WILLEMSTAD – Resientemente algun trahadó di Parkèt Prokurador-General i Parkèt di Promé Instante di Kòrsou a sigui un studio pa bira ‘ousiliante di empresa’ (bedrijfshulpverlener). Nan a haña training den promé ousilio elementario, kombatimentu di kandela i evakuashon. Ta trata di un studio duná dor di e instituto renombrá Nederlands Instituut voor Bedrijfshulpverlening (NIBHV).
E partisipantenan na e tabata Reginald Haywood, Hermine Matthes-Vos, Rutcheline Alment, Leomar Angela, Gerben Smid, Heiko de Jong, Jeffrey King i Guillano Schoop. Riba pòrtrèt por mira e ‘ousiliante di empresa’, sra. Matthes–Vos i sr. Reginald Haywood.