Churandy Martina ta sali na di sinku lugá den Diamond League

SHANGHAI, China – E kompetensia nan di atletismo Diamond League organisá pa e Asosiashon Internashonal di Federashon nan di Atletismo (IAAF) a kontinuá wikènt aki ku kompetensia nan na Shanghai, China. Churandy Martina a partisipá den e evento di 200m i logra yega na di sinku lugá ku un tempu di 20.59 sekònde. Na promé lugá a yega Warren Weir di Jamaica ku un tempu di 20.18 sekònde.