WILLEMSTAD – Erykah Badu i Gladys Knight, e dos “Gran Damanan di Soul” lo ta presente na Curaçao North Sea Jazz! Anteriormente nos a konfirmá presensia di Luis Miguel, The Roots, Raphael Saadiq, Los Lobos, Christian McBride Big Band, New Cool Collective i Esperanza Spalding Radio Music Society pa e di kuater edishon di e festival.
Gladys Knight, tambe yamá Emperatris di Soul “Empress of Soul”, a bira mundialmente konosí ku su grupo Gladys Knight & the Pips. Kòrda riba e hitnan I Heard It Through the Grapevine, If I Were Your Woman, Neither One of Us en Midnight Train to Georgia. Tambe komo solista Knight a skor diferente hit ku e ‘soundtrack’ di e igualmente pelíkula di James Bond License to Kill. Mayoria di su álbum solo a haña anotshonnan Top 1. El a traha ku diferente artista manera Babyface, Dionne Warwick i Patti Labelle.
Erykah Badu ta tresiendo un kompletamente otro forma di soul. For di su debut Badiuzm ku a sali na 1997, e kantante merikano di soul Erykah Badu ta teniendo mundo di músika den su gara. Su estilo ku hopi bes a keda deskribí komo “neo soul” algun bes ta ekléstiko i semper bai polítika- i sosialmente kargá. Di perspektiva di Jazz e bos di Badu ta laga bo kòrda stèm di Billy Holiday. Badu a graba duo ku entre otro The Roots, Macy Gray, Angie Stone, Will.i.am di The Black Eyed Peas, D’Angelo i Marie Daulne di Zap Mama.
Ademas di e damanan di soul, Edmar Castaneda tambe ta toka na festival. E kolombiano bibá na New York ta toka su harpa na un manera kompletamente otro ku e e forma tradishonal. E ta meskla latin jazz ku muzik kolombiano. Dies aña pasá Casteneda a muda bai Merka i for di e tempu ei e ta un konsepto den mundu di Jazz. El a toka ya kaba ku entre otro ku trompetista Wynton Marsalis, gitarista John Scofield i saksofonista Paquito D’Rivera.
No ta tur artista mester di un podio pa esei bira un fiesta. Tur dos dia Hot 8 Brass Band lo toka. E brass Band ta bini di New Orleans i ta meskla hip-hop, jazz, funk ku New Orleans brass sound.
Aktualmente ta hibando kombersashon kukuerp di maneho di diferente artista pa kaba di kompletá e line-up di e di kuater edishon di Curaçao North Sea Jazz. Nos organisashon ta trahando tambe riba e diferente programanan preliminar partí riba isla di Kòrsou ku lo tuma lugá den e siman promé ku e festival CNSJ mes kuminsá. Di e programa preliminar e orkesta di salsa El Gran Combo de Puerto Rico ya ta konfirmá pa djaluna 26 di ougùstùs na Brionplein.
Curaçao North Sea Jazz Festival lo ta Djabièrnè 30 i djasabra 31 di ougùstùs 2013 na World Trade Center Piscadera Bay. Por reservá entrada pa e festival ya kaba atraves di 522-JAZZ (522-5299), miéntras ku benta ofisial ta kuminsá na aprel. Informashon adishonal tokante esaki ta sigui pronto. Curaçao North Sea Jazz Festival ta ser hasí posibel pa: Fundashon Bon Intenshon.