Hengelo, Hulanda – E organisashon di FBK Games a anunsiá awe ku Churandy Martina lo partisipá den e kompetensia di FBK Games Hengelo. E kompetensia lo tuma lugá riba 8 di yüni 2013 i Martina ta preparando pa kore 200m.
FBK Games Hengelo ta un kompetensia internashonal di atleta nan profeshonal ku ta tuma lugá na Hulanda. E kompetensia aki ta forma parti di IAAF World Challenge huntu ku entre otro kompetensia nan na Rio de Janeiro, Mosku, Daegu, Osaka, Dakar i Berlin. Martina ku ta e Hulandes di mas velos, ku tempu nan di 9.91 sekònde riba 100m i 19.85 riba 200m ta un di e atrakshon nan prinsipal den e kompetensia aki.