NASSAU, Bahamas – Mas di 100 atleta ku entre nan Churandy Martina ta na Bahamas pa kompetí den e promé edishon di Chris Brown Bahamas Invitational. Martina ta bai partisipá den e kareda di 100m ku ta plania pa awe nochi, 9:45 di anochi.
Martina ta un di e top nan den e kompetensia di 100m huntu ku Justin Gatlin. Den 2007 Martina a gana oro den wega nan Pan Amerikano na Rio de Janeiro. Martina a sali dos bes kampion den wega nan Sentro Amerikano i Karibe, tantu na 2006 i 2010 Martina a gana riba 100m. Na 2010 den e mes un wega nan aki Martina a gana riba 200m tambe.
Martina a bisa, “esaki ta mi promé kompetensia habri, kièr men e lo ta un tiki diferente. Ma bin ta traha riba speed, pues mi ta spera di ehekutá for di salida i tin un bon tempu. Mi ta bai pa 10.0.”