na e momentu nan aki no tin ningun indikashon ku e kandela a ser pega intenshonalmente, tampoko no tin indikashon pa loke nan ta yama na Hulandes “culpose brandstichting” (artíkulo 2:98 i 2:99 Kódigo Penal).