WILLEMSTAD – Caribbean Bowling ta orguyoso pa anunsiá ku Kòrsou lo tene e kompetensia di bowling di mas grandi den Karibe di último 5 aña. Kòrsou lo hospedá un kantidat di mas ku 60 bowlers internashonal ku ta bin kompetí pa gana un total di $20.000 dòler na premio. E torneo por konta ku presensia di e hungadó profeshonal di PBA, Amleto Monacelli, kompañá ku e mihó hungadó nan di selekshon di Venezuela, Colombia, Mexico i Costa Rica.
‘Curacao Open 2013’ ta kuminsá dia 25 di sèptèmber 9’or di anochi ku un ‘welcome party’ pa tur hungadó. E kompetensia ta kuminsá dia 26 di sèptèmber pa 3:30 di atardi i ta finalisá dia 29 di sèptèmber kaminda e ganadó máksimo lo gana $5000 dòler. Dia 28 di sèptèmber lo tin un workshop spesial pa bowlers kaminda e bowler profeshonal, Amleto Monacelli lo duna tep pa yega na un mihó resultado den e wega di e deporte di bowling.